لفظِ “دل“ پر شعر کہیں

دل کی بات دبائے دل میں ہم پہ قیامت بیت گئ
جو ہمراز تھے پاس نہیں‌ہیں پاس جو ہیں ہمراز نہیں

 

دل کے اندھے خواب فسانے، حسنِ حقیقت سے محروم
تلخیء غم ہے ایک حقیقت جس میں رنگِ مجاز نہیں

 

زباں خموش رہی، دل کا مدعا نہ کہا
مگر نگاہ نے اس انجمن میں‌کیا نہ کہا
(اختر اکبرآبادی)

 

دل دھڑکنے کا سبب یاد آیا
وہ تیری یاد تھی اب یاد آیا

 

واہ واہ واہ بہت خوب

 

ٹھیک ہے اے ضبطِ غم ! آنسو کوئی نہیں ٹپکا
پر یہ دل سے آنکھ تک پیہم سفر کون ہے ؟؟؟

 

دل میں ہر وقت چبھن سی رہتی تھی
تھی مجھے کس کی طلب یاد نہیں

 

چاند ہوتا کہ میری جان ستارا ہوتا
ہم نے اک تیرے سوا دل سے اتارا ہوتا

 

آجا تنِ بےجاں میں میری جان کی طرح
رہ خانہء دل میں کسی ارمان کی طرح
تیری ہی طرف مری آنکھیں ہیں لگی ہوئی
اک بار اتر آ کبھی قرآن کی طرح

 

جسم کتنی بڑی حقیقت ہو ۔۔۔۔ !
دل کی تسکیں مگرہوس میں نہیں

 

یہ ہیں‌نئے لوگوں کے گھر ، سچ ہے اب انکوکیا خبر
دل بھی کسی کا نام تھا، غم بھی کسی کی ذات تھی

 

شامِ فراق، اب نہ پوچھ، آئی اور آکے ٹل گئی
دل تھا کہ پھر بہل گیا، جاں تھی کہ پھر سنبھل گئی

بزمِ خیال میں ترے حسن کی شمع جل گئی
درد کا چاند بجھ گیا، ہجر کی رات ڈھل گئی

 

دل ہی تو ہے نہ سنگ و خشت درد سے بھر نہ آئے کیوں
روئیں گے ہم ہزار بار ، کوئی ہمیں رلائے کیوں ؟

 

دل تو ہے دل ، دل کا اعتبار کیا کیجئے
آ گیا جو کسی پہ پیار ، کیا کیجئے ؟

 

دل کی دیوار میں اب کوہی خاکہ نہ ابھرے گا۔۔۔
میں نے تیری تصویر بنا کر قلم ہی توڑ دیا۔۔۔

 

ہر دھڑکتے پتھر کو لوگ دل سمجھتے ہیں
عمریں بیت جاتی ہیں دل کو دل بنانے میں

 

یہی دل تھا جو ترستا تھا مراسم کے لئے
اب یہی ترک تعلق کے بہانے مانگے

 

دفن ہیں مُجھ میں شورشیں کِتنی
دِل کی صُورت خموش وادی ہُوں
شوق سے ترکِ دوستی کرلے
مَیں تِری نفرتوں کا عادی ہُوں

 

یہ کہہ کے چھیڑتی ہے ہمیں دل گرفتگی
گھبرا گئے ہیں آپ تو باہر ہی لے چلیں

(ناصر کاظمی)

 

[center:2zqyk746]خوشبوئے یادِ یار جودل کے نگر میں‌ہے
میری ہر ایک سانس اسی کے اثر میں ہے[/center:2zqyk746]

 

خزاں تمام ہوئ، کس حساب میں اکھۓ
بہار گل میں جو پہنچے ہیں شاخ گل کو گزند

 

ذوالقرنین بھائی ۔ آپ شادی کی خوشی میں سب کچھ بھولے بیٹھے ہیں۔
یہ لڑی صرف "دل " پر اشعار کے لیے مخصوص ہے۔ ایسا شعر لکھیے جس میں "دل" آتا ہو

 

ا فسو س د ل کا حا ل کو ئی پو چھتا نہیں
سب کہہ رھےھیں یہ تیری صورت کو کیاھوا

 

دلِ ناداں تجھے ہوا کیا ہے
آخر اس درد کی دوا کیا ہے

ہم ہیں مشتاق اور وہ بیزار
یا الہی یہ ماجرا کیا ہے

 

ا و ر تو کو ن ہے جو مجھکو تسلی د یتا
ہا تھ ر کھ دیتی ہیں دل پہ تیری یادیں ا کثر

 

پیار بھرے موتی لڑی میں سموئے ھوئے ھیں
بکھر نہ جائے دیکھو دل سے پروئے ھوئے ھیں​