لفظِ “دل“ پر شعر کہیں

کرکے نالہ ہجر طیبہ میں مجھے رسوا کیا
اضطرابِ درد دل یہ ھائے تو نے کیا کیا

 

ان حسینوں کا لڑکپن ہی رہے یااللہ
ہوش آتا ہے تو آتا ہے ستانا دل کا
(داغ دہلوی)

 

گو میرے دل کے زخم ذاتی ھیں
ان کی ٹیسیں تو کائناتی ھیں

 

تو نے کی غیر سے کل میری بُرائی کیوں کر
گر نہ تھی دل میں تو لب پر تیرے آئی کیوں کر
(داغ دہلوی)

 

یہ تیری چاپ ھے یا میرے دل کی دھڑکن ھے
بہت قریب سے آئی ھے دور کی آواز

 

مجھے دل کی خطا پر یاس شرمانا نہیں آتا
پرایا جرم اپنے نام لکھوانا نہیں آتا
(یاس یگانہ لکھنوی)

 

ترے نصیب میں راتیں مرے نصیب میں دن
ترے چراغ مرےَ دل کے داغ جلتے ھیں

 

شورش سے بھاگتا ہوں دل ڈھونڈتا ہے میرا
ایسا سکوت جس پر تقریر بھی فدا ہو
(علامہ ڈاکٹر محمد اقبال)

 

تمام حسن عمل ھوں تمام حسن بیاں
کہ میرا دل بھی تمہی ھو مری زباں بھی تمہی

 

سر بسر شکل تمنّا ہے یہ اچھا درد ہے
میں سراپا دل ہوں، دل میرا سراپا درد ہے
(مولانا کیفی چریا کوٹی)

 

نہ آنکھیں کھولنا پل بھر نہ سننا دل کا واویلا
مصیبت کو مسرت ابتلا کو امتحاں کہنا

 

مل گئے الفت میں مجھکو دونوں عالم کے مزے
تم مری آنکھوں میں ہو دل میں تمہارا درد ہے
(مولانا کیفی)

 

چمن میں دل خراش آواز آتی ھے چلی شاید
پسِ دیوار گلشن نالہ کش ھے کوئی پربستہ

 

محبت ہے سکوں بخشِ دل و جاں
محبت حاصلِ دنیا و دیں‌ ہے
(جلال الدین اکبر)

 

شکر ان کی جفا کا ہو بھی نہ سکا
دل سے اپنے ہمیں گلا ھے یہ

 

یہ درد کی دنیا ہے اِدھر دیکھ تو لے
کچھ اور نہیں کہتے مگر دیکھ تو لے
جس دل کا ہے یہ حال تغافل سے ترے
اُس دل کی طرف ایک نظر دیکھ تو لے
(فراق)

 

حجرہ درویش کے موسم سے یہ دل پر کھلا
زندگی ھے زندگی پر رنگ برسانے کا نام

 

بندہ ہوں تیرا اے میرے اللہ میری سن
فرما دے میرے مقصد قلبی کے لئے کن
ہر غیر کو دل سے میرے معدوم ہی کردے
سب بھول کے لگجاۓ بس اک دل کو تیری دھن
(بابا نجم احسن)

 

وفا کے شہر سے سب جا چکے ھیں
دل نادان باقی رہ گیا ھے

 

اے غائب از نظر کہ شدی ہمنشینِ دل
میگویمت دعا و ثنا می فرستمت
حافظ شیرازی

 

مرے دل کا ساتھ دیتی مری زندگی کہاں
مجھے ہوش آرھا تھا کہ گزر گئی جوانی

 

دل ویراں ہے، تیری یاد ہے، تنہائی ہے
زندگی درد کی بانہوں میں سمٹ آئی ہے​

 

ہم رو رو کے درد دل دیوانہ کہیں گے
جی میں ھے کہو حال غریبانہ کہیں گے

 

یوں دل سے کسی درد کا پیماں نہیں کرتے
اب جاں پہ بھی ہے تو درماں نہیں کرتے
ہر یاد کو یوں زخم بناتے نہیں دل کا
ہر تیر کو پیوستِ رگِ جاں نہیں کرتے

 

تمہاری یاد کچھ ایسے مرے دل پر اترتی ھے
کہ جیسے روشنی شب میں‌دیا تقسیم کرتا ھے

 

خلوص دل سےملو تو سزا دیتے ھیں لوگ
سچے جذبات بھی ٹھکرا دیتے ھیں لوگ
دیکھ نہیں سکتے دو دلوں کا ملنا
بیٹھے ھوئے دو پرندے بھی اڑا دیتے ھیں لوگ

 

دل بھی پاگل ھے کہ اس شخس سے وابستہ ھے
جو کسی اور کا ھونے دے نہ اپنا رکھے

 

دورِ خزاں میں یوں مرا دل بے قرار ہے
میں جیسے آشناۓ بہاراں نہ تھا کبھی

 

ہونٹ ہنستے ھوں دکھاوے کے تبسم کے لئے
دل غم زیست سے بوجھل رھے ازردہ رھے

 

تمھیں دل گرفتہ نہیں ساتھیو
ہمیں بھی زمانے سے ہیں کچھ گِلے