نئی بیت بازی

فضائے بدر پیدا کر فرشتے تیری نصرت کو
اتر سکتے ہیں گردوں سے قطار اندر قطار اب بھی

 

بہت خوب!

فرشتے سے بہتر ہو انسان بننا
مگر اس میں پڑتی ہے محنت زیادہ​

 

ہنسی آتی ہے مجھ کو حضرت انسان پر
فعل بد تو خود کرے، الزام دے شیطان پر

 

ہنسی خوشی سے بچھڑ جا اگر بچھڑنا ہے
یہ ہر مقام پر کیا سوچتا ہے آکر تُو ؟ ؟​

 

مقام فیض کوئی راہ میں‌جچا ہی نہیں
جو کوے یار سے نکلے تو سوے دار چلے

 

یاروں کی بے پناہ نوازش کے باوجود
میری تباہیوں میں مِرا اپنا ہاتھ ہے​

 

ہاتھ تھک جائیں گے کیوں پیس رہے ہو مہندی
خون حاضر ہے ہتھیلی پہ لگانے کے لیے

 

کوئی تم سے اگر پوچھے کہ میری زندگی کیا ہے
ہتھیلی پر ذرا سی خاک رکھنا اور اُڑا دینا​

 

زندگانی کی حقیقت کوہکن کے دل سے پوچھ
جوے شیر و تیشہ و سنگِ گراں ہے زندگی

 

اک حقیقت سہی فردوس میں حوروں کا وجود
حُسنِ انساں سے نمٹ لوں تو وہاں تک دیکھوں​

 

حسنِ بے پروا کو اپنی بے نقابی کے لیے
ہوں اگر شہروں سے بن پیارے تو شہر اچھے کہ بن
(اقبال)

 

حُسن سے عشق کی باتیں بھی ہوئی تھیں اک دن
ہم نے اُس شوخ کو ، اُس نے ہمیں پہچانا تھا
بے سبب ترکِ تعلق کا بڑا رنج ہُوا
لاکھ رنجش سہی ، اِک عُمر کا یارانہ تھا​

 

رنجش ہی سہی، دل ہی دکھانے کے لیے آ
آ پھر سے مجھے چھوڑ کے جانے کے لیے آ

 

مگس کو باغ میں جانے نہ دیجو
کہ ناحق خون پروانے کا ہوگا

 

لبوں پر حشر میں وحشت کے افسانے بھی آئیں گے
دلوں‌کا حال کہنے اُن کے پروانے بھی آئیں گے
جہاں‌میرے علاوہ دوسرا کوئی نہیں‌ہو گا
کسی کی جستجو میں ایسے ویرانے بھی آئیں گے​

 

تم بھی بدل ہی جاؤ زمانے کے ساتھ ساتھ
میرا نہ ساتھ دو کہ بُرا مانتے ہیں لوگ​

 

جی رہا ہوں تیرے بغیر بھی میں
پی رہا ہوں اگرچہ پیاس نہیں

 

خود پیاس کا صحرا ہوں مگر دل کی یہ ضد ہے
ہر دشت پہ ساون کی طرح ٹوٹ کے برسوں​

 

جنگل میں اس طرح کی اُداسی کبھی نہ تھی
اے کاروں! ٹھہر کوئی ساتھی بچھڑ گیا​

 

نہ اتنی تیز چلے سَر پِھری ہوا سے کہو
شجر پہ آخری پتہ دکھائی دیتا ہے​

 

رگ سنگ سے ٹپکتا وہ لہو کہ پھر نہ تھمتا
جسے دل سمجھ رہے ہو،وہ اگر شرار ہوتا

 

سنا ہے سنگ دل کی آنکھ سے آنسو نہیں بہتے
اگر یہ سچ ہے تو پتھر سے کیوں چشمے اُبلتے ہیں​