آپکے پسندیدہ اشعار

Re: ہماری پسند

زہرہ جی اور نعیم جی ۔ دونوں کا انتخاب بہت اچھا ہے۔

 

Re: ہماری پسند

کبھی زندگی سے گلہ کر کے روئے
کبھی موت کی ھم دعا کر کے روئے
عجب سلسلہ ھے نماز محبت کا
قضا کر کے بھی روئے، ادا کر کے بھی روئے

 

Re: ہماری پسند

آنسو

جب سچا سُچا خونِ جگر آنکھوں‌کی طرف بڑھ آتا ہے
یہ لوگ سیانے کہتے ہیں تب اک آنسو بن پاتا ہے
یہ آنکھ میں بس اک قطرہ نہیں یہ صدف میں گویا گوہر ہے
کتنا ناداں انساں ہے رضا ، بے وجہ موتی لٹا تا ہے​

 

Re: ہماری پسند

واہ کیا بات ھے !‌ !

 

Re: ہماری پسند

شکریہ ۔ پسندیدگی کا شکریہ

 

Re: ہماری پسند

آنسو کے عنوان سے بہت پیارا قطعہ ہے نعیم بھائی۔
ایک حقیقت کو بڑے احسن انداز میں بیان کیا ہے آپ نے۔

 

Re: ہماری پسند

زندگی میں صدا مسکراتے رہو
فاصلے کم کرو دل مِلاتے رہو
درد کیسا بھی ہو،کوئی غم نہ کرو
رات کالی سہی آنکھ نم نہ کرو
اک ستارے بنو،جگمگاتے رہو
زندگی میں صدا مسکراتے رہو۔ ۔ ۔

 

پہلی بارش

بہت خوب انتخاب ہے نعیم بھائی، ناصر کاضمی کی پہلی بارش پڑھی ہے آپ نے؟

 

Re: ہماری پسند

جی۔ لیکن آپ پھر سے لکھ دیں نا !!

چند اشعار آپکی خدمت میں

سب سے چھپا کے درد جو وہ مسکرا دیا
اسکی ہنسی نے آج مجھے تو رلا دیا

لہجے سے اٹھ رہی تھی یوں داستانِ درد
چہرہ بتا رہا تھا کہ سب کچھ گنوا دیا

آواز میں‌تھا کرب، آنکھوں میں نمی تھی
اور کہہ رہاتھا میں نے تو سب کچھ بھلا دیا

جانے کیا لوگوں سے تھیں اسے شکایتیں
تنہائیوں کے دیس میں خود کو بسا دیا

خود بھی تو وہ بچھڑ کر ادھورا سا ہو گیا
مجھ کو بھی اس ہجوم میں تنہا بنا دیا​

 

Re: ہماری پسند

بہت خوب اشعار ہیں۔

 

Re: ہماری پسند

عبد الجبار بھائی ۔ آپ کی یہ غزل دوسری لڑی میں پڑھنے کا اتفاق ہوا ہے۔
بہت پیارا کلام ہے ۔ سبحان اللہ

 

Re: ہماری پسند

ایک غزل میری پسند کی حاضر خدمت ہے


محبت کی اپنی الگ ہی زباں ہے
محبت سے خردمندی اگر مشروط ہوتی تو
نہ مجنوں دشت میں جاتا
نہ کوئی کوہکن، عشرت گہِ خسرو سجانے کو
کبھی تیشہ اٹھاتا
اور
نہ کوئی سوہنی کچے گھڑے پہ پار کرتی
چڑھتے دریا کو
نہ تم برباد کرتے اس طرح میری تمنا کو
نہ میں الزام دیتا اپنی ناکامی پہ دنیا کو
محبت سے خرد مندی اگر مشروط ہوتی تو

(امجد اسلام امجد)

 

Re: ہماری پسند

دی شبِ وصل مؤذن نے اذاں پچھلی رات
ہائے کمبخت کو کس وقت خدا یاد آیا
(داغ دہلوی)​

 

Re: ہماری پسند

رقیبوں نے خبر لکھوائی جا جا کے تھانے میں
کہ اکبر نام لیتا ہے خدا کا اس زمانے میں​

 

Re: ہماری پسند

اتنی نہ تیز چل کہ اُکھڑ جائیں بام و در
اے بادِ بیکراں! میں کرائے کے گھر میں ہوں​

اگر یہ شعر پہلے گزر چکا ہو تو پیشگی معذرت!

 

Re: ہماری پسند

اتنے بچوں کا ساتھ اچھا نہیں فراز
کرائے کا ہے گھر کچھ تو خیال کر​

 

Re: ہماری پسند

:a180: :haha: :a98:

کیا بات ہے زاہرا جی ۔ یہ بھی بتا دیا کہ اُن کا نام فراز ہے :shock:

 

Re: ہماری پسند

:haha:

 

Re: ہماری پسند

کمال ہے ساتھی جی !

اتنی سنجیدہ بات چل رہی ہے اور آپکو ہاہا سوجھی ہوئی ہے :?

 

Re: ہماری پسند

قلم دو چار ایسے ہی لگا لیتا ہوں جیبوں میں
کہ اس سے دوستوں میں عزت و توقیر بڑھتی ہے
کبھی لکھنے لکھانے کی تو نوبت آ نہیں سکتی
میں ناڑا ڈال لیتا ہوں ضرورت جب بھی پڑتی ہے
:lol:

 

Re: ہماری پسند

:haha: :a98: :haha: :a98: :haha: :a98:

یار فیصل بھائی ۔ ہنس ہنس کے پیٹ میں بل پڑ گئے۔
بہت خوب۔۔۔
لیکن۔۔

یار خدا کا واسطہ یہ قطعہ اور ایسی دیگر مزاحیہ شاعری پلیز آپ مزاحیہ شاعری میں ارسال کریں۔
یہ لڑی سنجیدہ شعر و شاعری کی ہے۔ منتظمِ اعلی صاحب کو غصہ آئے گا۔

 

Re: ہماری پسند

مجھے جلد ہی اپنی غلطی کا احساس ہو گیا تھا “کج تُسی لوگ وی خیال کریا کرو “
خود ہی مذاحیہ باتیں شروع کر دیتے ہیں کہ آنے والا بھی کچھ سمجھ نہیں پاتا ،خیر وہ نظم میں نے فوری طور پر مزاحیہ شاعری میں بھی پوسٹ کر دی تھی ! :mrgreen:

 

Re: ہماری پسند

جلوہء حسن

جلوہء حسن کہ ہے جس سے تمنا بیتاب
پالتا ہے جسے آغوشِ تخیل میں شباب

ابدی بنتا ہے یہ عالمِ فانی جس سے
ایک افسانہء رنگیں ہے جوانی جس سے

جو سکھاتا ہے ہمیں سر بہ گریباں ہونا
منظرِ عالمِ حاضر سے گریزاں ہونا

دور ہو جاتی ہے ادراک کی خامی جس سے
عقل کرتی ہے تاثّر کی غلامی جس سے

آہ ! موجود بھی وہ حسن کہیں ہے کہ نہیں؟
خاتمِ دھر میں یارب وہ نگیں ہے کہ نہیں ؟

(علامہ ڈاکٹر محمد اقبال )​

 

Re: ہماری پسند

عشق کا جادو

میرا تمام فن، میری کاوش میرا ریاض
اک ناتمام گیت کے مصرعے ہیں جن کے بیچ
معانی کا ربط ہے نہ کسی قافیے کا میل
انجام جس کا طے نہ ہو ایک ایسا کھیل
میری متاع بس یہی جادو ہے عشق کا
سیکھا ہے جس کو میں نے بڑی مشکلوں کے ساتھ
لیکن یہ ساحرِ عشق کا تحفہ عجیب ہے
کُھلتا نہیں ہے کچھ کہ حقیقت میں کیا ہے یہ
تقدیر کی عطا ہے یا کوئی سزا ہے یہ
کس سے کہیں اے جان کہ یہ قصہ عجیب ہے
کہنے کہ یوں تو عشق کا جادو ہے میرے پاس
پر میرے دل کے واسطے اتنا ہے اسکا بوجھ
سینے سے اک پہاڑ سا ہٹتا نہیں ہے یہ
لیکن اثر کے باب میں ہلکا ہے اس قدر
تجھ پہ اگر چلاؤں تو چلتا نہیں ہے یہ


(امجد اسلام امجد)​

 

Re: ہماری پسند

لگتا ہے کسی کو اس لڑی سے دلچسپی نہیں رہی ۔۔

پھر بھی چند اشعار حاضر ہیں۔

سنو پانی میں یہ کس کی صدا ہے
کوئی دریا کی تہہ میں رو رہا ہے

اندھیری رات کا تنہا مسافر
مری پلکوں میں‌اب سویا ہوا ہے

سمیٹو اور سینے میں چھپا لو
یہ سناٹا بہت پھیلا ہوا ہے

مجھے ان نیلی آنکھوں‌ نے بتایا
تمہارا نام پانی پر لکھا ہے

(بشیر بدر)​

 

Re: ہماری پسند

زاہرا جی !

دونوں غزلیں بہت اچھی ہیں۔ ماشاء اللہ۔ خوب انتخاب ہے۔