آج کا شعر

"""تجھے میں بھول تو جاتا """"
مگر یہ سوچ کر جاناں،
کہیں سانسیں نہ رک جائیں،
تجھے میں یاد رکھتا ھوں

 

میرے غنیم نہ بھول تو کہ ستم کی شب کو زوال ہے
تیرا جبر و ظلم بلا سہی میرا حوصلہ بھی کمال ہے ​

 

ہر اک اولی الامر کو صدا دو
کہ اپنی فردعمل سنبھالے
اٹھیں گے جب جم سر فروشاں
پڑیں گے دارورسن کے لالے
کویٔ نہ ہو گا کہ جو بچالے
جزا سزا سب یہیں پہ ہوگی
یہیں عذاب و ثواب ہو گا
یہیں سے اٹھے گا شور محشر
یہیں پہ روز حساب ہو گا_

فیض احمد فیض​

 

تیرے ہوتے ہوئے محفل میں جلاتے ہیں چراغ
لوگ کیا سادہ ہیں ،سورج کو دکھاتے ہیں چراغ

اپنی محرومی کے احساس سے شرمندہ ہیں
خود نہیں رکھتے تو اوروں کے بجھاتے ہیں چراغ

کیا خبر ان کو کہ دامن بھی بھڑک اٹھتے ہیں
جو زمانے کی ہواوں سے بچاتے ہیں چراغ

گو سیہ بخت ہیں ہم لوگ پر روشن ہے ضمیر
خود اندھیرے میں ہیں دنیا کو دکھاتے ہیں چراغ

بستیاں چاند ستاروں پہ بسناے والو
کرہ ارض پر بجھتے چلے جاتے ہیں چراغ

ایسی تاریکیاں آنکھوں میں بسی ہیں کہ فراز
رات تو رات ہے ہم دن کو جلاتے ہیں چراغ​

 

ان بستیوں میں رسمِ وفا ختم ہوچکی
اے چشمِ نم کسی سے نہ کر عرضِ غم یہاں

 

یہ سکونِ جاں کی گھڑی ڈھلے تو چراغِ دل ہی نہ بجھ چلے​

وہ بلا سے ہو غمِ عشق یا غمِ روزگار۔۔۔۔۔ کوئی تو ہو​

 

یہاں اور بھی ہیں گرفتہ دل کبھی اپنے جیسوں سے جا کے مِل
ترے دکھ سے کم نہیں جن کے دکھ کبھی اُن کی آگ میں جل کے رو

 

موسم کا کوئی محرم ہو تو اس سے پوچھو
کتنے پت جھڑ ابھی باقی ہیں بہار آنے میں

​

 

قطرہ شبنم کی طرح اڑ جائیں گے گل سے
اک یاد سی رہ جائے گی گلشن میں ہماری​

 

میں سو رہا تھا کسی یاد کے شبستاں میں
جگا کے چھوڑ گئے قافلے سحر کے مجھے
​

 

حریمِ لفظ میں کس درجہ بے ادب نکلا
جسے نجیب سمجھتے تھے کم نسب نکلا

 

نہیں ہوتا نسب محبت میں
کیا عجم ، کیا عرب محبت میں
​

 

تجھے سوچوں تو جینے کا ارادا رقص کرتا ہے
کہ جیسے مست آنکھوں میں اشارہ رقص کرتا ہے
(اگر کسی کو پوری غزل ملے تو پلیز شئیر کریں )​

 

ترے فراق میں جیسے خیال مفلس کا
گئی ہے فکرِ پریشاں ۔۔۔۔۔ کہاں کہاں میری

​

 

بھٹک رہے تھے خرد تیری پیروی میں ہم
جنوں کی راہ چلے ہیں، تو آگہی پائی​

 

پاس ہمارے آکر تم بیگانہ سے کیوں ہو؟
چاہو تو ہم پھر کچھ دوری پر چھوڑ آئیں تمہیں
ظہور نظر​

 

مشاق درد عشق جگر بھی ہے، دل بھی ہے
کھاؤں کدھر کی چوٹ، بچاؤں کدھر کی چوٹ

 

جفا جو عشق میں ہوتی ہے وہ جفا ہی نہیں
ستم نہ ہو تو محبت میں کچھ مزہ ہی نہیں

 

ہوں میں وہ شمع سرِ طاق جلا کر سرِ شام
بھول جاتا ہے مرا انجمن آرا مجھ کو
​

 

کچھ تو رشتہ ہے تم سے کم بختو
کچھ نہیں ۔۔۔۔۔۔۔۔۔ کوئی بددُعا بھیجو
جون ایلیا

 

بہت شکریہ ۔۔۔۔۔۔میں نے کونسا خود شاعر کو تلاش کرنے کا کہا تھا ۔۔۔۔رہی غزل تو خیر ۔۔۔۔۔مل ہی جائے گی کبھی

 

دلکش ہے پُر مزاح ہے اُس انجمن کی بات​

اہلِ سخن سے پوچھیے بزمِ سخن کی بات​