بانگ درا (مکمل)

شاعرِ مشرق علامہ محمد اقبال (رح) کی شاعری​

 

ہمالہ

ہمالہ

اے ہمالہ! اے فصيلِ کشورِ ہندوستاں
چومتا ہے تيري پيشاني کو جھک کر آسماں

تجھ ميں کچھ پيدا نہيں ديرينہ روزي کے نشاں
تو جواں ہے گردش شام و سحر کے درمياں

ايک جلوہ تھا کليمِ طورِ سينا کے لئے
تو تجلي ہے سراپا، چشمِ بينا کے لئے

امتحانِ ديدہء ظاہر ميں کوہستاں ہے تو
پاسباں اپنا ہے تو، ديوارِ ہندوستاں ہے تو

مطلعِ اول فلک جس کا ہو وہ ديواں ہے تو
سوئے خلوت گاہِ دل دامن کشِ انساں ہے تو

برف نے باندھي ہے دستارِ فضيلت تيرے سر
خندہ زن ہے جو کلاہِ مہرِ عالم تاب پر

تيري عمرِ رفتہ کي اک آن ہے عہدِ کہن
واديوں ميں ہيں تري کالي گھٹائيں خيمہ زن

چوٹياں تيري ثريا سے ہيں سرگرمِ سخن
تو زميں پر اور پہنائے فلک تيرا وطن

چشمہء دامن ترا آئنہ سیال ہے
دامنِ موجِ ہوا جس کے لئے رومال ہے

ابر کے ہاتھوں ميں رہوارِ ہوا کے واسطے
تازيانہ دے ديا برقِ سرِ کہسار نے

اے ہمالہ! کوئي بازي گاہ ہے تو بھي، جسے
دستِ قدرت نے بنايا ہے عناصر کے لئے

ہائے کيا فرطِ طرب ميں جھومتا جاتا ہے ابر
فيلِ بے زنجير کي صورت اُڑا جاتا ہے ابر

جُنبشِ موجِ نسيمِ صبح گہوارہ بني
جھومتي ہے نشہء ہستي ميں ہر گُل کي کلي

يوں زبانِ برگ سے گويا ہے اس کي خامشي
دستِ گلچيں کي جھٹک ميں نے نہيں ديکھي کبھي

کہہ رہي ہے ميري خاموشي ہي افسانہ مرا
کُنجِ خلوت خانہء قدرت ہے کاشانہ مرا

آتي ہے ندي فرازِ کوہ سے گاتي ہوئي
کوثر و تسنيم کي موجوں کي شرماتي ہوئي

آئنہ سا شاہدِ قدرت کو دکھلاتي ہوئي
سنگِ رہ سے گاہ بچتي، گاہ ٹکراتي ہوئي

چھيڑتي جا اس عراق دل نشيں کے ساز کو
اے مسافر دل سمجھتا ہے تري آواز کو

ليلي شب کھولتي ہے آ کے جب زلفِ رسا
دامنِ دل کھينچتي ہے آبشاروں کي صدا

وہ خموشي شام کي جس پر تکلم ہو فدا
وہ درختوں پر تفکر کا سماں چھايا ہوا

کانپتا پھرتا ہے کيا رنگِ شفق کہسار پر
خوشنما لگتا ہے يہ غازہ ترے رخسار پر

اے ہمالہ! داستاں اُس وقت کي کوئي سنا
مسکنِ آبائے انساں جب بنا دامن ترا

کچھ بتا اس سيدھي سادھي زندگي کا ماجرا
داغ جس پر غازہء رنگِ تکلف کا نہ تھا

ہاں دکھا دے اے تصور پھر وہ صبح و شام تو
دوڑ پيچھے کي طرف اے گردشِ ايام تو​

 

گل رنگيں

گلِ رنگيں

تو شناسائے خراشِ عقدہء مشکل نہيں
اے گلِ رنگيں ترے پہلو ميں شايد دل نہيں

زيبِ محفل ہے، شريکِ شورشِ محفل نہيں
يہ فراغت بزمِ ہستي ميں مجھے حاصل نہيں

اِس چمن ميں مَيں سراپا سوز و سازِ آرزو
اور تيري زندگاني بے گدازِ آرزو

توڑ لينا شاخ سے تجھ کو مرا آئيں نہيں
يہ نظر غير از نگاہِ چشمِ صورت بِيں نہيں

آہ! يہ دستِ جفاجُو اے گلِ رنگيں نہيں
کس طرح تجھ کو يہ سمجھاؤں کہ ميں گُلچيں نہيں

کام مجھ کو ديدہء حکمت کے الجھيڑوں سے کيا
ديدہء بلبل سے ميں کرتا ہوں نظارہ ترا

سو زبانوں پر بھي خاموشي تجھے منظور ہے
راز وہ کيا ہے ترے سينے ميں جو مستور ہے؟

ميري صورت تو بھي اِک برگِ رياضِ طور ہے
ميں چمن سے دُور ہوں، تو بھي چمن سے دُور ہے

مطمئن ہے تو، پريشاں مثِل بُو رہتا ہوں ميں
زخميء شمشيرِ ذوقِ جُستجو رہتا ہوں ميں

يہ پريشاني مري سامانِ جمعيت نہ ہو
يہ جگر سوزي چراغِ خانہء حکمت نہ ہو

ناتواني ہي مري سرمايہء قوت نہ ہو
رشکِ جامِ جم مرا آئنہء حيرت نہ ہو

يہ تلاشِ متصل شمعِ جہاں افروز ہے
توسن اِدراکِ انساں کو خرام آموز ہے​

 

عہد طفلي

عہد طفلي

تھے ديارِ نَو زمين و آسماں ميرے لئے
وُسعتِ آغوشِ مادر اِک جہاں ميرے لئے

تھي ہر اِک جُنبش نشانِ لطفِ جاں ميرے لئے
حرفِ بے مطلب تھي خود ميري زباں ميرے لئے

درد، طفلي ميں اگر کوئي رُلاتا تھا مجھے
شورشِ زنجيرِ در ميں لطف آتا تھا مجھے

تکتے رہنا ہائے! وہ پہروں تلک سوئے قمر
وہ پھٹے بادل ميں بے آوازِ پا اُس کا سفر

پوچھنا رہ رہ کے اُس کے کوہ و صحرا کي خبر
اور وہ حيرت دروغِ مصلحت آميز پر

آنکھ وقفِ ديد تھي، لب مائلِ گفتار تھا
دل نہ تھا ميرا، سراپا ذوقِ استفسار تھا​

 

مرزا غالب

مرزا غالب

فکرِ انساں پر تري ہستي سے يہ روشن ہوا
ہے پرِ مرغِ تخيل کي رسائي تا کجا؟

تھا سراپا روح تو، بزمِ سخن پيکر ترا
زيبِ محفل بھي رہا، محفل سے پنہاں بھي رہا

ديد تيري آنکھ کو اس حسن کي منظور ہے
بن کے سوزِ زندگي ہر شے ميں جو مستور ہے

محفلِ ہستي تري بربط سے ہے سرمايہ دار
جس طرح ندي کے نغموں سے سکوتِ کوہسار

تيرے فردوسِ تخيل سے ہے قدرت کي بہار
تيري کُشتِ فکر سے اُگتے ہيں عالم سبزہ وار

زندگي مضمر ہے تيري شوخيء تحرير ميں
تابِ گويائي سے جنبش ہے لبِ تصوير ميں

نُطق کو سو ناز ہيں تيرے لبِ اعجاز پر
محوِ حيرت ہے ثريا رفعتِ پرواز پر

شاہدِ مضموں تصدق ہے ترے انداز پر
خندہ زن ہے غنچہء دِلّي گلِ شيراز پر

آہ! تو اُجڑي ہوئي دِلّي ميں آراميدہ ہے
گلشن ويمر ميں تيرا ہم نوا خوابيدہ ہے

لُطفِ گويائي ميں تيري ہمسري ممکن نہيں
ہو تخيل کا نہ جب تک فکرِ کامل ہم نشيں

ہائے! اب کيا ہو گئي ہندوستاں کي سرزميں
آہ! اے نظارہ آموزِ نگاہِ نکتہ بِيں

گيسوئے اُردو ابھي منت پذيرِ شانہ ہے
شمع يہ سودائي دل سوزيء پروانہ ہے

اے جہان آباد! اے گہوارہء علم و ہنر!
ہيں سراپا نالہء خاموش تيرے بام و در

ذرے ذرے ميں ترے خوابيدہ ہيں شمں و قمر
يوں تو پوشيدہ ہيں تيري خاک ميں لاکھوں گہر

دفن تجھ ميں کوئي فخرِ روزگار ايسا بھي ہے؟
تجھ ميں پنہاں کوئي موتي آبدار ايسا بھي ہے؟​

 

ابر کوہسار

ابر کوہسار

ہے بلندي سے فلک بوس نشيمن ميرا
ابرِ کہسار ہوں گل پاش ہے دامن ميرا

کبھي صحرا، کبھي گلزار ہے مسکن ميرا
شہر و ويرانہ مرا، بحر مرا، بن ميرا

کسي وادي ميں جو منظور ہو سونا مجھ کو
سبزہء کوہ ہے مخمل کا بچھونا مجھ کو

مجھ کو قدرت نے سکھايا ہے درافشاں ہونا
ناقہء شاہدِ رحمت کا حُدي خواں ہونا

غم زدائے دل افسردہ دہقاں ہونا
رونقِ بزمِ جوانانِ گلستاں ہونا

بن کے گيسو رُخِ ہستي پہ بکھر جاتا ہوں
شانہء موجہء صرصر سے سنور جاتا ہوں

دُور سے ديدہء اُميد کو ترساتا ہوں
کسي بستي سے جو خاموش گزر جاتا ہوں

سير کرتا ہوا جس دم لبِ جُو آتا ہوں
بالياں نہر کو گرداب کي پہناتا ہوں

سبزہء مزرعِ نوخيز کي اميد ہوں ميں
زادہء بحر ہوں پروردہء خورشيد ہوں ميں

چشمہء کوہ کو دي شورشِ قلزم ميں نے
اور پرندوں کو کيا محوِ ترنم ميں نے

سر پہ سبزے کے کھڑے ہو کے کہا قُم ميں نے
غنچہء گل کو ديا ذوق تبسم ميں نے

فيض سے ميرے نمونے ہيں شبستانوں کے
جھونپڑے دامنِ کہسار ميں دہقانوں کے​

 

ايک مکڑا اور مکھي

ايک مکڑا اور مکھي
ماخوذ - بچوں کے ليے

اک دن کسي مکھي سے يہ کہنے لگا مکڑا
اس راہ سے ہوتا ہے گزر روز تمھارا

ليکن مري کٹيا کي نہ جاگي کبھي قسمت
بھولے سے کبھي تم نے يہاں پائوں نہ رکھا

غيروں سے نہ مليے تو کوئي بات نہيں ہے
اپنوں سے مگر چاہيے يوں کھنچ کے نہ رہنا

آئو جو مرے گھر ميں تو عزت ہے يہ ميري
وہ سامنے سيڑھي ہے جو منظور ہو آنا

مکھي نے سني بات جو مکڑے کي تو بولي
حضرت! کسي نادان کو ديجے گا يہ دھوکا

اس جال ميں مکھي کبھي آنے کي نہيں ہے
جو آپ کي سيڑھي پہ چڑھا ، پھر نہيں اترا

مکڑے نے کہا واہ! فريبي مجھے سمجھے
تم سا کوئي نادان زمانے ميں نہ ہو گا

منظور تمھاري مجھے خاطر تھي وگرنہ
کچھ فائدہ اپنا تو مرا اس ميں نہيں تھا

اڑتي ہوئي آئي ہو خدا جانے کہاں سے
ٹھہرو جو مرے گھر ميں تو ہے اس ميں برا کيا!

اس گھر ميں کئي تم کو دکھانے کي ہيں چيزيں
باہر سے نظر آتا ہے چھوٹي سي يہ کٹيا

لٹکے ہوئے دروازوں پہ باريک ہيں پردے
ديواروں کو آئينوں سے ہے ميں نے سجايا

مہمانوں کے آرام کو حاضر ہيں بچھونے
ہر شخص کو ساماں يہ ميسر نہيں ہوتا

مکھي نے کہا خير ، يہ سب ٹھيک ہے ليکن
ميں آپ کے گھر آئوں ، يہ اميد نہ رکھنا

ان نرم بچھونوں سے خدا مجھ کو بچائے
سو جائے کوئي ان پہ تو پھر اٹھ نہيں سکتا

مکڑے نے کہا دل ميں سني بات جو اس کي
پھانسوں اسے کس طرح يہ کم بخت ہے دانا

سو کام خوشامد سے نکلتے ہيں جہاں ميں
ديکھو جسے دنيا ميں خوشامد کا ہے بندا

يہ سوچ کے مکھي سے کہا اس نے بڑي بي !
اللہ نے بخشا ہے بڑا آپ کو رتبا

ہوتي ہے اسے آپ کي صورت سے محبت
ہو جس نے کبھي ايک نظر آپ کو ديکھا

آنکھيں ہيں کہ ہيرے کي چمکتي ہوئي کنياں
سر آپ کا اللہ نے کلغي سے سجايا

يہ حسن ، يہ پوشاک ، يہ خوبي ، يہ صفائي
پھر اس پہ قيامت ہے يہ اڑتے ہوئے گانا

مکھي نے سني جب يہ خوشامد تو پسيجي
بولي کہ نہيں آپ سے مجھ کو کوئي کھٹکا

انکار کي عادت کو سمجھتي ہوں برا ميں
سچ يہ ہے کہ دل توڑنا اچھا نہيں ہوتا

يہ بات کہي اور اڑي اپني جگہ سے
پاس آئي تو مکڑے نے اچھل کر اسے پکڑا

بھوکا تھا کئي روز سے اب ہاتھ جو آئي
آرام سے گھر بيٹھ کے مکھي کو اڑايا​

 

ايک پہاڑ اور گلہري

ايک پہاڑ اور گلہري
(ماخوذ از ايمرسن)
(بچوں کے ليے)

کوئي پہاڑ يہ کہتا تھا اک گلہري سے
تجھے ہو شرم تو پاني ميں جا کے ڈوب مرے

ذرا سي چيز ہے ، اس پر غرور ، کيا کہنا
يہ عقل اور يہ سمجھ ، يہ شعور ، کيا کہنا!

خدا کي شان ہے ناچيز چيز بن بيٹھيں
جو بے شعور ہوں يوں باتميز بن بيٹھيں

تري بساط ہے کيا ميري شان کے آگے
زميں ہے پست مري آن بان کے آگے

جو بات مجھ ميں ہے ، تجھ کو وہ ہے نصيب کہاں
بھلا پہاڑ کہاں جانور غريب کہاں!

کہا يہ سن کے گلہري نے ، منہ سنبھال ذرا
يہ کچي باتيں ہيں دل سے انھيں نکال ذرا

جو ميں بڑي نہيں تيري طرح تو کيا پروا
نہيں ہے تو بھي تو آخر مري طرح چھوٹا

ہر ايک چيز سے پيدا خدا کي قدرت ہے
کوئي بڑا ، کوئي چھوٹا ، يہ اس کي حکمت ہے

بڑا جہان ميں تجھ کو بنا ديا اس نے
مجھے درخت پہ چڑھنا سکھا ديا اس نے

قدم اٹھانے کي طاقت نہيں ذرا تجھ ميں
نري بڑائي ہے ، خوبي ہے اور کيا تجھ ميں

جو تو بڑا ہے تو مجھ سا ہنر دکھا مجھ کو
يہ چھاليا ہي ذرا توڑ کر دکھا مجھ کو

نہيں ہے چيز نکمي کوئي زمانے ميں
کوئي برا نہيں قدرت کے کارخانے ميں​

 

ايک گائے اور بکري

ايک گائے اور بکري
(ماخوذ )
بچوں کے ليے

اک چراگہ ہري بھري تھي کہيں
تھي سراپا بہار جس کي زميں

کيا سماں اس بہار کا ہو بياں
ہر طرف صاف ندياں تھيں رواں

تھے اناروں کے بے شمار درخت
اور پيپل کے سايہ دار درخت

ٹھنڈي ٹھنڈي ہوائيں آتي تھيں
طائروں کي صدائيں آتي تھيں

کسي ندي کے پاس اک بکري
چرتے چرتے کہيں سے آ نکلي

جب ٹھہر کر ادھر ادھر ديکھا
پاس اک گائے کو کھڑے پايا

پہلے جھک کر اسے سلام کيا
پھر سليقے سے يوں کلام کيا

کيوں بڑي بي! مزاج کيسے ہيں
گائے بولي کہ خير اچھے ہيں

کٹ رہي ہے بري بھلي اپني
ہے مصيبت ميں زندگي اپني

جان پر آ بني ہے ، کيا کہيے
اپني قسمت بري ہے ، کيا کہيے

ديکھتي ہوں خدا کي شان کو ميں
رو رہي ہوں بروں کي جان کو ميں

زور چلتا نہيں غريبوں کا
پيش آيا لکھا نصيبوں کا

آدمي سے کوئي بھلا نہ کرے
اس سے پالا پڑے ، خدا نہ کرے

دودھ کم دوں تو بڑبڑاتا ہے
ہوں جو دبلي تو بيچ کھاتا ہے

ہتھکنڈوں سے غلام کرتا ہے
کن فريبوں سے رام کرتا ہے

اس کے بچوں کو پالتي ہوں ميں
دودھ سے جان ڈالتي ہوں ميں

بدلے نيکي کے يہ برائي ہے
ميرے اللہ! تري دہائي ہے

سن کے بکري يہ ماجرا سارا
بولي ، ايسا گلہ نہيں اچھا

بات سچي ہے بے مزا لگتي
ميں کہوں گي مگر خدا لگتي

يہ چراگہ ، يہ ٹھنڈي ٹھنڈي ہوا
يہ ہري گھاس اور يہ سايا

ايسي خوشياں ہميں نصيب کہاں
يہ کہاں ، بے زباں غريب کہاں!

يہ مزے آدمي کے دم سے ہيں
لطف سارے اسي کے دم سے ہيں

اس کے دم سے ہے اپني آبادي
قيد ہم کو بھلي ، کہ آزادي!

سو طرح کا بنوں ميں ہے کھٹکا
واں کي گزران سے بچائے خدا

ہم پہ احسان ہے بڑا اس کا
ہم کو زيبا نہيں گلا اس کا

قدر آرام کي اگر سمجھو
آدمي کا کبھي گلہ نہ کرو

گائے سن کر يہ بات شرمائي
آدمي کے گلے سے پچھتائي

دل ميں پرکھا بھلا برا اس نے
اور کچھ سوچ کر کہا اس نے

يوں تو چھوٹي ہے ذات بکري کي
دل کو لگتي ہے بات بکري کي​

 

بچے کي دعا

بچے کي دعا
(ماخوذ)
بچوں کے ليے

لب پہ آتي ہے دعا بن کے تمنا ميري
زندگي شمع کي صورت ہو خدايا ميري

دور دنيا کا مرے دم سے اندھيرا ہو جائے
ہر جگہ ميرے چمکنے سے اجالا ہو جائے

ہو مرے دم سے يونہي ميرے وطن کي زينت
جس طرح پھول سے ہوتي ہے چمن کي زينت

زندگي ہو مري پروانے کي صورت يا رب
علم کي شمع سے ہو مجھ کو محبت يا رب

ہو مرا کام غريبوں کي حمايت کرنا
دردمندوں سے ضعيفوں سے محبت کرنا

مرے اللہ! برائي سے بچانا مجھ کو
نيک جو راہ ہو اس رہ پہ چلانا مجھ کو​

 

ہمدردي

ہمدردي
(ماخوذ از وليم کو پر)
بچوں کے ليے

ٹہني پہ کسي شجر کي تنہا
بلبل تھا کوئي اداس بيٹھا

کہتا تھا کہ رات سر پہ آئي
اڑنے چگنے ميں دن گزارا

پہنچوں کس طرح آشياں تک
ہر چيز پہ چھا گيا اندھيرا

سن کر بلبل کي آہ و زاري
جگنو کوئي پاس ہي سے بولا

حاضر ہوں مدد کو جان و دل سے
کيڑا ہوں اگرچہ ميں ذرا سا

کيا غم ہے جو رات ہے اندھيري
ميں راہ ميں روشني کروں گا

اللہ نے دي ہے مجھ کو مشعل
چمکا کے مجھے ديا بنايا

ہيں لوگ وہي جہاں ميں اچھے
آتے ہيں جو کام دوسرں کے​

 

ماں کا خواب

ماں کا خواب
(ماخوذ)
بچوں کے ليے

ميں سوئي جو اک شب تو ديکھا يہ خواب
بڑھا اور جس سے مرا اضطراب

يہ ديکھا کہ ميں جا رہي ہوں کہيں
اندھيرا ہے اور راہ ملتي نہيں

لرزتا تھا ڈر سے مرا بال بال
قدم کا تھا دہشت سے اٹھنا محال

جو کچھ حوصلہ پا کے آگے بڑھي
تو ديکھا قطار ايک لڑکوں کي تھي

زمرد سي پوشاک پہنے ہوئے
ديے سب کے ہاتھوں ميں جلتے ہوئے

وہ چپ چاپ تھے آگے پيچھے رواں
خدا جانے جانا تھا ان کو کہاں

اسي سوچ ميں تھي کہ ميرا پسر
مجھے اس جماعت ميں آيا نظر

وہ پيچھے تھا اور تيز چلتا نہ تھا
ديا اس کے ہاتھوں ميں جلتا نہ تھا

کہا ميں نے پہچان کر ، ميري جاں!
مجھے چھوڑ کر آ گئے تم کہاں!

جدائي ميں رہتي ہوں ميں بے قرار
پروتي ہوں ہر روز اشکوں کے ہار

نہ پروا ہماري ذرا تم نے کي
گئے چھوڑ ، اچھي وفا تم نے کي

جو بچے نے ديکھا مرا پيچ و تاب
ديا اس نے منہ پھير کر يوں جواب

رلاتي ہے تجھ کو جدائي مري
نہيں اس ميں کچھ بھي بھلائي مري

يہ کہہ کر وہ کچھ دير تک چپ رہا
ديا پھر دکھا کر يہ کہنے لگا

سمجھتي ہے تو ہو گيا کيا اسے؟
ترے آنسوئوں نے بجھايا اسے​

 

پرندے کي فرياد

پرندے کي فرياد
بچوں کے ليے

آتا ہے ياد مجھ کو گزرا ہوا زمانہ
وہ باغ کي بہاريں وہ سب کا چہچہانا

آزادياں کہاں وہ اب اپنے گھونسلے کي
اپني خوشي سے آنا اپني خوشي سے جانا

لگتي ہے چوٹ دل پر ، آتا ہے ياد جس دم
شبنم کے آنسوئوں پر کليوں کا مسکرانا

وہ پياري پياري صورت ، وہ کامني سي مورت
آباد جس کے دم سے تھا ميرا آشيانا

آتي نہيں صدائيں اس کي مرے قفس ميں
ہوتي مري رہائي اے کاش ميرے بس ميں!

کيا بد نصيب ہوں ميں گھر کو ترس رہا ہوں
ساتھي تو ہيں وطن ميں ، ميں قيد ميں پڑا ہوں

آئي بہار کلياں پھولوں کي ہنس رہي ہيں
ميں اس اندھيرے گھر ميں قسمت کو رو رہا ہوں

اس قيد کا الہي! دکھڑا کسے سنائوں
ڈر ہے يہيں قفسں ميں ميں غم سے مر نہ جاؤں

جب سے چمن چھٹا ہے ، يہ حال ہو گيا ہے
دل غم کو کھا رہا ہے ، غم دل کو کھا رہا ہے

گانا اسے سمجھ کر خوش ہوں نہ سننے والے
دکھے ہوئے دلوں کي فرياد يہ صدا ہے

آزاد مجھ کو کر دے ، او قيد کرنے والے!
ميں بے زباں ہوں قيدي ، تو چھوڑ کر دعا لے​

 

خفتگان خاک سے استفسار

خفتگان خاک سے استفسار

مہر روشن چھپ گيا ، اٹھي نقاب روئے شام
شانہ ہستي پہ ہے بکھرا ہوا گيسوئے شام

يہ سيہ پوشي کي تياري کس کے غم ميں ہے
محفل قدرت مگر خورشيد کے ماتم ميں ہے

کر رہا ہے آسماں جادو لب گفتار پر
ساحر شب کي نظر ہے ديدہ بيدار پر

غوطہ زن درياے خاموشي ميں ہے موج ہوا
ہاں، مگر اک دور سے آتي ہے آواز درا

دل کہ ہے بے تابي الفت ميں دنيا سے نفور
کھنچ لايا ہے مجھے ہنگامہ عالم سے دور

منظر حرماں نصيبي کا تماشائي ہوں ميں
ہم نشين خفتگان کنج تنہائي ہوں ميں

تھم ذرا بے تابي دل! بيٹھ جانے دے مجھے
اور اس بستي پہ چار آ نسو گرانے دے مجھے

اے مے غفلت کے سر مستو ، کہاں رہتے ہو تم
کچھ کہو اس ديس کي آ خر ، جہاں رہتے ہو تم

وہ بھي حيرت خانہ امروز و فردا ہے کوئي؟
اور پيکار عناصر کا تماشا ہے کوئي؟

آدمي واں بھي حصار غم ميں ہے محصور کيا؟
اس ولايت ميں بھي ہے انساں کا دل مجبور کيا؟

واں بھي جل مرتا ہے سوز شمع پر پروانہ کيا؟
اس چمن ميں بھي گل و بلبل کا ہے افسانہ کيا؟

ياں تو اک مصرع ميں پہلو سے نکل جاتا ہے دل
شعر کي گر مي سے کيا واں بھي پگل جاتاہے دل؟

رشتہ و پيوند ياں کے جان کا آزار ہيں
اس گلستاں ميں بھي کيا ايسے نکيلے خار ہيں؟

اس جہاں ميں اک معيشت اور سو افتاد ہے
روح کيا اس ديس ميں اس فکر سے آزاد ہے؟

کيا وہاں بجلي بھي ہے ، دہقاں بھي ہے ، خرمن بھي ہے؟
قافلے والے بھي ہيں ، انديشہ رہزن بھي ہے؟

تنکے چنتے ہيں و ہاں بھي آ شياں کے واسطے؟
خشت و گل کي فکر ہوتي ہے مکاں کے واسطے؟

واں بھي انساں اپني اصليت سے بيگانے ہيں کيا؟
امتياز ملت و آئيں کے ديوانے ہيں کيا؟

واں بھي کيا فرياد بلبل پر چمن روتا نہيں؟
اس جہاں کي طرح واں بھي درد دل ہوتا نہيں؟

باغ ہے فردوس يا اک منزل آرام ہے؟
يا رخ بے پردہ حسن ازل کا نام ہے؟

کيا جہنم معصيت سوزي کي اک ترکيب ہے؟
آگ کے شعلوں ميں پنہاں مقصد تاويب ہے؟

کيا عوض رفتار کے اس ديس ميں پرواز ہے؟
موت کہتے ہيں جسے اہل زميں ، کيا راز ہے ؟

اضطراب دل کا ساماں ياں کي ہست و بود ہے
علم انساں اس ولايت ميں بھي کيا محدود ہے؟

ديد سے تسکين پاتا ہے دل مہجور بھي؟
'لن تراني' کہہ رہے ہيں يا وہاں کے طور بھي؟

جستجو ميں ہے وہاں بھي روح کو آرام کيا؟
واں بھي انساں ہے قتيل ذوق استفہام کيا؟

آہ! وہ کشور بھي تاريکي سے کيا معمور ہے؟
يا محبت کي تجلي سے سراپا نور ہے؟

تم بتا دو راز جو اس گنبد گرداں ميں ہے
موت اک چبھتا ہوا کانٹا دل انساں ميں ہے​

 

شمع و پروانہ

شمع و پروانہ

پروانہ تجھ سے کرتا ہے اے شمع پيار کيوں
يہ جان بے قرار ہے تجھ پر نثار کيوں

سيماب وار رکھتي ہے تيري ادا اسے
آداب عشق تو نے سکھائے ہيں کيا اسے؟

کرتا ہے يہ طواف تري جلوہ گاہ کا
پھونکا ہوا ہے کيا تري برق نگاہ کا؟

آزار موت ميں اسے آرام جاں ہے کيا؟
شعلے ميں تيرے زندگي جاوداں ہے کيا؟

غم خانہ جہاں ميں جو تيري ضيا نہ ہو
اس تفتہ دل کا نخل تمنا ہرا نہ ہو

گرنا ترے حضور ميں اس کي نماز ہے
ننھے سے دل ميں لذت سوز و گداز ہے

کچھ اس ميں جوش عاشق حسن قديم ہے
چھوٹا سا طور تو يہ ذرا سا کليم ہے

پروانہ ، اور ذوق تماشائے روشني
کيڑا ذرا سا، اور تمنائے روشني!​

 

عقل و دل

عقل و دل

عقل نے ايک دن يہ دل سے کہا
بھولے بھٹکے کي رہنما ہوں ميں

ہوں زميں پر ، گزر فلک پہ مرا
ديکھ تو کس قدر رسا ہوں ميں

کام دنيا ميں رہبري ہے مرا
مثل خضر خجستہ پا ہوں ميں

ہوں مفسر کتاب ہستي کي
مظہر شان کبريا ہوں ميں

بوند اک خون کي ہے تو ليکن
غيرت لعل بے بہا ہوں ميں

دل نے سن کر کہا يہ سب سچ ہے
پر مجھے بھي تو ديکھ ، کيا ہوں ميں

راز ہستي کو تو سمجھتي ہے
اور آنکھوں سے ديکھتا ہوں ميں

ہے تجھے واسطہ مظاہر سے
اور باطن سے آشنا ہوں ميں

علم تجھ سے تو معرفت مجھ سے
تو خدا جو ، خدا نما ہوں ميں

علم کي انتہا ہے بے تابي
اس مرض کي مگر دوا ہوں ميں

شمع تو محفل صداقت کي
حسن کي بزم کا ديا ہوں ميں

تو زمان و مکاں سے رشتہ بپا
طائر سدرہ آشنا ہوں ميں

کس بلندي پہ ہے مقام مرا
عرش رب جليل کا ہوں ميں!​

 

صدائے درد

صدائے درد

جل رہا ہوں کل نہيں پڑتي کسي پہلو مجھے
ہاں ڈبو دے اے محيط آب گنگا تو مجھے

سرزميں اپني قيامت کي نفاق انگيز ہے
وصل کيسا ، ياں تو اک قرب فراق انگيز ہے

بدلے يک رنگي کے يہ نا آشنائي ہے غضب
ايک ہي خرمن کے دانوں ميں جدائي ہے غضب

جس کے پھولوں ميں اخوت کي ہوا آئي نہيں
اس چمن ميں کوئي لطف نغمہ پيرائي نہيں

لذت قرب حقيقي پر مٹا جاتا ہوں ميں
اختلاط موجہ و ساحل سے گھبراتا ہوں ميں

دانہ خرمن نما ہے شاعر معجز بياں
ہو نہ خرمن ہي تو اس دانے کي ہستي پھر کہاں

حسن ہو کيا خود نما جب کوئي مائل ہي نہ ہو
شمع کو جلنے سے کيا مطلب جو محفل ہي نہ ہو

ذوق گويائي خموشي سے بدلتا کيوں نہيں
ميرے آئينے سے يہ جوہر نکلتا کيوں نہيں

کب زباں کھولي ہماري لذت گفتار نے!
پھونک ڈالا جب چمن کو آتش پيکارن​

 

آفتاب

آفتاب
(ترجمہ گايتري)

اے آفتاب! روح و روان جہاں ہے تو
شيرازہ بند دفتر کون و مکاں ہے تو

باعث ہے تو وجود و عدم کي نمود کا
ہے سبز تيرے دم سے چمن ہست و بود کا

قائم يہ عنصروں کا تماشا تجھي سے ہے
ہر شے ميں زندگي کا تقاضا تجھي سے ہے

ہر شے کو تيري جلوہ گري سے ثبات ہے
تيرا يہ سوز و ساز سراپا حيات ہے

وہ آفتاب جس سے زمانے ميں نور ہے
دل ہے، خرد ہے، روح رواں ہے، شعور ہے

اے آفتاب، ہم کو ضيائے شعور دے
چشم خرد کو اپني تجلي سے نور دے

ہے محفل وجود کا ساماں طراز تو
يزدان ساکنان نشيب و فراز تو

تيرا کمال ہستي ہر جاندار ميں
تيري نمود سلسلہ کوہسار ميں

ہر چيز کي حيات کا پروردگار تو
زائيدگان نور کا ہے تاجدار تو

نے ابتدا کوئي نہ کوئي انتہا تري
آزاد قيد اول و آخر ضيا تري​

 

شمع

شمع

بزم جہاں ميں ميں بھي ہوں اے شمع! دردمند
فرياد در گرہ صفت دانہ سپند

دي عشق نے حرارت سوز دروں تجھے
اور گل فروش اشک شفق گوں کيا مجھے

ہو شمع بزم عيش کہ شمع مزار تو
ہر حال اشک غم سے رہي ہمکنار تو

يک بيں تري نظر صفت عاشقان راز
ميري نگاہ مايہ آشوب امتياز

کعبے ميں، بت کدے ميں ہے يکساں تري ضيا
ميں امتياز دير و حرم ميں پھنسا ہوا

ہے شان آہ کي ترے دود سياہ ميں
پوشيدہ کوئي دل ہے تري جلوہ گاہ ميں؟

جلتي ہے تو کہ برق تجلي سے دور ہے
بے درد تيرے سوز کو سمجھے کہ نور ہے

تو جل رہي ہے اور تجھے کچھ خبر نہيں
بينا ہے اور سوز دروں پر نظر نہيں

ميں جوش اضطراب سے سيماب وار بھي
آگاہ اضطراب دل بے قرار بھي

تھا يہ بھي کوئي ناز کسي بے نياز کا
احساس دے ديا مجھے اپنے گداز کا

يہ آگہي مري مجھے رکھتي ہے بے قرار
خوابيدہ اس شرر ميں ہيں آتش کدے ہزار

يہ امتياز رفعت و پستي اسي سے ہے
گل ميں مہک ، شراب ميں مستي اسي سے ہے

بستان و بلبل و گل و بو ہے يہ آگہي
اصل کشاکش من و تو ہے يہ آگہي

صبح ازل جو حسن ہوا دلستان عشق
آواز 'کن' ہوئي تپش آموز جان عشق

يہ حکم تھا کہ گلشن 'کن' کي بہار ديکھ
ايک آنکھ لے کے خواب پريشاں ہزار ديکھ

مجھ سے خبر نہ پوچھ حجاب وجود کي
شام فراق صبح تھي ميري نمود کي

وہ دن گئے کہ قيد سے ميں آشنا نہ تھا
زيب درخت طور مرا آشيانہ تھا

قيدي ہوں اور قفس کو چمن جانتا ہوں ميں
غربت کے غم کدے کو وطن جانتا ہوں ميں

ياد دطن فسردگي بے سبب بني
شوق نظر کبھي، کبھي ذوق طلب بني

اے شمع! انتہائے فريب خيال ديکھ
مسجود ساکنان فلک کا مآل ديکھ

مضموں فراق کا ہوں، ثريا نشاں ہوں ميں
آہنگ طبع ناظم کون و مکاں ہوں ميں

باندھا مجھے جو اس نے تو چاہي مري نمود
تحرير کر ديا سر ديوان ہست و بود

گوہر کو مشت خاک ميں رہنا پسند ہے
بندش اگرچہ سست ہے، مضموں بلند ہے

چشم غلط نگر کا يہ سارا قصور ہے
عالم ظہور جلوہ ذوق شعور ہے

يہ سلسلہ زمان و مکاں کا ، کمند ہے
طوق گلوئے حسن تماشا پسند ہے

منزل کا اشتياق ہے، گم کردہ راہ ہوں
اے شمع! ميں اسير فريب نگاہ ہوں

صياد آپ، حلقہ دام ستم بھي آپ
بام حرم بھي، طائر بام حرم بھي آپ!

ميں حسن ہوں کہ عشق سراپا گداز ہوں
کھلتا نہيں کہ ناز ہوں ميں يا نياز ہوں

ہاں، آشنائے لب ہو نہ راز کہن کہيں
پھر چھڑ نہ جائے قصہ دار و رسن کہيں​

 

ايک آرزو

ايک آرزو

دنيا کي محفلوں سے اکتا گيا ہوں يا رب
کيا لطف انجمن کا جب دل ہي بجھ گيا ہو

شورش سے بھاگتا ہوں ، دل ڈھونڈتا ہے ميرا
ايسا سکوت جس پر تقرير بھي فدا ہو

مرتا ہوں خامشي پر ، يہ آرزو ہے ميري
دامن ميں کوہ کے اک چھوٹا سا جھونپڑا ہو

آزاد فکر سے ہوں ، عزلت ميں دن گزاروں
دنيا کے غم کا دل سے کانٹا نکل گيا ہو

لذت سرود کي ہو چڑيوں کے چہچہوں ميں
چشمے کي شورشوں ميں باجا سا بج رہا ہو

گل کي کلي چٹک کر پيغام دے کسي کا
ساغر ذرا سا گويا مجھ کو جہاں نما ہو

ہو ہاتھ کا سرھانا سبزے کا ہو بچھونا
شرمائے جس سے جلوت ، خلوت ميں وہ ادا ہو

مانوس اس قدر ہو صورت سے ميري بلبل
ننھے سے دل ميں اس کے کھٹکا نہ کچھ مرا ہو

صف باندھے دونوں جانب بوٹے ہرے ہرے ہوں
ندي کا صاف پاني تصوير لے رہا ہو

ہو دل فريب ايسا کہسار کا نظارہ
پاني بھي موج بن کر اٹھ اٹھ کے ديکھتا ہو

آغوش ميں زميں کي سويا ہوا ہو سبزہ
پھر پھر کے جھاڑيوں ميں پاني چمک رہا ہو

پاني کو چھو رہي ہو جھک جھک کے گل کي ٹہني
جيسے حسين کوئي آئينہ ديکھتا ہو

مہندي لگائے سورج جب شام کي دلھن کو
سرخي ليے سنہري ہر پھول کي قبا ہو

راتوں کو چلنے والے رہ جائيں تھک کے جس دم
اميد ان کي ميرا ٹوٹا ہوا ديا ہو

بجلي چمک کے ان کو کٹيا مري دکھا دے
جب آسماں پہ ہر سو بادل گھرا ہوا ہو

پچھلے پہر کي کوئل ، وہ صبح کي مؤذن
ميں اس کا ہم نوا ہوں ، وہ ميري ہم نوا ہو

کانوں پہ ہو نہ ميرے دير وحرم کا احساں
روزن ہي جھونپڑي کا مجھ کو سحر نما ہو

پھولوں کو آئے جس دم شبنم وضو کرانے
رونا مرا وضو ہو، نالہ مري دعا ہو

اس خامشي ميں جائيں اتنے بلند نالے
تاروں کے قافلے کو ميري صدا درا ہو

ہر دردمند دل کو رونا مرا رلا دے
بے ہوش جو پڑے ہيں، شايد انھيں جگا دے​

 

آفتاب صبح

آفتاب صبح

شورش ميخانہ انساں سے بالاتر ہے تو
زينت بزم فلک ہو جس سے وہ ساغر ہے تو

ہو در گوش عروس صبح وہ گوہر ہے تو
جس پہ سيمائے افق نازاں ہو وہ زيور ہے تو

صفحہ ايام سے داغ مداد شب مٹا
آسماں سے نقش باطل کي طرح کوکب مٹا

حسن تيرا جب ہوا بام فلک سے جلوہ گر
آنکھ سے اڑتا ہے يک دم خواب کي مے کا اثر

نور سے معمور ہو جاتا ہے دامان نظر
کھولتي ہے چشم ظاہر کو ضيا تيري مگر

ڈھونڈتي ہيں جس کو آنکھيں وہ تماشا چاہيے
چشم باطن جس سے کھل جائے وہ جلوا چاہيے

شوق آزادي کے دنيا ميں نہ نکلے حوصلے
زندگي بھر قيد زنجير تعلق ميں رہے

زير و بالا ايک ہيں تيري نگاہوں کے ليے
آرزو ہے کچھ اسي چشم تماشا کي مجھے

آنکھ ميري اور کے غم ميں سرشک آباد ہو
امتياز ملت و آئيں سے دل آزاد ہو

بستہ رنگ خصوصيت نہ ہو ميري زباں
نوع انساں قوم ہو ميري ، وطن ميرا جہاں

ديدہ باطن پہ راز نظم قدرت ہو عياں
ہو شناسائے فلک شمع تخيل کا دھواں

عقدہ اضداد کي کاوش نہ تڑپائے مجھے
حسن عشق انگيز ہر شے ميں نظر آئے مجھے

صدمہ آ جائے ہوا سے گل کي پتي کو اگر
اشک بن کر ميري آنکھوں سے ٹپک جائے اثر

دل ميں ہو سوز محبت کا وہ چھوٹا سا شرر
نور سے جس کے ملے راز حقيقت کي خبر

شاہد قدرت کا آئينہ ہو ، دل ميرا نہ ہو
سر ميں جز ہمدردي انساں کوئي سودا نہ ہو

تو اگر زحمت کش ہنگامہ عالم نہيں
يہ فضيلت کا نشاں اے نير اعظم نہيں

اپنے حسن عالم آرا سے جو تو محرم نہيں
ہمسر يک ذرہ خاک در آدم نہيں

نور مسجود ملک گرم تماشا ہي رہا
اور تو منت پذير صبح فردا ہي رہا

آرزو نور حقيقت کي ہمارے دل ميں ہے
ليلي ذوق طلب کا گھر اسي محمل ميں ہے

کس قدر لذت کشود عقدہ مشکل ميں ہے
لطف صد حاصل ہماري سعي بے حاصل ميں ہے

درد استفہام سے واقف ترا پہلو نہيں
جستجوئے راز قدرت کا شناسا تو نہيں​

 

درد عشق

درد عشق

اے درد عشق! ہے گہر آب دار تو
نامحرموں ميں ديکھ نہ ہو آشکار تو

پنہاں تہ نقاب تري جلوہ گاہ ہے
ظاہر پرست محفل نو کي نگاہ ہے

آئي نئي ہوا چمن ہست و بود ميں
اے درد عشق! اب نہيں لذت نمود ميں

ہاں خود نمائيوں کي تجھے جستجو نہ ہو
منت پذير نالہء بلبل کا تو نہ ہو!

خالي شراب عشق سے لالے کا جام ہو
پاني کي بوند گريہء شبنم کا نام ہو

پنہاں درون سينہ کہيں راز ہو ترا
اشک جگر گداز نہ غماز ہو ترا

گويا زبان شاعر رنگيں بياں نہ ہو
آواز نے ميں شکوہ فرقت نہاں نہ ہو

يہ دور نکتہ چيں ہے ، کہيں چھپ کے بيٹھ رہ
جس دل ميں تو مکيں ہے، وہيں چھپ کے بيٹھ رہ

غافل ہے تجھ سے حيرت علم آفريدہ ديکھ!
جويا نہيں تري نگہ نارسيدہ ديکھ

رہنے دے جستجو ميں خيال بلند کو
حيرت ميں چھوڑ ديدہء حکمت پسند کو

جس کي بہار تو ہو يہ ايسا چمن نہيں
قابل تري نمود کے يہ انجمن نہيں

يہ انجمن ہے کشتہء نظارہء مجاز
مقصد تري نگاہ کا خلوت سرائے راز

ہر دل مے خيال کي مستي سے چور ہے
کچھ اور آجکل کے کليموں کا طور ہے​

 

گل پژمردہ

گل پژمردہ

کس زباں سے اے گل پژمردہ تجھ کو گل کہوں
کس طرح تجھ کو تمنائے دل بلبل کہوں

تھي کبھي موج صبا گہوارہء جنباں ترا
نام تھا صحن گلستاں ميں گل خنداں ترا

تيرے احساں کا نسيم صبح کو اقرار تھا
باغ تيرے دم سے گويا طبلہء عطار تھا

تجھ پہ برساتا ہے شبنم ديدہء گرياں مرا
ہے نہاں تيري اداسي ميں دل ويراں مرا

ميري بربادي کي ہے چھوٹي سي اک تصوير تو
خوا ب ميري زندگي تھي جس کي ہے تعبير تو

ہمچو نے از نيستان خود حکايت مي کنم
بشنو اے گل! از جدائي ہا شکايت مي کنم​

 

سيدکي لوح تربت

سيدکي لوح تربت

اے کہ تيرا مرغ جاں تار نفس ميں ہے اسير
اے کہ تيري روح کا طائر قفس ميں ہے اسير

اس چمن کے نغمہ پيرائوں کي آزادي تو ديکھ
شہر جو اجڑا ہوا تھا اس کي آبادي تو ديکھ

فکر رہتي تھي مجھے جس کي وہ محفل ہے يہي
صبر و استقلال کي کھيتي کا حاصل ہے يہي

سنگ تربت ہے مرا گرويدہ تقرير ديکھ
چشم باطن سے ذرا اس لوح کي تحرير ديکھ

مدعا تيرا اگر دنيا ميں ہے تعليم ديں
ترک دنيا قوم کو اپني نہ سکھلانا کہيں

وا نہ کرنا فرقہ بندي کے ليے اپني زباں
چھپ کے ہے بيٹھا ہوا ہنگامہ محشر يہاں

وصل کے اسباب پيدا ہوں تري تحرير سے
ديکھ کوئي دل نہ دکھ جائے تري تقرير سے

محفل نو ميں پراني داستانوں کو نہ چھيڑ
رنگ پر جو اب نہ آئيں ان فسانوں کو نہ چھيڑ

تو اگر کوئي مدبر ہے تو سن ميري صدا
ہے دليري دست ارباب سياست کا عصا

عرض مطلب سے جھجک جانا نہيں زيبا تجھے
نيک ہے نيت اگر تيري تو کيا پروا تجھے

بندہ مومن کا دل بيم و ريا سے پاک ہے
قوت فرماں روا کے سامنے بے باک ہے

ہو اگر ہاتھوں ميں تيرے خامہء معجز رقم
شيشہ دل ہو اگر تيرا مثال جام جم

پاک رکھ اپني زباں ، تلميذ رحماني ہے تو
ہو نہ جائے ديکھنا تيري صدا بے آبرو!

سونے والوں کو جگا دے شعر کے اعجاز سے
خرمن باطل جلا دے شعلہ آواز سے​

 

ماہ نو

ماہ نو

ٹوٹ کر خورشيد کي کشتي ہوئي غرقاب نيل
ايک ٹکڑا تيرتا پھرتا ہے روئے آب نيل

طشت گردوں ميں ٹپکتا ہے شفق کا خون ناب
نشتر قدرت نے کيا کھولي ہے فصد آفتاب

چرخ نے بالي چرا لي ہے عروس شام کي
نيل کے پاني ميں يا مچھلي ہے سيم خام کي

قافلہ تيرا رواں بے منت بانگ درا
گوش انساں سن نہيں سکتا تري آواز پا

گھٹنے بڑھنے کا سماں آنکھوں کو دکھلاتا ہے تو
ہے وطن تيرا کدھر ، کس ديس کو جاتا ہے تو

ساتھ اے سيارہء ثابت نما لے چل مجھے
خار حسرت کي خلش رکھتي ہے اب بے کل مجھے

نور کا طالب ہوں ، گھبراتا ہوں اس بستي ميں ميں
طفلک سيماب پا ہوں مکتب ہستي ميں ميں​

 

انسان اور بزم قدرت

انسان اور بزم قدرت

صبح خورشيد درخشاں کو جو ديکھا ميں نے
بزم معمورہ ہستي سے يہ پوچھا ميں نے

پر تو مہر کے دم سے ہے اجالا تيرا
سيم سيال ہے پاني ترے دريائوں کا

مہر نے نور کا زيور تجھے پہنايا ہے
تيري محفل کو اسي شمع نے چمکايا ہے

گل و گلزار ترے خلد کي تصويريں ہيں
يہ سبھي سورہء 'والشمس' کي تفسيريں ہيں

سرخ پوشاک ہے پھولوں کي ، درختوں کي ہري
تيري محفل ميں کوئي سبز ، کوئي لال پري

ہے ترے خيمہء گردوں کي طلائي جھالر
بدلياں لال سي آتي ہيں افق پر جو نظر

کيا بھلي لگتي ہے آنکھوں کو شفق کي لالي
مے گلرنگ خم شام ميں تو نے ڈالي

رتبہ تيرا ہے بڑا ، شان بڑي ہے تيري
پردہ نور ميں مستور ہے ہر شے تيري

صبح اک گيت سراپا ہے تري سطوت کا
زير خورشيد نشاں تک بھي نہيں ظلمت کا

ميں بھي آباد ہوں اس نور کي بستي ميں مگر
جل گيا پھر مري تقدير کا اختر کيونکر؟

نور سے دور ہوں ظلمت ميں گرفتار ہوں ميں
کيوں سيہ روز ، سيہ بخت ، سيہ کار ہوں ميں؟

ميں يہ کہتا تھا کہ آواز کہيں سے آئي
بام گردوں سے وہ يا صحن زميں سے آئي

ہے ترے نور سے وابستہ مري بود و نبود
باغباں ہے تري ہستي پے گلزار وجود

انجمن حسن کي ہے تو ، تري تصوير ہوں ميں
عشق کا تو ہے صحيفہ ، تري تفسير ہوں ميں

ميرے بگڑے ہوئے کاموں کو بنايا تو نے
بار جو مجھ سے نہ اٹھا وہ اٹھايا تو نے

نور خورشيد کي محتاج ہے ہستي ميري
اور بے منت خورشيد چمک ہے تري

ہو نہ خورشيد تو ويراں ہو گلستاں ميرا
منزل عيش کي جا نام ہو زنداں ميرا

آہ اے راز عياں کے نہ سمجھے والے!
حلقہ، دام تمنا ميں الجھنے والے

ہائے غفلت کہ تري آنکھ ہے پابند مجاز
ناز زيبا تھا تجھے ، تو ہے مگر گرم نياز

تو اگر اپني حقيقت سے خبردار رہے
نہ سيہ روز رہے پھر نہ سيہ کار رہے​

 

پيام صبح

پيام صبح
(ماخوذ از لانگ فيلو)

اجالا جب ہوا رخصت جبين شب کي افشاں کا
نسيم زندگي پيغام لائي صبح خنداں کا

جگايا بلبل رنگيں نوا کو آشيانے ميں
کنارے کھيت کے شانہ ہلايا اس نے دہقاں کا

طلسم ظلمت شب سورہء والنور سے توڑا
اندھيرے ميں اڑايا تاج زر شمع شبستاں کا

پڑھا خوابيدگان دير پر افسون بيداري
برہمن کو ديا پيغام خورشيد درخشاں کا

ہوئي بام حرم پر آ کے يوں گويا مؤذن سے
نہيں کھٹکا ترے دل ميں نمود مہر تاباں کا؟

پکاري اس طرح ديوار گلشن پر کھڑے ہو کر
چٹک او غنچہ گل! تو مؤذن ہے گلستاں کا

ديا يہ حکم صحرا ميں چلو اے قافلے والو!
چمکنے کو ہے جگنو بن کے ہر ذرہ بياباں کا

سوئے گور غريباں جب گئي زندوں کي بستي سے
تو يوں بولي نظارا ديکھ کر شہر خموشاں کا

ابھي آرام سے ليٹے رہو ، ميں پھر بھي آئوں گي
سلادوں گي جہاں کو خواب سے تم کو جگاؤں گي​

 

عشق اور موت

عشق اور موت
(ماخوذ از ٹيني سن)

سہاني نمود جہاں کي گھڑي تھي
تبسم فشاں زندگي کي کلي تھي

کہيں مہر کو تاج زر مل رہا تھا
عطا چاند کو چاندني ہو رہي تھي

سيہ پيرہن شام کو دے رہے تھے
ستاروں کو تعليم تابندگي تھي

کہيں شاخ ہستي کو لگتے تھے پتے
کہيں زندگي کي کلي پھوٹتي تھي

فرشتے سکھاتے تھے شبنم کو رونا
ہنسي گل کو پہلے پہل آ رہي تھي

عطا درد ہوتا تھا شاعر کے دل کو
خودي تشنہ کام مے بے خودي تھي

اٹھي اول اول گھٹا کالي کالي
کوئي حور چوٹي کو کھولے کھڑي تھي

زميں کو تھا دعوي کہ ميں آسماں ہوں
مکاں کہہ رہا تھا کہ ميں لا مکاں ہوں

غرض اس قدر يہ نظارہ تھا پيارا
کہ نظارگي ہو سراپا نظارا

ملک آزماتے تھے پرواز اپني
جبينوں سے نور ازل آشکارا

فرشتہ تھا اک ، عشق تھا نام جس کا
کہ تھي رہبري اس کي سب کا سہارا

فرشتہ کہ پتلا تھا بے تابيوں کا
ملک کا ملک اور پارے کا پارا

پے سير فردوس کو جا رہا تھا
قضا سے ملا راہ ميں وہ قضا را

يہ پوچھا ترا نام کيا ، کام کيا ہے
نہيں آنکھ کو ديد تيري گوارا

ہوا سن کے گويا قضا کا فرشتہ
اجل ہوں ، مرا کام ہے آشکارا

اڑاتي ہوں ميں رخت ہستي کے پرزے
بجھاتي ہوں ميں زندگي کا شرارا

مري آنکھ ميں جادوئے نيستي ہے
پيام فنا ہے اسي کا اشارا

مگر ايک ہستي ہے دنيا ميں ايسي
وہ آتش ہے ميں سامنے اس کے پارا

شرر بن کے رہتي ہے انساں کے دل ميں
وہ ہے نور مطلق کي آنکھوں کا تارا

ٹپکتي ہے آنکھوں سے بن بن کے آنسو
وہ آنسو کہ ہو جن کي تلخي گوارا

سني عشق نے گفتگو جب قضا کي
ہنسي اس کے لب پر ہوئي آشکارا

گري اس تبسم کي بجلي اجل پر
اندھيرے کا ہو نور ميں کيا گزارا!

بقا کو جو ديکھا فنا ہو گئي وہ
قضا تھي شکار قضا ہو گئي وہ​

 

زہد اور رندي

زہد اور رندي

اک مولوي صاحب کي سناتا ہوں کہاني
تيزي نہيں منظور طبيعت کي دکھاني

شہرہ تھا بہت آپ کي صوفي منشي کا
کرتے تھے ادب ان کا اعالي و اداني

کہتے تھے کہ پنہاں ہے تصوف ميں شريعت
جس طرح کہ الفاظ ميں مضمر ہوں معاني

لبريز مےء زہد سے تھي دل کي صراحي
تھي تہ ميں کہيں درد خيال ہمہ داني

کرتے تھے بياں آپ کرامات کا اپني
منظور تھي تعداد مريدوں کي بڑھاني

مدت سے رہا کرتے تھے ہمسائے ميں ميرے
تھي رند سے زاہد کي ملاقات پراني

حضرت نے مرے ايک شناسا سے يہ پوچھا
اقبال، کہ ہے قمري شمشاد معاني

پابندي احکام شريعت ميں ہے کيسا؟
گو شعر ميں ہے رشک کليم ہمداني

سنتا ہوں کہ کافر نہيں ہندو کو سمجھتا
ہے ايسا عقيدہ اثر فلسفہ داني

ہے اس کي طبيعت ميں تشيع بھي ذرا سا
تفضيل علي ہم نے سني اس کي زباني

سمجھا ہے کہ ہے راگ عبادات ميں داخل
مقصود ہے مذہب کي مگر خاک اڑاني

کچھ عار اسے حسن فروشوں سے نہيں ہے
عادت يہ ہمارے شعرا کي ہے پراني

گانا جو ہے شب کو تو سحر کو ہے تلاوت
اس رمز کے اب تک نہ کھلے ہم پہ معاني

ليکن يہ سنا اپنے مريدوں سے ہے ميں نے
بے داغ ہے مانند سحر اس کي جواني

مجموعہ اضداد ہے ، اقبال نہيں ہے
دل دفتر حکمت ہے ، طبيعت خفقاني

رندي سے بھي آگاہ شريعت سے بھي واقف
پوچھو جو تصوف کي تو منصور کا ثاني

اس شخص کي ہم پر تو حقيقت نہيں کھلتي
ہو گا يہ کسي اور ہي اسلام کا باني

القصہ بہت طول ديا وعظ کو اپنے
تا دير رہي آپ کي يہ نغز بياني

اس شہر ميں جو بات ہو اڑ جاتي ہے سب ميں
ميں نے بھي سني اپنے احبا کي زباني

اک دن جو سر راہ ملے حضرت زاہد
پھر چھڑ گئي باتوں ميں وہي بات پراني

فرمايا، شکايت وہ محبت کے سبب تھي
تھا فرض مرا راہ شريعت کي دکھاني

ميں نے يہ کہا کوئي گلہ مجھ کو نہيں ہے
يہ آپ کا حق تھا ز رہ قرب مکاني

خم ہے سر تسليم مرا آپ کے آگے
پيري ہے تواضع کے سبب ميري جواني

گر آپ کو معلوم نہيں ميري حقيقت
پيدا نہيں کچھ اس سے قصور ہمہ داني

ميں خود بھي نہيں اپني حقيقت کا شناسا
گہرا ہے مرے بحر خيالات کا پاني

مجھ کو بھي تمنا ہے کہ 'اقبال' کو ديکھوں
کي اس کي جدائي ميں بہت اشک فشاني

اقبال بھي 'اقبال' سے آگاہ نہيں ہے
کچھ اس ميں تمسخر نہيں، واللہ نہيں ہے​

 

شاعر

شاعر

قوم گويا جسم ہے ، افراد ہيں اعضائے قوم
منزل صنعت کے رہ پيما ہيں دست و پائے قوم

محفل نظم حکومت ، چہرہء زيبائے قوم
شاعر رنگيں نوا ہے ديدہ بينائے قوم

مبتلائے درد کوئي عضو ہو روتي ہے آنکھ
کس قدر ہمدرد سارے جسم کي ہوتي ہے آنکھ​