نئی بیت بازی

اقتباس:
عشقِ بے پایاں کا حاصل اور ہے
شوقِ منزل اور ، منزل اور ہے
عقل والے اپنی اپنی راہ لیں
اُن کے دیوانے کی منزل اور ہے​

تلاش منزل کی جستجو میں‌یہ حادثہ بھی عجیب دیکھا
فریب رستے میں‌بیٹھ جاتا ہے صورتِ اعتبار بن کر

 

اس سوچ میں ہوں دیکھیئے دیتے ہیں‌کیا فریب
وہ پھر سے مِل رہے ہیں بڑی سادگی کے ساتھ​

 

بڑے وثوق سے دنیا فریب دیتی ہے
بڑے خلوص سے ہم اعتبار کرتے ہیں

 

اے دل تِرے خلوص کے صدقے ذرا سا ہوش
دشمن بھی بے شمار ہیں یاروں کے شہر میں​

 

دشمنوں کے تیر کھا کر دوستوں کے شہر میں
ہم نے کس کس کو پکارا، یہ کہانی پھر سہی

 

دشمن و دوست کی پہچان ضروری ہے نصیر
ایسوں ویسوں سے ذرا خود کو بچا کر چلیئے​

 

تم تکلف کو بھی اخلاص سمجھتے ہو فراز
دوست ہوتا نہیں‌ہر ہاتھ ملانے والا

 

دوستوں کی دوستی کے تجربے ایسے ہوئے
سب حقائق زندگی کے مجھ کو افسانے لگے​

 

زندگی ہے یا کوئی طوفان ہے
ہم تو اس جینے کے ہاتھوں مر چلے

 

نہ ہسنے دے، نہ رونے دے، نہ جینے دے، نہ مرنے دے
اسی کو اصتلاحاً ہم زمانہ کہتے آئے ہیں​

 

تیرے آزاد بندوں‌کی نہ یہ دنیا نہ وہ دنیا
یہاں جینے پہ پابندی وہاں‌مرنے پہ پابندی

 

دنیا ہی فقط میری حالت پہ نہیں چونکی
کچھ اس کی بھی آنکھوں میں ہلکی سی نمی آئی​

 

اس کی آنکھوں‌کو کبھی غور سے دیکھا ہے فراز
رونے والوں‌کی طرح، جاگنے والوں‌جیسی

 

رونے کے بھی آداب ہوا کرتے ہیں فانی
یہ اُن کی گلی ہے، تِرا غم خانہ نہیں ہے​

 

کٹ رہی ہے تو کٹ ہی جائے گی
زندگی ہے شب فراق نہیں

 

ذکرِ شبِ فراق سے وحشت اُسے بھی تھی
میری طرح کسی سے محبت اُسے بھی تھی​

 

آ گیا گر وصل کی شب بھی کہیں ذکرفراق
وہ تیرا رو رو کے بھی مجھ کو رلانا یاد ہے

 

مسجد تو بنا دی شب بھر میں ایماں کی حرارت والوں نے
مَن اپنا پُرانا پاپی ہے ، برسوں میں نمازی بن نہ سکا​

 

مسجدیں مرثیہ خواں ہیں‌کہ نمازی نہ رہے
یعنی وہ صاحب اوصافِ حجازی نہ رہے

 

نمازِ عشق ادا ہو نہ سکی آج تلک
تمام عمر رہے اشک سے وضو کرتے​

 

تر دامنی پے شیخ ہماری نہ جایو
دامن نچوڑ دیں تو فرشتے وضو کریں

 

فرشتے سے بہتر ہے انسان بننا
مگر اِس میں پڑتی ہے محنت زیادہ​

 

فضائے بدر پیدا کر فرشتے تیری نصرت کو
اتر سکتے ہیں‌گردوں سے قطار اندر قطار اب بھی

 

بے شک، بہت خوب واصف بھائی! کاش ہماری قوم یہ بات سمجھ سکے۔

فضا میں پھیل گئی میری بات کی خوشبو
ابھی ہواؤں سے میں نے تو کچھ کہا بھی نہیں​

 

وہ تو خوشبو ہے ہواوں میں بکھر جائے گا
مسئلہ پھول کا ہے پھول کدھر جائے گا

 

ہوائے ترکِ تعلق چلی دھیان رہے
ہاں اور یہ بات ہمارے ہی درمیان رہے​

 

ترک تعلقات کو اک لمحہ چاہیے
لیکن تمام عمر مجھے سوچنا پڑا

 

ہنسی خوشی سے بچھڑ جا اگر بچھڑنا ہے
یہ ہر مقام پر کیا سوچتا ہے آخر تُو​

 

ہمیشہ کے لیے مجھ سے بچھڑ جا
یہ منظر بارہا دیکھا نہ جائے