لفظِ “وفا“ پر شعر کہیں

کی تم نے جفا ہم نے وفا جھوٹ ہے یا سچ
سوچو تو اس دل میں ذرا جھوٹ ہے یا سچ
جو تم نے کہا اس کے بجا لانے میں ہم نے
اک لحظہ توقف نہ کیا جھوٹ ہے یا سچ
سن کر یہ نظیر اس نے کہا ہنس کے بصد ناز
جانے اسے اب میری بلا جھوٹ ہے یا سچ​

 

ہم گدایانِ ‌وفا جانتے ہیں‌اے درِ حُسن !!
عمر بھر کارِ ندامت پہ ندامت کرنا

(ایوب خاور)​

 

گلہ لکھوں میں اگر تیری بے وفا ئی کا
لہو میں غرق سفینہ ہو آشنا ئی کا
دکھاؤں گا تجھے زاہد اس آفت دیں کو
خلل دماغ میں تیرے ہے پار سائی کا​

محمد رفیع سودا​

 

غمِ حیات میں کوئی کمی نہیں‌ آئی
بہت دنوں سے تری یاد بھی نہیں‌آئی
تری وفا، تری مجبوریاں بجا لیکن
یہ سوزشِ غمِ ہجراں، یہ سرد تنہائی

(احمد راہی)​

 

بڑی عمر ہم نے گزار دی کسی بے وفا سے نباہ میں
نہ اذیتوں کی شکائیتیں نہ یہ ہوش حال تباہ میں
سبھی قصے ہجر و وصال کے غم روزگار میں دب گئے
وہی دل ہے مدفن آرزو نہیں خواب کوئی نگاہ میں​

بربط تونسوی​

 

پوچھتے ہیں اہلِ دل مہرووفا کو کیا ہوا
میری وفا کدھر گئی انکی جفا کو کیا ہوا​

 

ساحل کے انتظار میں چکرا گیا ہوں میں‌
مجھ کو مری وفا کے بھنور سے نکا لیے

(قتیل شفائی)​

 

ترکِ وفا تم کیوں کرتے ہو؟ اتنی کیا بیزاری ہے
ہم نے کوئی شکائت کی ہے؟ بے شک جان ہماری ہے

اعتبار ساجد​

 

جب بھی وفا کا نام لیا تو نے اے حبیب !
کانٹا سا ایک دل میں مرے چبھ کے رہ گیا​

 

اضطراب جسم اترا جب چناب عشق میں
کچی مٹی کی وفا اور پانیوں کا ڈر کھلا​

قمر ساجد​

 

خلوص و مہر و وفا کس کی احتیاج نہیں ؟
یہ اور بات زمانے کا یہ مزاج نہیں
وفا کا مجھ سے تقاضا نہ کر مرے محبوب
رفاقتوں کا مرے شہر میں رواج نہیں‌

(عابد حشری)​

 

دل میں وفا کی ہے طلب، لب پہ سوال بھی نہیں
ہم ہیں حصار درد میں اس کو خیال بھی نہیں
وہ جو انا پرست ہے ، میں بھی وفا پرست ہوں
اس کی مثال بھی نہیں میری مثال بھی نہیں

آصف شفیع​

 

وفا کا عہد تھا دل کو سنبھالنے کے لیے
وہ ہنس پڑے مجھے مشکل میں ڈالنے کیلئے
خدا نہ کرے زمیں پاؤں سے اگر کھسکی
بڑھیں گے تُند بگولے سنبھالنے کے لیے

(احسان دانش)​

 

اس قدر رنج سہے دل نے وفا کی خاطر
آج وہ بچھڑے بھی تو صدمہ نہ ہوا

(خاطر غزنوی)​

 

بے وفا سمجھوں ، با وفا سمجھوں کہ دلربا سمجھوں
تو فقط ایک ہے لیکن ، تجھے کیا کیا سمجھوں

مسز مرزا​

 

واہ جی واہ۔۔۔

ضبطِ غمِ دل آساں، اظہارِ وفا ممکن
ہونے کو یہ سب ممکن، ملنا ترا ناممکن
نالوں کا اثر ممکن ، تاثیرِ دعا ممکن
اس ہونے پہ ہرشئے کے، کچھ بھی نہ ہواممکن

(آرزو لکھنوی)​

 

اگر تم ناکامِ وفا نہ ہوتے
تو بچھڑ کے یوں رسوا نہ ہوتے!
مسز مرزا​

 

خانہ زادِ زلف ہیں زنجیر سے بھاگیں گے کیوں؟
ہیں گرفتارِ وفا، زنداں سے گھبرائیں‌گے کیا ؟

(غالب)​

 

فرض کرو ہم اہل وفا ہوں ، فرض کرو دیوانے ہوں
فرض کرو یہ دونوں باتیں جھوٹی ہوں افسانے ہوں
فرض کرو یہ جی کی بپتا ، جی سے جوڑ سنائی ہو
فرض کرو ابھی اور ہو اتنی ، آدھی ہم نے چھپائی ہو

ابن انشاء​

 

ہوں گے نہ ہم یہاں تو یاد آئے گی وفا ہماری
دیکھو گے عالم ایسا کہ فراموش نہ ہو گا ۔۔​

 

وفا کا ذکر چھڑا تھا کہ رات بیت گئی
ابھی تو رنگ جما تھا کہ رات بیت گئی
خوشی ضرور تھی تیمور دن نکلنے کی
مگر یہ غم بھی سوا تھا کہ رات بیت گئی

تیمور​

 

کیسے کریں گے ذکرِ وفا وہ جفا پسند
جب نام دوستوں میں لینا روا نہ تھا​

 

دل کسی یارِ باوفا کی طرح
باخبر ہے بہت خدا کی طرح

عمر بھر تیرا دکھ اٹھایا ہے
وقت کی دی ہوئی سزا کی طرح

فرحت عباس شاہ​

 

عشق محبت، پیار وفا سب ہی بس افسانے ہیں
مجنوں‌لیلیٰ، رانجھا ہیر، قصے سب پرانے ہیں

(نعیم رضا)​

 

کیا یہی دستورِ وفا ہے؟
کہ اس نے تم کو بھلا دیا ہے!
پھر زیست کے ہر موڑ پہ تم نے
کیوں ہر پل اس کو یاد کیا ہے

اب اسکو بھول ہی جاؤ تم
دکھ نگری سے لوٹ آؤ تم

مسز مرزا​

 

رہے گا پیار تیرا ساتھ زندگی بن کر
یہ اوربات اگر زندگی وفا نہ کرے

(قتیل شفائی)​

 

ہم نے ہنس ہنس کر بھرم اہل وفا کا رکھا
ہم بھی رو دیتے اگر عشق میں جھوٹے ہوتے

ن م راشد​