لفظِ “وفا“ پر شعر کہیں

یہاں ایک نیا سلسلہ شروع کیا جا رہا ہے۔ یہاں آپ ایسے اشعار دیں گے جس میں لفظِ وفا استعمال ہو۔

پہلا شعر حاضر ہے۔

وفا ، اخلاص ، قربانی ، محبت
اب ان لفظوں کا پیچھا کیوں کریں ہم

یہی کافی ہے ہم دشمن نہیں ہیں
وفا داری کا دعوٰی کیوں کریں ہم​

 

سنا ہے اب محبت کرنے والا
وفا کی شرط سے آزاد ہو گا

 

اب وفا میں یہ ہُنر اختیار کرنا ہے
وہ سچ کہے نہ کہے اعتبار کرنا ہے​

 

وفا کیسی کہاں کا عشق گر سر پھوڑنا ٹھہرا
تو پھر اے سنگدل تیرا ہی سنگ آستاں کیوں ہو

 

وفا کریں گے، نبھائیں گے، بات مانیں گے
تمہیں بھی یاد ہے کچھ یہ کلام کس کا تھا​

 

اپنی وفا کی قدر کسی نے بھی نہیں‌کی
اُن کی جفا پہ سارا زمانہ نثار تھا​

 

سبق جس کو وفا کا یاد ہو گا
محبت میں‌وہی برباد ہوگا

 

وفا شعار ہیں لاکھوں کوئی حسیں بھی تو ہو
چلو پھر آج اُسی بے وفا کی بات کریں​

 

لاحاصل جی! یہ شعر پہلے اسی صفحہ پر ہو چکا ہے۔

دکھ تو اس بات کا ہے ، عہدِ وفا ٹوٹ گیا
بے وفا کوئی سہی، تم نہ سہی، ہم ہی سہی​

 

ناکامئِ وفا پہ اُڑاتے تو تم ہنسی
اے دوستو! یہ رونے رُلانے کی بات ہے​

 

یہ دستور وفا تو صدیوں سے رائج ہے زمانے میں
صدائے قرب دی جنکو انہی کو دور دیکھا ہے

 

اُمید ہی بندھ جاتی ، تسکین ہی ہو جاتی
وعدہ نہ وفا کرتے ، وعدہ تو کِیا ہوتا​

 

خدا وہ دن نہ دکھائے تجھے کہ میری طرح
میری وفا پہ نہ بھروسہ کرسکے تو بھی

 

تم بے وفا نہیں ‌ہو تو اچھا ہمی سہی
ایسی بھی کیا یہ بات بڑھانے کی بات ہے​

 

نہ گِلا کیا نہ خفا ہُوئے، یونہی راستے میں جدا ہُوئے
نہ تُو بے وفا نہ میں بے وفا، جو گزر گیا سو گزر گیا​