پنجابی شاعری

شکریہ ہارون پہائی ۔
اجے تک ساگراج انکل اپنے پنڈ دی شاعری پڑھن اِدھر نئیں آئے ؟؟؟ :nose:

 

جہیڑا حوصلہ افزائی کردا اے اوہنوں تے کرن دیوو

 

ٹھیک اے جی ۔ تہاڈی وی من لیندے ہاں۔ :yes:

 

میری نہ مانیں‌ھاران جی دی من لیا جے

 

لوجی ۔ دسو !
ایہہ وی چنگی گل اے
جے نہ منئیے تے فیر وی اسی بھیڑے
تے جے من لئیے تے فیر وی اسی بھیڑے

 

آھو جی تسی اے گل نہ کرنی تے ھور کینے کرنی

 

نعیم بھائی بہوں شکریہ اینی خوبصورت نظم پیش کرن تے۔
تساں تے پنڈ یاد کروا کے اداس کر دتا اے :neu:
ویسے کدی پنڈ بھلیا نئیں پر ایہہ نظم تے واقعی کمال اے۔

 

اچھا ایہہ نظم فائزہ اور فیضان دی طرفوں سی۔
بہوں شکریہ، بہوں مہربانی اپنے انکل نوں یاد رکھن واسطے۔
اللہ تساں دوناں نوں بہوں خوش رکھے،آمین۔

 

گپ شپ چھڈو
ساگراج پائی ایتھے آؤ‌ تے آکے شاعری ارسال کرو [/quote:6sfdud2v]
ھارون بھائی کجھ مصروفیت اے اس واسطے کجھ وی نئیں لکھ ریا۔ اس واسطے فی الحال معذرت قبول کرو۔
انشاءاللہ چھیتی کجھ لکھاں گا۔

 

انشاءاللہ ۔ اُّڈیک رہے گی

 

اوجانے(اوہجن اے) جے چھوڑی ویندا اے میرا شہر بھنبھور میاں
اُٹھاں والے اُٹھاں کوں تاں ہولے ہولے ٹور میاں

میڈی جیویں نبھسی نبھ ویسی تیکوں دکھ نہ آوے
تھل مارو دا پندھ اے اوکھا، نام اللہ دا سَور میاں

دیکھاں کیہڑا دکھ ہا لاہنا خاناں میڈے کولوں
اوہ ہی وارث اوہ ہی مالک اوہ ہی بن گئے چور میاں

تیڈے رشتے داراں میکوں کیتا چا بےملا
اپنیاں کوں تاں اپنا سمجھو میکوں سمجھو ھور میاں

اللہ کرے قسمت شاکر شالا ساتھ نہ چھوڑے
رات کوں وسی دن کوں اجڑی گھرگھر پئے گئے شور میاں


شاکر​

ترجمہ

کوئی بات نہیں اگر وہ میرا شہر بھنبھور چھوڑ کر جا رہا ہے (لفظ اوجانے یا اوہجن اے پنجابی میں کوئی بات نہیں کے معنوں میں بھی استعمال ہوتا ہے)
اونٹوں والوں اونٹوں کو تو آہستہ آہستہ چلاؤ

میری جس طرح بھی گزری گزر ہی جائے گی (لفظ نبھسی۔ نباہ یا پھر زندگی گزرنے کےمعنوں میں استعمال ہوتا ہے)
تھل کے صحرا کا سفر مشکل ہے اس لئے تم اللہ کا نام لو

میں دیکھوں کہ خان(پنل) نے مجھ سے کس دکھ کا بدلہ لینا تھا
وہ جو وارث تھے، وہ جو مالک تھے، وہی چور بن گئے

تیرے رشتہ داروں نے میری قیمت ختم کر دی ہے (بے مُلا۔ لفظ مُل کے معنی قیمت میں آتے ہیں۔ یہاں یہ قیمت قدر کے معنوں میں استعمال ہو رہی ہے)
تم اپنوں کو اپنا ہی سمجھو اور مجھے بیگانہ ہی سمجھو

شاکر! اللہ کرے کبھی قسمت ساتھ نہ چھوڑے
رات کو بسی اور دن ہونے تک اجڑ بھی گئی اس لئے گھرگھر میں دہائی ہو رہی ہے۔


شاکر صاحب سرائیکی دے بہوں وڈے شاعر نیں۔ ایہناں دی غزلاں خالص سرائیکی لہجے وچ ہوندیاں نئیں۔ تے عام پنجابی بولن والے دوستاں واسطے سمجھنیاں ذرا مشکل ہوندیاں نیں۔ میں نے اس غزل وچ چند الفاظ نوں پنجابی لہجے وچ لکھیا اے تا سارے دوستاں نوں سمجھ آجاوے۔ گو کہ اس نال شاعری خراب ہوئی اے جس واسطے میں‌بہت معذرت خواہ ہاں۔ لیکن میری نیت صرف ایہہ ہے کہ اس خوبصورت غزل دا لطف سارے دوستاں تک پہنچے۔ فیر وی شاکر صاحب معذرت دے نال۔

 

واہ ساگراج پہائی ۔ بوہں ودھیا شاعری ارسال کیتی نا تساں ۔
صواد آئی گیا ۔

 

ساگراج جی تواڈا انتخاب ہمیشہ لاجواب ہوندا اے :a180:

 

ھارون بھائی، نعیم بھائی۔ خوشی
بہوں بہوں شکریہ تے مہربانی پسند کرن واسطے۔

 

جس نوں اج تک دل محبت دا خدا سمجھی رہیا
ہر دعا میڈی کوں او ہک بد دعا سمجھی رہیا

شائید اس کوں عشق اپنے تے نہ ہا پورا یقین
یار دے ہر ظلم کوں اپنی خطا سمجھی رہیا

ویندا اے ہر کوئی اپنے دل تے ہے سیانیاں دی مثال
بے وفا کئی باوفا کوں بے وفا سمجھی رہیا

او تاں نفرت نال کڑھ کے پھیر ویندا ھا نظر
دل دیوانہ یار دا شرم و حیا سمجھی رہیا

کھل مذاق اچ دیندا ریہندا اے روز تلخی دا زہر
عشق دا بیمار جس کوں خیر خواہ سمجھی رہیا

غم غریبی شکل کوجھی اُتوں نفرت یاد دی
سبھ کجھ شاکر خدا دی ہک رضا سمجھی رہیا


شاکر​

ترجمہ

جس کو آج تک دل محبت کا خدا سمجھتا رہا
وہ میری ہر دعا کو ایک بددعا سمجھتا رہا

شائید اس کو اپنے عشق پر پورا یقین نہ تھا
اس لئے جب بھی یار کی طرف سے ظلم ہوا وہ سمجھتا رہا کہ اسکی اپنی غلطی تھی جس کی سزا ہے۔

سیانے کہتے ہیں کہ ہر کوئی وہ ہی کہتا ہے جو اس کے دل میں‌ ہو
وہ جو خود بے وفا ہے وہ کسی باوفا کو بھی بے وفا سمجھتا رہا

وہ تو نفرت کی وجہ سے غصہ ہو کر نظر پھیر لیتا تھا
اور دیوانہ دل اس کو یار کا شرم و حیا سمجھتا رہا

بظاہر تو خوش ہو کر مذاق کرتا تھا لیکن اس میں ایک زہریلی تلخی بھی ہوتی تھی
بیمارِ عشق جس کو مسیحا سمجھتا رہا

غربت کا غم اور بدصورتی اس پر یار کی نفرت
اس سب کو شاکر خدا کی رضا ہی سمجھتا رہا


شاکر صاحب سرائیکی دے بہوں وڈے شاعر نیں۔ ایہناں دی غزلاں خالص سرائیکی لہجے وچ ہوندیاں نئیں۔ تے عام پنجابی بولن والے دوستاں واسطے سمجھنیاں ذرا مشکل ہوندیاں نیں۔ میں نے اس غزل وچ چند الفاظ نوں پنجابی لہجے وچ لکھیا اے تا سارے دوستاں نوں سمجھ آجاوے۔ گو کہ اس نال شاعری خراب ہوئی اے جس واسطے میں‌بہت معذرت خواہ ہاں۔ لیکن میری نیت صرف ایہہ ہے کہ اس خوبصورت غزل دا لطف سارے دوستاں تک پہنچے۔ فیر وی شاکر صاحب معذرت دے نال۔

 

بہت خوب بہت ودھیا ترجمہ اوس توں وی چنگا

 

ہر ویلے تانگاں یار دیاں تے میں بیٹھی کاگ اُڈاواں
فالاں پاواں کہ میں قاصد بھیجاں مینڈا تھی گیا حال بیماراں
یار بنا ہُن جیوں کوڑے ، تے ہِن اندر درد ہزاراں
غلام فریدا میں روواں ایویں، جیوں وِچھڑی کونج قطاراں

حضرت خواجہ غلام فرید ​

 

بھلا نہ قہر دا
سما نہ ٹھہر دا

دعوے تے عمر دے
پتا نہیں پہر دا

شہریو سوچنا
برا نہ شہر دا

ملاحاں ڈوبیا
بہانا لہر دا

رہیا نہ اوسدے
ٹھکانا قہر دا

کندھ ہٹن روک دے
لگا نہ ایہ ردا

پل نہ توڑنا
پرانا نہر دا

غزل رندھیر دی
پتا نہیں بحر دا

 

:a180:

 

بوہت چنگی شعر و شاعری اے ۔ ودھیا جی ودھیا

 

مہربانی جینوں جینوں چنگی لگی شاعری شکریہ

 

واہ خوشی بہوں چنگی غزل اے۔ اے شعر تے بہوں پسند آیا

 

امرتا پریتم نے ایہہ غزل 1947 دے فسادات تے لکھی سی۔

اج آکھاں وارث شاہ نوں کِتوں قبراں وچوں بول
تے اج کتاب عشق دا کوئی اگلا ورقہ پھول

اک روئی سی دھی پنجاب دی توں لکھ لکھ مارے وین
اج لکھاں دھیاں روندیاں تینوں وارث شاہ نوں کہن

اُٹھ درد مندراں دیا دردیا، اُ ٹھ تک اپنا پنجاب
اج بیلے لاشاں وِچھیاں تے لہو دی بھری چناب

کسے نے پنجاں پانیاں وچ دتا زہر ملا
تے اونہاں پانیاں دھرت نوں دتا زہر پلا

دھرتی تے لہو وسیا قبراں پیاں چون
پریت دیاں شہزادیاں اج وچ مزاراں رون

اج سبھے کیدو بن گئے حسن عشق دے چور
اج کتھوں لیائیے لبھ کے وارث شاہ اک ہور​

ترجمہ

میں آج وارث شاہ سے کہوں کہ کہیں‌ قبر میں سے ہی بولے
اور آج عشق کی کتاب میں سے کوئی اگلا صفحہ کھولے

پنجاب کی ایک بیٹی کے رونے پر تو نے نوحے لکھ لکھ کر صفحات بھر دیئے تھے
آج پنجاب کی روتی ہوئی لاکھوں بیٹیاں تجھ وارث شاہ سے التجا کرتی ہیں

اے درد کے ماروں کا درد بانٹنے والے اٹھ اور اٹھ کر اپنے پنجاب کی حالت دیکھ
آج بیلے (بیابان علاقے) میں لاشیں بکھری ہیں اور چناب(دریا) خون سے بھرا ہوا ہے

کسی نے پانچ پانیوں (پانچ دریا) میں زہر ملا دیا ہے۔
اور یہ زہر پانی کے راستے ساری دھرتی کو پلا دیا گیا ہے۔

زمین پر خون کی برکھا ہے اور قبروں میں سے بھی خون رس رہا ہے۔
پیار کی شہزادیاں آج مزاروں پر جاجا کر رو رہی ہیں

آج کے سارے کیدو حسن اور عشق کے چور بن گئے ہیں
آج کہاں سے ایک اور وارث شاہ ڈھونڈ کر لائیں۔