آج کا شعر

اس کائناتِ محبّت میں ہم مثل شمس و قمر کے ہیں​

ایک رابطہ مسلسل ہے، ایک فاصلہ مسلسل ہے​

 

تھم کے رہ جائے گی اک روز لہو کی گردش
ختم ہوجائے گا اندر بھی سفر آخر ِ کار
​

 

چلے بہشت سے ہم نکہتِ بہار کے ساتھ
شکست کھائی ہے لیکن بڑے وقار کے ساتھ

احمد ندیم قاسمی

 

آغوش لحد میں جبکہ سونا ہوگا
جزخاک نہ تکیہ نہ بچھونا ہوگا
انیس

​

 

طبیعت اپنی گھبراتی ہے جب سنسان راتوں میں
ہم ایسے میں تری یادوں کی چادر تان لیتے ہیں

 

خلوتوں میں روئے گی چھپ چھپ کے لیلائے غزل
اس بیاباں میں نہ اب آئے گا دیوانہ کوئی
ناصر کاظمی

​

 

لفظوں کی اک پتنگ تھی بڑھ کر نکل گئی
کس بیوفا کو دل سے لگایا تھا بھول میں
ماجد الباقری

​

 

گر تجھ کو ہے یقینِ اجابت ، دُعا نہ مانگ
یعنی، بغیر یک دلِ بے مُدعا نہ مانگ
آتا ہے داغِ حسرتِ دل کا شمار یاد
مجھ سے مرے گناہ کا حساب ، اے خدا نہ مانگ

 

جو بساط جان ھی الٹ گیا، وہ جو راستے میں پلٹ گیا
اسے روکنے سے حصول کیا، اسے مت بلا،اسے بھول جا

 

بدلانہ میرے بعدبھی موضوعِ گفتگو
میں جاچکاہوں پھربھی تری محفلوں میں ہوں
فراز

 

کئی ستاروں کو میں جانتا ہوں بچپن سے
کہیں بھی جاؤں مرے ساتھ ساتھ چلتے ہیں
بشیر بدر

​

 

تجھ کو کیا معلوم گزری کس طرح فرقت کی رات
کہہ پھرے اک اک ستارے سے ترا افسانہ ہم

 

کتنی طویل ہوتی ہے انساں کی زندگی
سمجھا ہوں آج میں شبِ فرقت گزار کے

 

جیسے بارش سے دھلے صحنِ گلستاں امجد
آنکھ جب خشک ہوئی اور بھی چہرا چمکا
امجد اسلام امجد

​

 

اس موج کے ماتم میں، روتی ہے بھنور کی آنکھ
دریا سے اٹھی لیکن، ساحل سے نہ ٹکرائی

 

سوچتا ہوں کہ یہ دنیا میں اندھیرا کیوں ہے
تیرے چہرے پہ تو بکھرے ہوئے گیسو بھی نہیں
قمر جلالوی

 

کاش مل جائے کہیں خواب کی تعبیر مجھے
آنکھ کھولوں تو تجھے سامنے بیٹھا دیکھوں​

 

ہوش یاں سدِّ راہِ علم رہا
عقل کی ہرزہ کاریاں نہ گئیں​

 

یہ عشق نے دیکھا ہے، یہ عقل سے پنہاں ہے
قطرہ میں سمندر ہے، ذرّہ میں بیاباں ہے​

 

یہ ایک دل ہی توہے میرا آخری ہمدرد
اسے بھی حال بتاتے ہوئے لرزتا ہوں

 

مقدار ہے دوا کی ضروری بقدرِ زخم
صدمہ شدید تر تھا، ستم اِنتہا کا تھا

اک پورا مئے کا حوض مجھے پینا پڑ گیا
کیوں کے ڈسا ہوا میں کسی پارسا کا تھا
عبدالحمید عدم

 

آنکھوں میں جتنے اشک تھے جگنو سے بن گئے
وہ مُسکرایا اور مری دُنیا بدل گیا

 

شبِ غم نہ پُوچھ کیسے تِرے مُبتلا پہ گُزری
کبھی آہ بھر کے گِرنا کبھی گِر کے آہ بھرنا
پیر نصیرالدین نصیر

 

جا گورِ غریباں پہ نظر ڈال بہ عبرت
کھل جائے گی تجھ پر تری دنیا کی حقیقت
عبرت کے لیے ڈھونڈ کسی شاہ کی تربت
پوچھ اس سے کدھر ہے تیری شانِ حکومت
کل تجھ میں گھڑا تھا جو غرور آج کہاں ہے
اے کاسہ ء سر بول، تیرا تاج کہاں ہے؟​

 

حدِ اوہام سے گزر کے کُھلا
خوش یقینی ،گُماں سے آتی ہے

زندگی میں نصیر ! آسانی
ترکِ سُود و زیاں‌ سے آتی ہے

 

میں نے اپنوں کے رویوں سے یہ محسوس کیا
دل کے آنگن میں بھی دیوار اٹھادی جائے
(محسن نقوی)

 

کتنے حسین لوگ تھے مل کر جو ایک بار
آنکھوں میں نقش ہو گئے دل میں سا گئے

 

واہ

 

خوب

 

جواب نہیں سرکار کی سرکار سے محبت کا
کیا دل سوز شعر ہے