سوالیہ بیت بازی

یہ ایک اچھی لڑی شروع کی ہے آپ نے۔ دیکھیں‌کون کون اس لڑی میں‌آتا ہے۔یہ شعر نہ صرف آپکے شعر کا جواب ہے بلکہ اگلا سوال بھی اسی کے دوسرے مصرعے میں ہے

دل ہی تو ہے نہ سنگ و خشت درد سے بھر نہ آئے کیوں؟
روئیں گے ہم ہزار بار کوئی ہمیں‌ستائے کیوں؟​

‌

 

اِن درد کے ماروں کی صدا کوئی نہ سُنے

سبب ہر ایک مُجھ سے پوچھتا ہے میرے رونے کا
الٰہی ساری دُنیا کو میں کیسے رازداں کر لوں؟​

 

دیکھے ہیں بہت ہم نے ہنگامے محبت کے
آغاز بھی رُسوائی ، انجام بھی رُسوائی



سُنا ہے سنگ دل کی آنکھ سے آنسو نہیں بہتے
اگر یہ سچ ہے تو پتھر سے کیوں چشمے اُبلتے ہیں؟​

 

پہلے شعر میں حُسن و عشق اور دوسرے شعر میں سوال

حُسن سے عشق کی باتیں بھی ہوئی تھیں اک دن
ہم نے اُس شوخ کو اُس نے ہمیں پہچانا تھا

لاکھ ٹھکریا ہمیں تُو نے مگر ہم نہ ٹَلے
تیرے قدموں سے الگ ہو کے کہاں جانا تھا؟​

‌

 

لاکھ ٹھکریا ہمیں تُو نے مگر ہم نہ ٹَلے
تیرے قدموں سے الگ ہو کے کہاں جانا تھا

کرتے ہو مجھ کو منع قدم بوس کس لیے
کیا آسمان کے بھی برابر نہیں‌ہوں میں؟

 

تم آسماں کی بلندی سے جلد لوٹ آنا
مجھے زمیں کے مسائل کی بات کرنی ہے

نہ اب وہ بات کرتے ہیں، نہ اب وہ بات سُنتے ہیں
جو سُنیے بھی تو کیا سُنیے، جو کہیے بھی تو کیا کہیے؟​

 

جلا ہے جسم جہاں دل بھی جل گیا ہو گا
کریدتے ہو جو اب راکھ جستجو کیا ہے؟

 

محترمہ آپ نے جواب تو بہت عمدہ دیا ہے مگر سوالیہ شعر نہیں‌لکھا جس کی وجہ سے لڑی رک گئی ہے ۔ از راہ کرم نظر ثانی فرمائیں۔ شکریہ

 

ہر ایک بات پہ کہتے ہو تم کے تو کیا ہے
تمہیں‌کہو کہ یہ انداز گفتگو کیا ہے؟

 

اندازِ بیاں گرچہ مِرا شوخ نہیں ہے
شائد کہ اُتر جائے تِرے دل میں مِری بات

سُنا ہے ہم نے کہ برسات کا مخصوص موسم ہے
مِری آنکھوں سے آنسو کی روانی کیوں نہیں جاتی؟

 

مزہ برسات کا چاہو تو ان آنکھوں میں‌آ بیٹھو
وہ برسوں‌میں‌کہیں‌برسے یہ برسوں‌سے برستی ہیں

بے نیازی حد سے گزری بندہ پرور کب تلک
ہم کہیں گے حال دل اور آپ فرمائیں گے کیا؟

 

وہ دل کا حال سنتے رہے پہلے اور پھر
ہنس کر کہا یہ گزرے زمانے کی بات ہے

اوروں کا ہاتھ تھامو ، انہیں راستہ دکھاؤ
میں بھول جاؤں اپنا ہی گھر تم کو اس سے کیا؟​

 

اپنی مجبوری کو ہم دیوار و در کہنے لگے
قید کا ساماں کیا اور اس کو گھر کہنے لگے

دل ناداں تجھے ہوا کیا ہے؟
آخر اس درد کی دوا کیا ہے؟

 

اس درد کو سہہ لو تو بڑی بات ہے پیارے

نہیں دنیا کو جب پروا ہماری
تو پھر دنیا کی پروا کیوں کریں ہم؟​

 

دنیا کسی کے پیار میں‌جنت سے کم نہیں
اک دلربا ہے دل میں‌جو حوروں سے کم نہیں

اے میرے دل کے داغ یہ تو بتا
تو کہاں تھا بہار سے پہلے؟

 

خزاں نے اس قدر بدل دیا ہے چہروں‌کو
بہار آئے تو شائد انہیں نہ پہچانے

کل سے مراد صبحِ قیامت سہی مگر
اب تم کہاں ملو گے دوبارہ جواب دو؟​

 

کیسے کہہ دوں‌کے ملاقات نہیں ہوتی ہے
روز ملتے ہیں مگر بات نہیں‌ہوتی ہے

کہتا ہے مجھ سے پھر دل بیتاب چل وہیں
کیا جانے مدعا ہے اب اس مدعی کا کیا؟

 

کوئی مقتل میں‌لے چلے ہم کو
آج قاتل کا سامنا تو کریں

ہمیں تو اب بھی وہ گزرا زمانہ یاد آتا ہے
تمہیں بھی کیا کبھی کوئی دیوانہ یاد آتا ہے؟​

 

تمھارے بس میں‌ اگر ہو تو بھول جاو ہمیں
تمھیں بھلانے میں‌شاید ہمیں زمانہ لگے

تیری موجودگی میں‌تیری دنیا کون دیکھے گا؟
تجھے میلے میں سب دیکھیں گے میلہ کون دیکھے گا؟

 

مجھے اُٹھ اُٹھ کے سب محفل نے دیکھا
وہی ظالم نہ اُٹھا دیکھنے کو
تجھے دیکھے نہ کیوں سارا زمانہ
کہاں مِلتا ہے تجھ سا دیکھنے کو؟​

 

مجھ سے بڑھ کر دید کا مشتاق دروازہ بھی تھا
میں نے باہر کھولنا چاہا، وہ اندر کو کھلا :lol:

ہم ہیں‌مشتاق اور وہ بیزار
یا الٰہی یہ ماجرا کیا ہے؟

 

واہ!

اب اُداس پھرتے ہو سردیوں کی شاموں میں
اس طرح تو ہوتا ہے اس طرح کے کاموں میں

ہم دو چار قدم چل کے اگر بیٹھ گئے
کون پھر وقت کی رفتار کو ٹھہرائے گا؟