آج کا شعر

بہت اداس ہو دیوار و در کے جلنے سے
مجھے بھی ٹھیک سے دیکھو جلا تو میں بھی ہوں
رئیس فروغ

 

تو بچا بچا کے نہ رکھ اسےتیرا آئینہ ہے وہ آئینہ
کہ شکستہ ہو تو عزیز تر ہے نگاہِ آئینہ ساز میں
علامہ اقبال

 

کبھی کبھی پتھر کے آنے سے بھی آتی نہیں خراش محسن۔۔
کبھی اک ذرا سی بات سے انسان بکھر جاتا ہے۔۔

 

خدا کا شکر کوئی آئینہ صفت ہے یہاں
ہمارے عیب ہمیں خود کہاں نظر آتے

 

یہی مزاج ہے اپنا کسی کا دل نہ دکھے
جدائیوں کو بھی چاہا ہے قُربتوں کی طرح

 

نیند ترسے گی میری آنکھوں کو
جب بھی خوابوں سے دوستی ہوگی
)بشیر بدر(

​

 

پھر نہ لٹ جائیں منزل پہ اہل کارواں
اٹھتے جاتے ہیں قدم،بیٹھتا جاتا ہے دل

 

نہیں بے حجاب وہ چاند سا کہ نظر کا کوئی اثر نہ ہو
اسے اتنی گرمئ شوق سے بڑی دیر تک نہ تکا کرو

 

چارہ گروں کی شعبدہ بازی پہ دل نِثار
درماں کو درد، درد کو درماں بنا دیا

 

فریبِ آرزو کی سہل انگاری نہیں جاتی
ہم اپنے دل کی دھڑکن کو تیری آواز پا سمجھے
فیض احمد فیض

​

 

وہ ملا تو صدیوں کے بعد بھی میرے لب پر کوئی گلہ نہ تھا
اسے میری چپ نے رلا دیا جسے گفتگو پر کمال تھا

 

چلا جاتا ہوں ہنستا کھیلتا موج حوادث سے
اگر آسانیاں ہوں زندگی دشوار ہوجائے

 

اپنی تو ہم گزار چکے زندگی رئیس
یہ کس کی زیست ہے جو بسر کررہے ہیں ہم

 

چپ غلط فیصلے کرادے گی
بولیے ورنہ مسئلہ ہوگا
محسن اسرار

 

ملوں گا خاک ميں اک روز بيج کی مانند
فنا پکار رہی ہے مجھے بقا کيلئے

 

ڈرتا ہوں لُٹ نہ جائے سرِ منزل سحر
ہے ظلمتوں کی زد میں اجالوں کا کارواں
حبیب جالب

 

اس کا علاج اس کی سچائی کیا کرے
بھرنا نہ چاہوں آپ ہی زخمِ جگر کو میں

 

میرے ہاتھوں کی لکیروں میں یہ عیب ہے محسن
میں جس شخص کو چھولوں وہ میرا نہیں رہتا

 

آندھیوں سے جو الجھنے کی کسک رکھتے ہیں
اک دیا تیز ہوا میں بھی جلا کر دیکھیں

کچھ تو آوارہ ہواوّں کی تھکن ختم کریں
اپنے قدموں کے نشان آپ مٹا کر دیکھیں

 

جسے لے گئی ہے ابھی ہوا وہ ورق تھا دل کی کتاب کا
کہیں آنسوؤں سے مٹا ہوا کہیں آنسوؤں سے لکھا ہوا
۔۔۔۔۔۔۔۔۔۔۔۔ بشیر بدر ۔۔۔۔۔۔۔۔۔

​

 

خلاص و وفا کو عام کر دے یارب
تاریک دلوں میں نور بھر دے یارب

ہر چیز میں دیکھ لے جو تیرا جلوہ
ہر دیدہء دل کو وہ نظر دے یارب
(اثر صہبائی)

 

شمع کی لَو تھی کہ وہ تُو تھا مگر ہجر کی رات
دیر تک روتا رہا کوئی سرہانے میرے
فراز

 

نم ہیں پلکیں تیری اے موج ہوا، رات کے ساتھ
کیا تجھے بھی کوئی یاد آتا ہے برسات کے ساتھ
(پروین شاکر)

 

مجھ کو اک بات بتادو یہ ستم ایجادو
خون عاشق کا روا ہے کہ روا کرتے ہو
الماس درخشاں

​

 

بارش نے اپنا عکس کہیں دیکھنا نہ ہو
کیوں آئینے اُبھرنے لگے ہیں حباب میں
عدیم ہاشمی

 

نیند کا ہلکا گلابی سا خمار آنکھوں میں تھا
یوں لگا جیسے وہ شب کو دیر تک سویا نہیں
منیر نیازی

 

کتنی ہے سادگی تیرے حسن و جمال میں
شوخی بھی تم کو دیکھ کو سنجیدہ ہو گئی

 

مری لحد پہ پتنگوں کا خون ہوتا ہے
حضور شمع نہ لایا کریں جلانے کو

 

اے شمع بزم عاشق روشین ہے یہ کہ تجھ بن
آنکھوں میں میری عالم تاریک ہوگیا ہے