آج کا شعر

​

 

سدا عیش دوراں دکھاتا نہیں
گیا وقت پھر واپس آتا نہیں​

 

تیرے فراق میں جیسے خیال مفلس کا
گئی ہے فکر پریشان کہاں کہاں میری

 

دوستی کس سے نہ تھی کس سے مجھے پیار نہ تھا
جب برے وقت پہ دیکھا تو کوئی یار نہ تھا​

 

موسم بدل گیا ہے مگر اس کے باوجود
منظر تمہاری یاد کا ٹھہرا ہوا تو ہے

 

مسلمان کے دل میں ہے سلیقہ دل نوازی کا
مروت حسن عالمگیر ہےمردان غازی کا
علامہ اقبال​

 

بلبل کے بولنے میں سب انداز ہیں مرے
پوشیدہ کب رہی ہے کسی کی اڑائی بات

 

مرنے والے مر جاتے ہیں
دنیا خالی کر جاتے ہیں​

 

الٹی ہوگئیں سب تدبیریں کچھ نہ دوا نے کام کیا
دیکھا اس بیماری دل نے آخر کام تمام کیا

 

وہ طول عمر جس میں نہ ہو لطف زندگی
مل جائے مثل خضر تو کیا فائدہ مجھے​

 

نئی صبح پر نظر ہے مگر آہ یہ بھی ڈر ہے
یہ سحر بھی رفتہ رفتہ کہیں شام تک نہ پہنچے
شکیل بدایونی​

 

زمانہ تجھے دیکھ لے بھی تو کیا ہے
بڑا فرق ہے دیکھنے دیکھنے میں

 

وہ کون سا عُقدہ ہے جو وَا ہو نہیں سکتا
ہمت کرے انسان تو کیا ہو نہیں سکتا​

 

کشیدہ کار ازل تجھ کو اعتراض کوئی
کہیں کہیں سے اگر زندگی رفو کرلوں

 

شب آنکھیں کھلی رہتی ہیں ہم منتظروں کی
جوں دیدۂ انجم نہیں ہیں خواب سے واقف

(میر تقی میر)

 

جس دل میں ندرت نہیں
اس دل میں قدرت نہیں