آج کا شعر

​

روک پائے گی نہ زنجیر نہ دیوار کوئی
اپنی منزل کا پتہ آہِ رسا جانتی ہے​

​

منظر بھوپالی​

​

 

میں تو محدود سے لمحوں میں ملی تھی اس سے
پھر بھی وہ کتنی وضاحت سے مجھے سوچتا ہے

نوشی گیلانی

 

تری بلا سے گروہِ جنُوں پہ کیا گُزری
تُو اپنا دفترِ سُود و زیاں سنبھال کے رکھ​

​

افتخار عارف​

 

پوچھو پتہ نہ مجھ سے غریب الدیار کا​

مل جائے گا کہیں وہ شرافت کے اردگرد​

​

(عبداللہ ناظر)​

 

اک بات کی چڑھائی کہ دَم ٹوٹنے لگیں
کہنے کا شوق ہو مگر اتنا ہنر نہ ہو​

​

اختر عثمان​

 

غرورِ مستی نے مار ڈالا وگرنہ ہم لوگ جی ہی لیتے
کسی کی آنکھوں کا نُور ہو کر، کسی کے دل کا قرار بن کر
ساغر صدیقی

​

 

نہیں‌ جس میں تیری تجلیاں ، اسے جانچتی ہے نظر کہاں
تیرے نور کا نہ ظہور ہو تو وجود بھی ہے عدم سے کم​

سید نصیر الدین نصیر​

 

ہر سُو دِکھائی دیتے ہیں وہ جلوہ گر مجھے
کیا کیا فریب دیتی ہے میری نظر مجھے​

داغ دہلوی​

​

​

 

اتنا آساں نہیں مسند پہ بٹھایا گیا میں
شہرِ تہمت تیری گلیوں میں پھرایا گیا میں​

​

عباس تابش​

 

اے خدا آج اسے سب کا مقدّر کر دے
وہ محبّت کہ جو انساں کو پیمبر کر دے
(احمد فراز)​

 

​

وہ سراپا سامنے ہے، استعارے مسترد
چاند، جگنو، پھول، خوشبو اور ستارے مسترد​

ظفر اقبال​

 

ہم سے کیا پوچھتے ہو ہجر میں کیا کرتے ہیں​

تیرے لوٹ آنے کی دن رات دعا کرتے ہیں​

​

وصی شاہ​

 

قصۂ سازشِ اغیار کہوں یا نہ کہوں
شکوۂ یارِ طرحدار کروں یا نہ کروں​

​

فیض​

 

کہیں امید سی ہے دل کے نہاں خانے میں
ابھی کچھ وقت لگے گا اسے سمجھانے میں

(احمدمشتاق)​

 

اس شہر خرابي ميں غم عشق کے مارے
زندہ ہيں يہي بات بڑي بات ہے پيارے
حبیب جالب

 

خرچ لمحوں میں تیرے دستِ کشادہ سے ہوئے​

کتنی صدیوں کی مشقت سے کمائے ہوئے ہم​

​

شاعر نامعلوم​

 

میں ہُوں کہ وہی چال سمجھنے سے ہُوں قاصر !
قسمت ہے کہ، ہر کھیل نیا کھیل رہی ہے​

​

جلیل نظامی​