لفظِ “دل“ پر شعر کہیں

یوں‌ حسرتوں کے داغ محبت میں دھو لیے
خود دل سے دل کی بات کہی اور رو لیے​

 

عجب ہے وحشت ِ جاں بھی کہ عادت ہو گئی دل کی
سکوتِ شام ِ غم سے ہم نوائی مانگتے رہنا

 

آجکل ہوتا ہے سوزِ عشق سے جل جل کے خاک
کھیلتی ہے شمع ساں سر پہ تیرے اے دل ! قضا

 

عرض نياز عشق کے قابل نہيں رہا
جس دل پہ ناز تھا مجھے، وہ دل نہيں رہا​

 

غنچہء شوق لگا ہے کھلنے
پھر تجھے یادکیا ہے دل نے

 

دلوں کی الجھنیں بڑھتی رہیں گی
اگر کچھ مشورے باہم نہ ہوں‌گے

 

حقیقت اپنی آنکھوں پر نمایاں جب ہوئی اپنی
مکاں نکلا ہمارے خانہء دل کے مکینوں‌میں

 

اک آگ غم تنہائی کی جو سارے بدن میں پھیل گئی
جب جسم ہی سارا جلتا ہو پھر دامن دل کو بچائیں کیا؟

 

دل کے زخم کا رنگ تو شاید آنکھوں‌میں‌بھر آئے
رُوح کے زخموں کی گہرائی کیسے دکھائیں تمہیں؟

 

دل نہیں، تجھ کو دکھاتا ورنہ، داغوں کی بہار
اِس چراغاں کا کروں کیا، کارفرما جل گیا

 

تم پاس نہیں ہو تو عجب حال ہے دل کا
جیسے کچھ رکھ کے کہیں بھول گیا ہوں

 

تجھے یاد کیا نہیں ہے میرے دل کا وہ زمانہ؟
وہ ادب گہہ محبت وہ نگہ کا تازیانہ

 

پھر يوں ہوا کے ساون آنکھوں ميں آ بسے تھے
پھر يوں ہوا کہ جيسے دل بھی تھا آبلہ سا

 

کعبہ پہ پڑی جب پہلی نظر کیا چیز ہے دنیا بھول گیا
یوں ہوش و خرد مفلوج ہوئے دل ذوق تماشا بھول گیا

 

بس ایک منزل ہے بوالہوس کی ہزار رستے ہیں اہلِ دل کے
یہی تو ہے فرق مجھ میں اس میں گزر گیا میں ٹھہر گیا وہ

 

یوں تو کہنے کو بہت لوگ شناسا میرے
کہاں لے جاؤں تجھے اے دلِ تنہا میرے

 

اے میرے دلِ ناداں تو غم سے نہ گھبرانا
اک دن تو سمجھ لے گی دنیا تیرا افسانہ

 

یہ جنسِ‌دل مقرّر اک نظر اس کو دکھاویں گے
جو کوئی مشتری بازارِ عالم میں ‌حسیں آیا

 

اب تک دلِ خوش فہم کو ہیں تجھ سے امیدیں
یہ آخری شمعیں بھی بجھانے کے لیے آ ۔۔۔۔۔۔

 

ہم رکھتے ہیں دعویٰ کہ ہےقابوہمیں دل پر
تو سامنے آ جائے تو پھر بات جدا ہے ۔۔

 

اداسی میں گِھرا تھا دل چراغِ شام سے پہلے
نہیں تھا کچھ سرِ محفل چراغِ شام سے پہلے
(امجد)​

 

آنکھوں نے الٹ ڈالے سب دل کے نقاب آخر
اٹھا تھا جو سینے سے برسا وہ سحاب آخر

 

نہ جانے کونسا آسیب دل میں بستا ہے
کہ جو بھی ٹھہرا وہ آخر مکان چھوڑ گیا