لفظِ “دل“ پر شعر کہیں

یہاں ایک نیا سلسلہ شروع کیا جا رہا ہے۔ یہاں آپ ایسے اشعار دیں گے جس میں لفظِ دل استعمال ہو۔

پہلا شعر حاضر ہے۔

یہی دل تھا کہ ترستا تھا مراسم کے لئے
اب یہی ترکِ تعلق کے بہانے مانگے​

 

دل ہی تو ہے نہ سنگ و خشت، درد سے بھر نہ آئے کیوں
روئیں گے ہم ہزار بار، کوئی ہمیں ستائے کیوں

 

اے دل تِرے خلوص کے صدقے ذرا سا ہوش
دشمن بھی بے شمار ہیں‌یاروں کے شہر میں​

 

ہمارے دل کو ہو مالک تمہی دو عالم میں
تمہارے دل پہ ہمیں اختیار ہو کہ نہ ہو​

 

آج پھر تم نے میرے دل میں جگایا ہے وہ خواب
میں نے جس خواب کو رورو کے سلایا تھا ابھی
کیا ملا تمہیں انہیں پھر سے فروزاں کرکے
میں نے دہکے ہوئے شعلوں کو بجھایا تھا ابھی

 

مِرا دل اور تم کو بھول جائے ، غیر ممکن ہے
یہ تیری یاد سے دَم بھر بھی غافل ہو نہیں سکتا​

 

دل ان کو ڈھونڈتا ہے ہم دل کو ڈھونڈتے ہیں
بچھڑے ہوئے مسافر منزل کو ڈھونڈتے ہیں

 

دل میں ہو ‌درد تو دوا کیجیے
دل ہی جب درد ہو تو کیا کیجیے

 

محبت میں وہ تڑپائیں، ستم ڈھائیں، سزا دیں
مگر ٹوٹے نہ یارب حوصلہ ٹوٹے ہوئے دل کا​

 

دل میں دلبر کی ذات کو رکھنا
ذرے میں کائنات کو رکھنا
عشق کی ہر گھڑی عبادت ہے
سامنے اُن کی ذات کو رکھنا​

 

دل بیدار فاروقی دل بیدار کراری
مس آدم کے حق میں کیمیا ہے دل کی بیداری

 

میرے دل میں سما گیا کوئی
رات کو دن بنا گیا کوئی

جن کے ملنے پہ تو تھی پابندی
میرے خوابوں میں آ گیا کوئی​

 

صدرِ پاکستان صاحب! کیا یہ شعر آپ کا تخلیق کردہ ہے؟ کیا آپ ایسے شعر لکھ کر واقعی یہ ثابت کرنا چاہتے ہیں کہ آپ صدرِ پاکستان ہی ہیں؟

میرے بھائی! یہاں مذاح مناسب نہیں۔ اگر آپ کی طبیعت مزاح چاہتی ہے تو “طنز و مزاح“ میں اپنے خیالات کا اظہار کریں۔ (شکریہ)

چُھپائے دل میں غموں کا جہان بیٹھے ہیں
تمہاری بزم میں ہم بے زبان بیٹھے ہیں​

 

دلوں‌کو مرکزِ مہر و وفا کر
حریمِ کبریا سے آشنا کر
جسے نانِ جویں بخشی ہے تو نے
اسے بازوِ حیدر بھی عطا کر
(اقبال)

 

مَر مَر کے بنائی ہے یہ تصویرِ محبت
اب اپنے ہی ہاتھوں سے مٹائی نہیں جاتی

کِس دل سے یہ کہتے ہو تمہیں دِل سے بُھلا دوں
ہر روز تو یہ دُنیا بسائی نہیں جاتی​

 

دل کی بستی عجیب بستی ہے
لوٹنے والے کو ترستی ہے

دل کی بستی عجیب بستی ہے
روز اجڑتی ہے روز بستی ہے

 

دلوں میں عشقِ نبی کی لگن اگر نہ لگے
یہ ایسا سجدہ ہے جیسے زمیں پہ سَر نہ لگے​

 

وہ دل کا حال سُنتے رہے پہلے اور پھر
ہنس کر کہا یہ گُزرے زمانے کی بات ہے​