لفظِ “دل“ پر شعر کہیں

مدت سے کچھ ترسی ھوئی، آنکھوں کو تیرا انتظار تھا
دل میں خوشی پھر جاگی ھے جو زندگی سے بےزار تھا​

 

دلِ سادہ تمہیں اب تو یہی باور کرانا ہے
جسے تم یاد کرتے ہو، اُسے اب بھول جانا ہے

 

جب سے وہ آیا ھے دل کی اور دنیا ھو گئی
ورنہ پہلے دل تھا گویا ایک ویرانے کا نام

 

تو نہیں تو تیری یادیں ھمارے ساتھ ھیں
تم اپنا ذکر ھمارے چار سو رھنے دو
زخمِ دل تازہ رھے نا بھرے تو اچھا ھے
ھماری ھتھلی پہ ارمانوں کا لہو رھنے دو

 

جب دل سے ہر قصور کو تسلیم کرلیا
لفظوں میں بار بار وضاحت نہیں کرو

 

شامل جو محبت میں اذیّت نہیں ہوتی
اے دل کبھی تکمیلِ محبت نہیں ہوتی
جب ہوش نہ ہو سَر کا تو ہوتی ہے عبادت
سَر سجدے میں رکھنے سے عبادت نہیں ہوتی

 

ہر مسرت سے گزیراں نظر آتا ھے مجھے
دل حریفِ غمِ جاناں نظر آتا ھےمجھے

 

بہل ہی جائیگا دل ہمارا کہ ہجر کی شب کو رحم کھا کر
تمہاری تصویر بول اٹھیگی کریگی بے اختیار باتیں
(داغ دہلوی)

 

دل کا بھی کیا قصور تمہاری بھی کیا خطا
برگشتہ مجھ سے خود مری قسمت ھے کیا کروں

 

بے مروت دل بیتاب سے ہوجاتا ہے
شیوہء خاص تم اپنا ہی سیکھا دو مجھ کو
(داغ دہلوی)

 

اک دل ھے اور ہزار تنقیدیں
اپنی اپنی زباں ھے کیا کہیے

 

درد بن کر دل میں آنا کوئی تم سے سیکھ جائے
جان عاشق ہو کے جانا کوئی تم سے سیکھ جائے
(داغ دہلوی)

 

جب یار نے رخت سفر باندھا کب ضبط کا یارا اس دن تھا
ہر درد نے دل کو سہلایا کیا حال ہمارا اس دن تھا

 

دل کی طرح سے جان نہ جائیگی عشق میں
پھر کچھ وفا کرے تو بھی بیوفا کرے
(داغ دہلوی)

 

اس کو دیکھنا دیکھتے رھناکافی تھا
لوٹ‌آیا ھوں دل میں لے کر دل کی بات

 

دل کو سمجھائیں گے بہلائیں گے پھسلائیں گے
بعد مر جانیکے ملجائیگی فرصت کیسی
(داغ دہلوی)

 

کس لئے ہم دل جلائیں رات دن محنت کریں
کیا زمانہ ھے برے لوگوں کی عزت ھے بہت

 

چوٹ کھانے سے جو دل ٹوٹ گیا ہے اپنا
لوگ اسکو بھی ترا عہد وفا کہتے ہیں
(داغ دہلوی)

 

ہزار چارہ گروں نے باتیں کیں
کہا جو دل نے سخن معتبر اس کا رھا

 

نکلا ہے جو زبان سے اس کو نباہیئے
ایسی وہ اپنے دل میں کبھی ٹھانتے نہیں
(داغ دہلوی)

 

دل کا آئینہ سامنے لا کر
تجھ کو تیرا جواب کون کرے

 

دل کی تاکید ہے ہر حال میں ہو پاس وفا
کیا ستم ہے کہ ستمگر کو ستمگر نہ کہوں
(داغ دہلوی)

 

دل گنوا کے بھی محبت کے مزے مل نہ سکے
اہنی کھوئی ھوئی جاگیر پہ رونا ایا

 

دل کچھ آگاہ تو ہو شیوہء عیاری سے
اسلئے آپ ہم آتے ہیں تری گھاتوں میں
(داغ دہلوی)

 

اہل دل ھوں گے تو سمجھیں گے سخن کو میرے
بزم میں آہی گیا ھوں تو سنائے جاؤں

 

تم دل آزار بنے رشک مسیحا کب سے
کم نہ ہونے دو مرا درد سوا ہونے دو
(داغ دہلوی)

 

وعدہ تو ھے شب کا مگر اب دن نہ کٹے گا
حیراں‌ھوں کہ یہ آج کی شب جانے کب آئے

 

ایسے کو تو خدا کی قسم چھوڑنا ہے کفر
تجھ سا حسین ہو اور نہ دل بیقرار ہو
(داغ دہلوی)

 

دل میں بوسیدہ لاش کی سی بساند
لب پہ گو احترامِ مذھب تھا

 

کچھ اور دل لگی نہیں اس خوش نصیب سے
ہم جانتے ہیں‌ کھیلتے ہو تم رقیب سے
(داغ دہلوی)