سوالیہ بیت بازی

وہ کیا ہیں، آج اُن کے فرشتے بھی آئیں گے
وعدے کی شب نہیں ہے، یہ دن ہے حساب کا

ظلم سہتے ہیں کچھ نہیں کہتے
اہلِ دل بے زبان ہوتے ہیں
آپ کو بے وفا کہا کِس نے
آپ کیوں بد گمان ہوتے ہیں؟​

 

سی کے لب ایک قیامت سی اٹھا دی جائے
رہ کے خاموش ذرا دھوم مچا دی جائے

کھلتا کسی پہ کیوں میرے دل کا معاملہ؟
شعروں کے انتخاب نے رسوا کیا مجھے

 

جواں ‌ہیں اگر ولولوں کے تلاطم
تو موجوں میں‌بھی ہیں کناروں کے جھرمٹ

سوچتے ہیں حسرتوں کے موڑ پر شام و سحر
جائیں‌گے ساغر کہاں ان کی گلی سے روٹھ کر؟

 

روٹھا ہی رہے مجھ سے یہ منظور ہے لیکن
یارو! اُسے سمجھاؤ مِرا شہر نہ چھوڑے

کیا تم نہیں‌ہمارا سہارا جواب دو؟
آنکھیں مِلاؤ ہم کو ہمارا جواب دو​

 

بادل فضا میں‌آپ کی تصویر بن گئے
سایہ کوئی خیال سے گزرا تو رو دیے
اڑتا ہوا غبار سر راہ دیکھ کر
انجام ہم نے عشق کا سوچا تو رو دیے

کہیں‌لختِ جگر کھانے سے ساغر بھوک مٹتی ہے؟
لہو کے گھونٹ پی کر بھی کوئی مخمور دیکھا ہے؟

 

خودی کی خلوتوں میں‌گم رہا میں
خدا کے سامنے گویا نہ تھا میں
نہ دیکھا آنکھ اٹھا کر جلوہ دوست
قیامت میں‌تماشہ بن گیا میں


اگر مقصود ِ کل میں‌ہوں تو مجھ سے ماورا کیا ہے؟
مرے ہنگامہ ہائے نو بہ نو کی انتہا کیا ہے؟

 

مِری انتہائےِ نگارش یہی ہے
تِرے نام سے ابتدا کر رہا ہوں

نہ کوئی حال کا پُرساں، نہ شناسا، نہ رفیق
مجھ کو تقدیر یہ کِس موڑ پہ لے آئی ہے ؟​

 

عبث ہے شکوہ تقدیر یزداں
تو خود تقدیر یزداں کیوں نہیں ہے؟

 

صرف تقدیر پہ انسان بھروسہ نہ کرے
حُسنِ نیت بھی ہو کوشش بھی تدبیر بھی ہو

کہہ تو رہے ہو جوش میں آ کر ضدی بھی، دیوانہ بھی
مَیں ہوں وہی جو تم پہ فِدا تھا، تم نے مجھے پہچانا بھی؟​

 

جسے آپ کہتے تھے با وفا، جسے آپ گنتے تھے با وفا
میں وہی ہوں مومنِ مبتلا، تمہیں یاد ہو کہ نہ یاد ہو

یہ کون سوختہ ساماں ہے خاک کا پیوند ؟
بُجھی بُجھی سی ہے شمعِ مزار کی صورت

 

نظر اُٹھا کہ ذرا دیکھ تو سہی اِک بار
کہ تیرے درد نے کتنا بدل دیا مجھ کو

کیوں نہ شک ہو مجھے ساقی تِری فیّاضی پر
چشمِ مخمور سے مجھ کو کبھی پِلوائی بھی؟​

 

سیرت نہ ہو تو عارض و رخسار سب غلط
خوشبو اڑی تو پھول فقط رنگ رہ گیا

وہ شکست خوردہ شاہیں کہ پلا ہو گرگسوں میں
اسے کیا خبر کہ کیا ہے راہ و رسم ِ شاہبازی؟

 

خدا نے آج تک اُس قوم کی حالت نہیں بدلی
جِسے نہ ہو خیال خود آپ اپنی حالت کے بدلنے کا

------------------------------------------------------

تیری باتوں کے تھے ہزار جواب
احتراماً ہی چُپ رہا کوئی
دیر سے میکدے میں بیٹھے ہو
شیخ جی جام بھی مِلا کوئی؟​

 

غریب و سادہ و رنگیں ہے داستانِ حرم
نہایت اس کی حسین ابتدا ہے اسمٰاعیل

غالب خستہ کے بغیر کون سے کام بند ہیں؟
روئیے زار زار کیا؟ کیجیئے ہائے ہائے کیوں؟

 

دور بیٹھا غبارِ میر اُس سے
عشق بِن یہ ادب نہیں آتا

-----------------------------------------------------------------------------

یہ کیسا موڑ ہے کیوں پاؤں پکڑتی ہے زمیں؟
اُس کی بستی بھی نہیں، کوئی پُکارا بھی نہیں​

 

اس بستی میں‌کون ہمارے آنسو پونچے گا؟
آتے جاتے جو ملتا ہے تم سا لگتا ہے

 

رونے کے بھی آداب ہُوا کرتے ہیں فانی
یہ اُن کی گلی ہے تِرا غم خانہ نہیں‌ہے

-------------------------------------------------------------

کون کسی کی خاطر دے گا اتنی سچی قربانی؟ ؟
بادل سب کی پیاس بُجھا کر خُود پیاسا رہ جاتا ہے​

 

اپنی لہر ہے اپنا روگ
دریا ہوں پر پیاسا ہوں

نہ جانے کون سے گزرے ہوئے لمحے کا سایہ ہے ؟
ہر اک محفل میں جانا اور پھر تنہایاں لکھنا

 

خلوت میں روؤں اور سرِ انجمن ہنسوں
مجھ کو یہ مشورہ مرے درد آشنا کا تھا

-----------------------------------------------------------------

آئینے مِیں بے حجابانہ سما جاتا ہے تُو
بے تکلف میری بانہوں مِیں سمٹ سکتا نہیں؟​

 

دل کی آزادی شہنشاہی شکم سامانِ موت
فیصلہ تیرا تیرے ہاتھوں میں‌ہے دل یا شکم؟

 

اُسی کے دم سے ہیں دونوں جہان کی سانسیں
اُسی کے قدموں کی خیرات کھا رہے ہیں‌ہم

--------------------------------------------------------------------

وہ اکثر یہ کہتے ہیں، ہم سب کچھ ہیں تم کیا ہو
جان پرکھ ہے اوروں کی ، یہ بھی سوچا تم کیا ہو؟​