لفظِ “دل“ پر شعر کہیں

وہ مالک و خالقِ دو جہاں ہے
وہ اس کی سدا سنتا ہے
رات بھر اس کے حضور جو دل
چپکے چپکے دعا کرتا ہے!

مسز مرزا​

 

سنا ہے اس کو محبت دعائیں دیتی ہے
جو دل پہ چوٹ تو کھائے مگر گلہ نہ کرے

(قتیل شفائی)​

 

مقتلِ‌جاں کی ضرورت ٹھہرے
ہم کہ شایانِ محبت ٹھہرے
دل لہو کر کے یہ قسمت ٹھہرے
سنگ فنکار کی اجرت ٹھہرے​

 

یہاں کہاں ہم نفس میسر یہ دیس نا آشنا ہے اے دل
وہ چیز تو مانگتا ہے مجھ سے کہ زیر چرخ کہن نہیں ہے

علامہ اقبال​

 

دلِ بیدار کر پیدا کہ دل مردہ ہے جب تک
نہ تیری ضرب ہےکاری نہ میری ضرب کاری ہے​

 

ظاہر کی آنکھ سے نہ تماشا کرے کوئی
ہو دیکھنا تو دیدہءدل وا کرے کوئی

علامہ اقبال​

 

:

ایک ہی سی تنہائی،ایک ہی سا سناّٹا

دشت کیا ہے دل کیا ہے کیا تجھے بتاؤں میں

 

کبھی کبھی یاد میں ابھرتے ہیں نقش ماضی مٹے مٹے سے
وہ آزمائش دل و نظر کی ، وہ قربتیں سی وہ فاصلے سے

فیض احمد فیض​

 

نظر میرے دل کی پڑی اے درد کس پر
کہ جدھر دیکھتا ہوں‌وہی مرے روبروہے

(میر درد)​

 

سو بار تصدق اس دل کے وہ عرش بریں سے کیا کم ہے
جس دل میں رسول اکرم کی اے دوست محبت ہوتی ہے​

 

ہمیں بھی ہے یاد آج تک وہ نظر سے صبحِ سلام لکھنا
وہ چھوٹے چھوٹے سے کاغذوں پرمحبتوں کے پیام لکھنا
گلاب چہروں سے دل لگانا وہ چپکے چپکے نظر ملانا
وہ آرزوؤں کے خواب بُننا، وہ قصہ ء نا تمام لکھنا

(حسن رضوی)​

 

ذکر ان کا ابھی ہو بھی نہ پایا ہے زباں سے
دل میں یہ اجالے اتر آئے ہیں کہاں سے

ادا جعفری​

 

محبت کا شجر مہنگا پڑا ہے
ہمیں اک اک ثمر مہنگا پڑا ہے
کہانی ایک شاعر کی ہے لوگو
جسے دل کا سفر مہنگا پڑا ہے

فرحت عباس شاہ​

 

دلِ ناداں‌ تجھے ہوا کیا ہے ؟
آخر اس درد کی دوا کیا ہے؟​

 

ہم پرورشِ لوح و قلم کرتے رہیں گے
جو دل پہ گذرتی ہے رقم کرتے رہیں گے​

 

غرورِدوست سے اتنابھی دل شکستہ نہ ہو
پھر اٹھ کے سامنے دامنِ التجا لے جا​

 

کن زاویوں میں لے گئی دل کی لگن مجھے
کن دائروں میں حلقہء احباب لے گیا

پرتو روہیلہ​

 

تجھ کو احوالِ دل کیا سنائیں اے دوست
ساز نغموں‌کے اب کیا سجائیں اے دوست
وہ عشق جو کہیں کھو دیا ہے ہم نے
اب فسانہء محبت کیا بتائیں اے دوست

(عامر شریف)​

 

ایک یہ دن جب ذہن میں ساری عیاری کی باتیں ہیں
ایک وہ دن جب دل میں بھولی بھالی باتیں رہتی تھیں

جاوید اختر​

 

جب تیرا حکم ملا ترکِ محبت کر دی
دل مگر اس پہ وہ رویا کہ قیامت کردی​

 

یہاں پل میں بدلے ہوئے لوگ پائے یہاں پل میں اپنے بھی دیکھے پرائے
تجھے تو ہمارے دلوں کی خبر ہے کریں تجھ سے کس کاگلہ میرے مولا​

 

اس بے وفا کو اک دن آخر تو لوٹنا ہے
ٹوٹا ہے دل اپنا ، ٹوٹا بھرم نہیں

(عامر شاھین)​

 

حسرتِ رنگ آئی تھی دل کو لگا کر لے گئی
یاد تھی اپنے آپ کو یاد دلا کر لے گئی۔۔!​

 

دل کے افسانے نگاہوں کی زباں تک پہنچے
بات چل نکلی ہے اب دیکھیں کہاں‌تک پہنچے​

 

دل ہی تو ہے نہ سنگ و خشت درد سے بھر نہ آئے کیوں
روئیں گے ہم ہزار بار کوئي ہمیں ستائے کیوں​

 

جب کھینچ لیا ہے مجھ ےمیدانِ ستم میں
دل کھول کے اب حسرت بھی نکالے کوئی​

 

مانوس اس قدر ہو صورت سے میری بلبل
ننھے سے دل میں اسکے کھٹکا نہ کچھ میرا ہو

علامہ اقبال​