لفظِ “دل“ پر شعر کہیں

نازک سی ڈھرکنوں کو نہ ہوجائے کچھ کہیں
دل پر غموں کا بوجھ لئیے جارہا ہوں میں
یہ وہی تنہائی ہے جس سے بہل جاتا تھا دِل
یہ وہی تنہائی ہے اب جس سے گھبراتا ہوں میں

 

اب تک تو دل کا دل سے تعارف نہ ہو سکا
مانا کہ اس سے ملنا ملان بہت ہوا​

 

میرے وہم و گماں سے بھی ذیادہ ٹوٹ جاتا ھے
یہ دل اپنی حدوں میں رہ کہ بھی ٹوٹ جاتا ھے

میں روؤں تو در و دیوار مجھ پہ ہنسنے لگتے ھیں
ہنسوں تو میرے اندر جانے کیا کیا ٹوٹ جاتا ھے

 

دل جیت لے وہ جگر ہم بھی رکھتے ہیں
قتل کر دے وہ نظر ہم بھی رکھتے ہیں
سب سے وعدہ ہے ہمارا مسکرانے کا
ورنہ آنکھوں‌میں‌سمندر ہم بھی رکھتے ہیں

 

دل کے لُٹنے کا سبب پوچھو نہ سب کے سامنے
نام آئے گا تمہارا ، یہ کہانی پھر سہی

 

دل نے بری طرح سے ستایا تمام رات
رویا خود اور ہمیں بھی رُلایا تمام رات

 

اے دل تِرے خلوص کے صدقے ذرا سا ہوش
دشمن بھی بے شمار ہیں‌یاروں کے شہر میں

 

اے دل آ ، اپنے دل آزار کو پھر یاد کریں!
بھولنے والے جفا کار کو پھر یاد کریں!

 

وہ دل کا حال سُنتے رہے پہلے اور پھر
ہنس کر کہا یہ گُزرے زمانے کی بات ہے

 

وہ میرے دل کا حال کیا جانے!
سوزِ رنج و ملال کیا جانے!

ہر قدم فتنہ ہے ، قیامت ہے
آسماں تیری چال کیا جانے

 

نہ جانے کونسا آسیب دل میں بستا ہے
کہ جو بھی ٹھہرا وہ آخر مکان چھوڑ گیا

 

دل و دماغ کو رو لُوں گا، آہ کر لوں گا
تمہارے عشق میں سب کچھ تباہ کرلوں گا!

اگر مجھے نہ مِلیں تُم ،تمہارے سر کی قسم!
میں اپنی ساری جوانی تباہ کر لُوں گا

مجھے جو دیر وحرم میں،کہیں جگہ نہ ملی
تیرے خیال ہی کو سجدہ گاہ کر لوں گا!

 

اگر پنجابی کی اجازت ہو

دل وچ تیرا پیر وسا کے
ویکھی جاواں کول بٹھا کے
تینوں دل والے شیشے چہ سجایا
دل کرے ویکھدا رہواں

 

دلِ دیوانہ و انداز بیباکانہ رکھتے ہیں
گدائے میکدہ ہیں وضع آزادانہ رکھتے ہیں

 

کھل کے رونے سے بھی دل کا بوجھ کب ہلکا ھوا
تیز بارش نے بھی تیر ے نقش کو دھویا نہ تھا

 

یوں‌ حسرتوں کے داغ محبت میں دھو لیے
خود دل سے دل کی بات کہی اور رو لیے

 

دل ہے میرا مقامِ غم ،غم کا مقام ہے یہاں
نالہء صبح ہے یہاں ، گریہء شام ہے یہاں

 

نہ اب وہ یادوں کا چڑھتا دریا، نہ فرصتوں کی اداس برکھا
یوں ہی ذرا سی کسک ہے دل میں، جو زخم گہرا تھا بھر گیا وہ

 

نہ جانے کونسا آسیب دل میں بستا ہے
کہ جو بھی ٹھہرا وہ آخر مکان چھوڑ گیا

 

کھل کےرونےسے بھی دل کابوجھ کب ہلکاھوا
تیز بارش نے بھی تیر ے نقش کو د ھویا نہ تھا

 

ہر کوئ دل کی ہتھیلی پہ ہے صحرا رکھے
کس کو سیراب کرے وہ کسے پیاسا رکھے

 

رات یوں دل میں تیری کھوئی ہوئی یا د آئی
جیسے ویرانے میں چُپکے سے بہار آجائے
جیسے صحرائوں میں ہولے سے چلے بادِ نسیم
جیسے بیمار کو بے وجہ قرار آجائے

 

آج دل کھول کے روئے تو یوں خوش ہیں فراز
چند لمحوں کی یہ راحت بھی بڑی ہو جیسے

 

میں نے دل کی بات آج تک اُس سے نہیں کی
شاید وہ دردِ دل سے نا آشنا ہو اور مسکرا کے ٹال دے

 

دل ہی تھے ھم دکھے ھوئے تم نے دکھا لیا تو کیا
تم بھی تو بے اماں ھوئے ھم کو ستا لیا تو کیا

 

دل میں اک لہر سی اٹھی ہے ابھی
کوئی تازہ ہوا چلی ہے ابھی
شور برپا ہے خانہء دل میں
کوئی دیوار سی گری ہے ابھی