لفظِ “دل“ پر شعر کہیں

غم دنیا میں سرگرداں تھے ایسے
نہ دل رویا نہ تیری یاد آئی

 

تیری زلفوں کے بکھرنے کا سبب ہے کوئ
آنکھ کہتی ہے ترے دل میں طلب ہے کوئ

 

دل کی آوارگی پہ بھی عامر
اعتدال آتے آتے آتا ھے

 

بسا ہوا ہے خیالوں میں کوئ پیکرِ ناز
بلا رہی ہے ابھی تک وہ دل نشیں آواز

 

شام تک قید رھا کرتے ھیں دل کے اندر
درد ھو جاتے ھیں سارے ہی رھا شام کے بعد

 

دلوں‌کی الجھنیں بڑھتی رہیں گی
اگر کچھ مشورے باہم نہ ہوں گے

 

ہم نے اس دل سے پکارا مولا !
رنج گھبرائے الم سہم گئے

 

دل کو میرے اُڑا لیا جھٹ پٹ
واہ کیا خوب آپکی ہے جھپٹ
(جناب میر مہدی صاحب مجروح دہلوی مرحوم۔۔رحمتہ اللہ علیہ)

 

دلوًں میں بدگمانی رہ گئی ھے
ادھوری ہی کہانی رہ گئی ھے

 

اُسے گلشنوں کی تلاش تھی وہ تو منتظر تھا بہار کا
یہ دلوں کے اجڑے دیار تھے، یہاں کام کیا تھا قرار کا ؟

محمد نعیم رضا​

 

بس اب تو دامن دل چھوڑ دو بے کار امیدو
بہت دکھ سہہ لیا میں نے بہت دن جی لیا میں نے

 

میں نے دل کی بات آج تک اُس سے نہیں کی
شاید وہ دردِ دل سے نا آشنا ہو اور مسکرا کے ٹال دے

 

کبھی کبھی یہ مرے ساتھ بھی ضد کرتا ھے
یہ دل کہ پوری طرح راہ پر نہیں ‌آیا

 

شور برپا ہے خانہء دل میں
کوئی دیوار سی گری ہے ابھی

 

یہ الگ بات کہ تعمیر کی توفیق نہ ہو
ورنہ ہر دل میں‌کئی تاج محل ہوتے ہیں

 

فصیل شہر مقدر میں در بناتے ھوئے
بکھر گیا میں ترے دل میں گھر بناتے ھوئے

 

وہ ہاتھ ڈھونڈ رہے ہيں بساط محفل ميں
کہ دل کے داغ کہاں ہيں نشت درد کہاں

 

قدم قدم پہ آسرا دیا اس نے
وہ نام دل میں اچانک اتر نہیں‌آیا

 

یہ جان و دل فدا ہوتا تھا جن کے مسکرانے پہ
لگیں جو روٹھ کر پیارے وہ بالم یاد آتے ہیں

 

تو دل پہ بوجھ لے کر ملاقات کو نہ آ
ملنا ھے اس طرح تو بچھڑنا قبول ھے

 

اے دل کسی کی یاد میں ہوتا ہے بےقرار کیوں ؟
جس نے بھلا دیا تجھے۔ اس کا ہے انتظار کیوں ؟

 

ہم سے سادہ لوگ اکثرآگئے ھیں دھوکے میں
کتنا دل نشیں لہجہ ھے ترے تکلم کا

 

ذرا تو سیکھ لے اے دل خزاں رُت میں اب جینا
خدا جانے بہار اب لوٹ کے آئے یا نہ آئے

نعیم رضا

 

لوگ اپنے دل کی بات ڈھونڈتے ھیں نغموں میں
صرف اک بہانہ ھے ساز کا ترنم کا

 

وفا کیسی کہاں کا عشق جب سر پھوڑنا ٹھہرا
تو پھر اے سنگ دل تیرا ہی سنگِ آستاں کیوں ہو

 

دلوں میں فرق کچھ ایسا پڑا کہ ہر لمحہ
وہ اپنا لہجہ تو لہجہ زباں بدلنے لگا

 

دلوں کی الجھنیں بڑھتی رہیں گی
اگر کچھ مشورے باہم نہ ہوں گے :237:

 

تمہیں‌آئینہ گری میں ھے بہت کمال حاصل
مرا دل ھے کرچی کرچی اسے جوڑ کر دکھاؤ

 

دل کے آئینے میں ہے تصویرِ یار
جب ذرا گردن جھکائی، دیکھ لی

 

ایک تری جدائی کے درد کی بات اور ھے
جن کو نہ سہہ سکے یہ دل ایسے تو غم نہیں‌ملے