نئی بیت بازی

منزلوں کی بات چھوڑو! کِس نے پائیں منزلیں
اِک سفر اچھا لگا ، اِک ہمسفر اچھا لگا​

 

ہمسفر بن کے ہم ساتھ ہیں‌آج بھی
پھر بھی ہے یہ سفر اجنبی اجنبی

 

اس اجنبی فضامیں مِلوں تجھ سے کس طرح
اپنا جنوں دیا ہے تو اپنا پتہ بھی دے​

 

بک رہا ہوں جنوں میں کیا کیا کچھ
کچھ نہ سمجھے خدا کرے کوئی

 

اُسے کہو کہ بہت نامُراد شے ہے جنوں
اُسے کہو کہ مجھے ہے بہت جنوں اُس کا​

 

گر کیا ناصح نے ہم کو قید اچھا یوں سہی
یہ جنون عشق کے انداز چھٹ جائیں گے کیا؟

 

عشق کی داستان ہے پیارے
اپنی اپنی زبان ہے پیارے

 

تری اتنی باتیں سن کر کوئی بات ہے کہ چُپ ہوں
مجھے بے زباں سمجھ کر نہ کرو زباں درازی​

 

ہمیشہ کے لئے مجھ سے بچھڑ جا
یہ منظر بارہا دیکھا نا جائے​

 

اس ایک سوچ نے دی ہیں تسلّیاں‌کیا کیا
کبھی تو وہ مِرے بارے میں سوچتا ہو گا​

 

خیال کو کسی آہٹ کی آس رہتی ہے
نگاہ کو کسی صورت کی پیاس رہتی ہے
تِرے بغیر کسی چیز کی کمی تو نہیں
تِرے بغیر طبعیت اُداس رہتی ہے​

 

فرصتِ زندگی کم ہے، اور یہاں
صورتیں ہیں‌دید کے قابل بہت​

 

مانا کہ تیری دید کے قابل نہیں ہوں میں
تو میرا شوق دیکھ میرا انتظار دیکھ

 

تمام عمر ایک پل میں‌ ہی گُزر جائے
تمام عمر گر کسی کا انتظار نہ ہو​

 

مہینے وصل کے گھڑیوں کی صورت اڑتے جاتے ہیں
مگر گھڑیاں جدائی کی گزرتی ہیں مہینوں میں

 

وہ کہاں، وصل کہاں، وصل کے ارمان کہاں
دل کے بہلانے کو اِک بات بنا رکھی ہے​

 

ہزاروں خواہشیں ایسی کہ ہر خواہش پہ دم نکلے
بہت نکلے میرے ارمان لیکن پھر بھی کم نکلے

 

اِدھر دَم دے دیا بیمارِ غم نے
اُدھر آیا مسیحا دیکھنے کو​

 

کوئی دم کا مہماں ہوں اے اہل محفل
چراغ سحر ہوں، بجھا چاہتا ہوں

 

شاید مجھے نکال کہ پچھتا رہے ہوں آپ
محفل میں اس خیال سے پھر آ گیا ہوں میں​

 

میں‌خیال ہوں کسی اور کا، مجھے سوچتا کوئی اور ہے
سر آئینہ میرا عکس تھا، پس آئینہ کوئی اور ہے

 

میں آئینہ ہوں وہ میرا خیال رکھتی تھی
میں ٹوٹا تھا تو چُن کر سمبھال رکھتی تھی
ہر ایک مسئلے کا حل نکال رکھتی تھی
ذہین تھی مجھے حیرت میں ڈال رکھتی تھی
میں جب بھی ترکِ تعلق کی بات کرتا تھا
وہ روکتی تھی مجھے کل پہ ٹال رکھتی تھی​

 

بستی بسنا کھیل نہیں ہے
بستے بستے بستی ہے​