نئی بیت بازی

جو خاص ہیں وہ شمار گروہ عام نہیں
شمار دانہ تسبیح میں امام نہیں

 

یاد کر کے اور بھی تکلیف ہوتی تھی عدم
بھول جانے کے سوا کوئی بھی تو چارہ نہ تھا​

 

یارب وہ نہ سمجھے ہیں، نہ سمجھیں گے مری بات
دے اور دل ان کو، جو نہ دے مجھ کو زباں اور

 

یہ کائنات ابھی ناتمام ہے شاید
کہ آ رہی ہے دمادم صدائے کن فیکوں

 

شائد تمہیں بھی چین نہ آئے مرے بغیر
شائد یہ بات تم بھی گوارہ نہ کر سکو​

 

جمی ہے محفلِ احباب یہ گھڑیاں غنیمت ہیں
خدا شاہد یہ لمحے بار بار آیا نہیں کرتے​

 

ہم جانتے تھے دونوں ہی اس کو نبھا سکتے نہیں
اُس نے بھی وعدہ کر لیا ، ہم نے بھی وعدہ کر لیا​

 

وہ دل کا حال سُنتے رہے پہلے اور پھر
ہنس کر کہا یہ گزرے زمانے کی بات ہے​

 

اپنا یہ حال کہ جی ہار چکے لُٹ بھی چکے
اور محبت وہ ہی انداز پُرانے مانگے​

 

رہا نہ دل میں وہ بے درد اور درد رہا
مقیم کون ہوا ہے مقام کس کا تھا​

 

کہا تھا اُس نے سمندر نہیں یہ ‌آنکھیں ‌ہیں
میں‌اُن میں‌ ڈوب گیا اعتبار کرتے ہوئے​

شائد والی بات ہے، اس شعر کا کوئی لفظ آگے پیچھے ہو، اگر غلطی ہو تو پیشگی معذرت اور درستگی کر دیجیئے گا۔ شکریہ!

 

اک سمندر نے آواز دی
مجھ کو پانی پلا دیجئیے

 

سفر یہ واپسی کا ہولے ہولے طے کرو، اُس نے
تمہیں آواز دینی ہے، تمہیں واپس بُلانا ہے​

 

محبت میں تو بس دیوانگی ہی کام آتی ہے
یہاں جو عقل دوڑائے، وہ عاقل ہو نہیں سکتا
پہنچتے ہیں، پہنچنے والے اُس کوچے میں مَر مَر کر
کوئی جنّت میں قبل از مرگ داخل ہو نہیں سکتا​

 

نکلنا خلد سے آدم کا سنتے آئے ہیں‌لیکن
بہت بے آبرو ہو کر تیرے کوچے سے ہم نکلے

 

اِک سجدئےِ خلوص کی قیمت فصائےِ خُلد؟
یارب! نہ کر مذاق مِری بندگی کے ساتھ​