نئی بیت بازی

ہم ایک نیا کھیل شروع کرنے جا رہے ہیں، دیکھیں یہ عوام میں مقبول ہوتا ہے یا نہیں

پہلے سے موجود آخری شعر کا کوئی بھی لفظ آپ کے دیئے جانے والے شعر میں موجود ہونا چاہیے کیا خیال ہے آپ سب کا؟

پہلا شعر حاضر ہے

کُھلتا کسی پہ کیوں مِرے دل کا معاملہ
شعروں کے انتخاب نے رُسوا کیا مجھے​

 

چہرا بھی اک کتاب ہے پڑھ لیجیئے نا آپ
اب کیا بتائیں آپ کو اپنی زباں سے ہم​

 

ہزاروں دکھ پڑیں سہنا محبت مَر نہیں سکتی
ہے تم سے بس یہی کہنا محبت مَر نہیں سکتی
تِرا ہر بار میرے خط کو پڑھنا اور رو دینا
مِرا ہر بار لکھ دینا محبت مَر نہیں سکتی​

 

تمھارے خط میں نیا اک سلام کس کا تھا
نہ تھا رقیب تو آخر وہ نام کس کاتھا

 

آنا نہ مری قبر پر ہمراہِ رقیباں
مردوں کو مسلمان جلایا نہیں کرتے​

 

دل مردہ دل نہیں‌ہے اسے زندہ کر دوبارہ
کہ یہی ہے امتوں کے مرض کہن کا چارا

 

دلِ حزیں کو تِری یاد سے بچا نہ سکے
ہزار بار بُھلایا ، مگر بُھلا نہ سکے
ارادہ تھا کہ سُنائیں گے حالِ دل اُن کو
ہم اُن کے سامنے آنسو مگر بہا نہ سکے​

 

یوں‌ہی گر روتا رہا غالب تو اے اہل جہاں
دیکھنا ان بستیوں کو تم کہ ویراں ہو گئیں

 

بستی بسنا کھیل نہیں‌ہے
بستے ، بستے ، بستی ہے​

 

تو اسے پیمانہ امروز و فردا سے نہ ناپ
جاوداں، پیہم رواں، ہردم جواں ہے زندگی

 

جواں ہو کر بدلتے جا رہے ہیں
وہ رعنائی میں ڈھلتے جا رہے ہیں
خدا ہی اب سمبھالے تو سمبھالے
وہ ہاتھوں سے نکلتے جا رہے ہیں​

 

وہ تو نہ مل سکے ہمیں‌ رسوائیاں‌ملیں
لیکن ہمارے عشق کو رعنائیاں ملیں

 

ایک ایسی بھی گھڑی عشق میں آئی تھی کہ ہم
خاک کو ہاتھ لگاتے تو ، ستارہ کرتے​

 

زندگی جب بھی کسی شے کی طلب کرتی ہے
میرے ہونٹوں پہ تِرا نام مچل جاتا ہے​

 

ہونٹوں پہ کبھی ان کے میرا نام بھی آئے
آئے تو سہی بر سر الزام ہی آئے

 

وفا کے نام پہ دُشمن کا امتحاں بھی سہی
کہ دوستوں کو تو ہم آزمائے بیٹھے ہیں​

 

اُسی دن گھر نہیں آتا کہ جب آنے کو کہتا ہے
مگر کیا روٹھنا اُس سے وہ اپنی دُھن میں رہتا ہے​

 

محبت میں تو بس دیوانگی ہی کام آتی ہے
یہاں جو عقل دوڑائے، وہ عاقل ہو نہیں سکتا​

 

بے خطر کود پڑا آتش نمرود میں عشق
عقل ہے محو تماشہ لب بام ابھی

 

عشقِ بے پایاں کا حاصل اور ہے
شوقِ منزل اور ، منزل اور ہے
عقل والے اپنی اپنی راہ لیں
اُن کے دیوانے کی منزل اور ہے​