سوالیہ بیت بازی

نہ جانے کون سی مجبوریوں کا قیدی ہو
جو ساتھ چھوڑ گیا ہے تو بے وفا نہ کہو

سُنا ہے ہم نے کہ برسات کا مخصوص موسم ہے
مِری آنکھوں‌سے آنسو کی راوانی کیوں نہیں جاتی؟​

 

مزہ برسات کا چاہو تو ان آنکھوں میں‌آ بیٹھو
وہ برسوں میں کہیں برسے،یہ برسوں سے برستی ہیں

بنے ہیں اہل ہوس مدعی بھی منصف بھی
کسے وکیل کروں کس سے منصفی چاہوں؟

 

کیسے کہہ دوں کہ ملاقات نہیں‌ہوتی ہے
روز ملتے ہیں‌مگر بات نہیں ہوتی ہے

دل ہی تو ہے نہ سنگ و خشت درد سے بھر نہ آئے کیوں؟
روئیں گے ہم ہزار بار، کوئی ہمیں‌ستائے کیوں؟

 

بے رُخی اِس سے بڑی اور بھلا کیا ہو گی
ایک مدت سے ہمیں‌اُس نے ستایا بھی نہیں

ہم سے کیا ہو سکا محبت میں؟
تُو نے تو خیر بے وفائی کی​

 

سنا ہے اب محبت کرنے والا
وفا کی شرط سے آزاد ہوگا

اپنی تنہائیوں پہ ہنستے ہیں
کون ہے آشنا فقیروں کا؟

 

روتے ہیں دل کے زخم تو ہستا نہیں کوئی
اِتنا تو فائدہ مجھے تنہائیوں سے ہے

میں ہو گیا تباہ تمہارے ہی سامنے
کیونکر کِیا یہ تم نے گوارہ جواب دو؟​

 

دشمنوں کے تیر کھا کر دوستوں کے شہر میں
ہم نے کس کس کو پکارا، یہ کہانی پھر سہی

بے نیازی حد سے گزری بندہ پرور کب تلک
ہم کہیں گے حالِ دل اور آپ فرمائیں گے کیا؟

 

ہم چھین لیں گے تجھ سے یہ اندازِ بے نیازی
پھر مانگتے پِھرو گے ہم سے غرور اپنا

ہم بھی دو چار قدم چل کے اگر بیٹھ گئے
کون پھر وقت کی رفتار کو ٹھہرائے گا؟​

 

زماں کی تیز رفتاری کو کچھ روکا تو ہے ہم نے
ہمیں جو آج کرنا ہو، وہ اگلے سال کرتے ہیں

وفا کریں گے نبھائیں گے بات مانیں گے
تمہیں بھی یاد ہے کچھ یہ کلام کس کا تھا؟

 

اُس نے تمہیں بھُلا دیا حافظ تو کیا ہُوا
کہتے ہیں بھول جاتا ہے انسان کبھی کبھی

کیوں چُپکے سے وہ لوگ اُتر جاتے ہیں دل میں؟
جن لوگوں سے قسمت کے ستارے نہیں ملتے​

 

ستارہ کیا میری تقدیر کی خبر دے گا؟
وہ خود فراخی افلاک میں‌ہے خوار و زبوں

 

باغ بہشت سے مجھے حکم سفر دیا تھا کیوں
کار جہاں دراز ہے، اب میرا انتظار کر

ہاں وہ نہیں خدا پرست، جاو وہ بے وفا سہی
جس کو ہو دین و دل عزیز،اسکی گلی میں‌جائے کیوں؟

 

ہے تُو مانوس کیوں جبّار اتنا اُن کے کوچے سے؟
تِری اُن کی گلی میں آنی جانی کیوں نہیں جاتی؟​

 

جس کو دیکھو وہی صحرا میں‌چلا آتا ہے
راستے میں کوئی دیوار اٹھا دی جائے

آدمی تو تم بھی ہو ، آدمی تو ہم بھی ہیں
ہم سے تم نہیں‌ڈرتے، آدمی سے ڈرتے ہو؟

 

ناتجربہ کاری سے واعظ کی یہ باتیں‌ہیں
اس رنگ کو کیا جانے پوچھو تو کبھی پی ہے؟

 

بے پِیئے عالمِ مستی میں رہا کرتا ہوں
میری ہستی بھی عجب راز ہے میخانے کا

لوگ آغاز کریں تو، ترے افسانے کا
کون کہتا ہے مجھے ہوش نہیں آنے کا؟​

 

جو سنائی انجمن میں شب غم کی آپ بیتی
کئی رو کے مسکرائے، کئی مسکرا کے روئے

شورِ پندِ ناصح نے زخم پر نمک چھڑکا
آپ سے کوئی پوچھے، تم نے کیا مزہ پایا؟

 

کل جو پی تھی اجی یہ تو اس کا نشہ ہے
تمھاری قسم آج پی ہی نہیں

کب میرا نشیمن اہل چمن گلشن میں‌گوارا کرتے ہیں؟
غنچے اپنی آوازوں میں‌بجلی کو پکارا کرتے ہیں

(نعیم بھائی سوالیہ شعر کا جواب دے کر نیا سوالیہ شعر لکھا کریں)

 

چند تِنکے جوڑ لوں گا آشیانے کے لئے
آپ کچھ مائل تو ہوں بجلی گِرانے کے لئے

آئینے میں بے حجابانہ سما جاتا ہے تُو
بے تکلف میری بانہوں میں سِمٹ سکتا نہیں؟​

 

آئینہ دیکھ اپنا سا منہ لے کے رہ گئے
صاحب کو دل نہ دینے پہ کتنا غرور تھا

کس کس کا خون ہونے پہ رویا کرے کوئی؟
ہیں لاکھ حسرتیں دل ِ امید وار میں

 

نشتر ہیں‌میرے ہاتھ میں کاندھوں پہ میکدہ
لو میں‌ علاج دردِ جگر لے کے آ گیا

کس سے پیمانِ وفا باندھ رہی ہے بلبل؟
کل نہ پہچان سکے گی گلِ تر کی صورت

 

یہ کہاں کی دوستی ہے کہ بنے ہیں‌دوست ناصح
کوئی چارہ ساز ہوتا کوئی غم گسار ہوتا

زہر ملتا ہی نہیں‌مجھ کو، ستم گر! ورنہ
کیا قسم ہے تیرے ملنے کی جو کھا بھی نہ سکوں؟