آج کا شعر

آنسو کو کبھی اوس کا قطرہ نہ سمجھنا
ایسا تمہیں چاہت کا سمندر نہ ملے گا
)بشیر بدر(

​

 

ہم سانجھ سمے کی چھایا ہیں تم چڑھتی رات کے چندر ماہ
ہم جاتے ہیں تم آتے ہو پھر میل کی صورت کیونکر ہو​

 

وقت نے ایسے گھمائے افق آفاق کہ بس
محورِ گردشِ سفّا ک سے خوف آتا ہے​

 

رات یوں دل میں تیری کھوئی ہوئی یا د آئی
جیسے ویرانے میں چپکے سے بہار آجائے
جیسے صحرائوں میں ہولے سے چلے باد نسیم
جیسے بیمار کو بے وجہ قرار آجائے

فیض احمد فیض​

 

اک یاد ِ خوش جمال جواز حیات ہے
اک محور خیال ہے، یہ بھی اگر نہ ہو
اک لفظ جس کی لَو میں دمکتا رہے دماغ
اک شعر جس کی گونج کہیں پیشتر نہ ہو​

 

اس کائناتِ محبّت میں ہم مثل شمس و قمر کے ہیں
ایک رابطہ مسلسل ہے، ایک فاصلہ مسلسل ہے
وقتِ وصال کی بھی ایک آرزو ادھوری ہے
ایک آس سی ہمیشہ ہے، ایک خواب سا مسلسل ہے​

 

بزمِ جاناں میں جو آداب نظر آتے ہیں
اور دنیا میں وہ کمیاب نظر آتے ہیں
گر پرکھیے تو خزف سے بھی وہ ارزاں نکلیں
جو بظاہر بڑے نایاب نظر آتے ہیں​

 

ﻣﺰﺍﺝ ﺩﻧﯿﺎ ﺳﮯ ﺟﻮﮞ ﺟﻮﮞ ﺷﻨﺎﺳﺎ ﮨﻮﺗﺎ ﺟﺎﺭﮨﺎ ﮨﻮﮞ
ﻣﯿﮟ ﺗﻨﮩﺎ ، ﺍﻭﺭ ﺗﻨﮩﺎ ، ﺍﻭﺭ ﺗﻨﮩﺎ ﮨﻮﺗﺎ ﺟﺎﺭﮨﺎ ﮨﻮﮞ ۔
​

 

تری نگاہِ لُطف اگر ہمسفر نہ ہو
دُشوارئ حیات کبھی مُختصر نہ ہو
میری شبِ فراق نے دی مجھ کو یہ دُعا
دامن میں تیرے آہِ سحر ہو، سحر نہ ہو

 

نہ جانے کیا سمجھ کے چپ ہوں اے صیّاد میں ورنہ
وہ قیدی ہوں‘ اگر چاہوں قفس میں بھی بہار آئے​

 

کل ہی پر رکھو وفا کی باتیں
میں آج بہت بجھا ہوا ہو

جون ایلیا​

 

کسی تنکے کا سہارا نہیں منظور مجھے
اب کے طوفان جو آئے تو بہا دے مجھ کو

 

طول غم حیات سے گبھرا نہ اے جگر . . .
ایسی بھی کوئی شام ہے جس کی سحر نہ ہو

 

شامِ غم کی سحر نہیں ہوتی
یا ہمیں کو خبر نہیں ہوتی​

 

آرزوئے وصل جاناں میں سحر ہونے لگی
زندگی مانند شمع مختصر ہونے لگی

راز الفت کھل نہ جائے بات رہ جائے مری
بزم جاناں میں الہیٰ چشم تر ہونے لگی​

 

اُن کے آتے ہی میں نے دل کا قصہ چھیڑ دیا
اُلفت کے آداب مجھے آتے آتے آئیں گے

 

اب تو سوچا ہے کہ پتھر کے صنم پوجیں گے
تاکہ گھبرائیں تو ٹکرا بھی سکیں مر بھی سکیں

 

تو نے دیکھا ہے کبھی ایک نظر شام کے بعد
کتنے چپ چاپ سے لگتے ہے ہیں شجر شام کے بعد
اتنے چپ چاپ کے رستے بھی رہیں گے لا علم
چھوڑ جائیں گے کسی روز نگر شام کے بعد​

 

آئندہ نہ آنکھوں سے اُتاروں گا غلاف
کر دے یہ خطا اے مرے اللہ معاف
یہ دیکھ مرے ماتھے پہ تازہ اک زخم
بولا ہوں میں فرسودہ رواجوں کے خلاف
قتیل شفائی

 

خاک مٹھی میں لیئے قبر کی یہ سوچتا ہوں
انسان جو مرتے ہیں تو غرور کہاں جاتا ہے؟​

 

افسوس کہ درد اس کو جب تک
ہووے ہے خبر گزر گئے ہم
(میر درد)

​

 

انگڑائی بھی وہ لینے نہ پائے اٹھا کے ہاتھ
دیکھا جو مجھ کو چھوڑ دیے مسکرا کے ہاتھ

 

اپنے مرکز کی طرف مائلِ پرواز تھا حُسن
بھولتا ہی نہیں عالم تری انگڑائی کا

 

ادب کی بات ہے ورنہ منیرسوچو تو
جو شخص سنتا ہے وہ بول بھی تو سکتا ہے

 

شاخیں رہیں تو پھول بھی، پتے بھی آئیں گے
یہ دن اگر برے ہیں تو اچھے بھی آئیں گے
​

 

سیل کی رہگزر ہوئے، ہونٹ نہ پھر بھی تر ہوئے
کیسی عجیب پیاس تھی، کیسے عجب سحاب تھے!
امجد اسلام امجد

​

 

کبھی تو نے خود بھی سوچا، کہ یہ پیاس ہے تو کیوں ہے
تجھے پا کے بھی مرا دل جو اداس ہے تو کیوں ہے

اعتبار ساجد​