آج کا شعر

کتنا ہمدرد ہے ہمدردیِ رہبر دیکھو
کارواں لٹ گیا اور آنکھ میں آنسو بھی نہیں
قمر جلالوی

 

کچھ آج شام ہی سے ہے دل بھی بجھا بجھا
کچھ شہر کے چراغ بھی مدھم ہیں دوستو
(احمد فراز)​

 

ہمیں اس کا کوئی بھی حق نہیں کہ شریکِ بزمِ خلوص ہوں
نہ ہمارے پاس نقاب ہے نہ کچھ آستیں میں چھپا ہوا
اقبال عظیم

 

اشکِ مجبور کو تحقیر کی نظروں سے نہ دیکھ
یہی قطرہ کبھی طوفان میں ڈھل جاتا ہے
(ثاقب زیروی)

 

عشوؤں کی ہے نہ اس نگہ فتنہ زا کی ہے
ساری خطا مرے دلِ شورش ادا کی ہے
مستانہ کررہا ہوں رہِ عاشقی کو طے
کچھ ابتداء کی ہے نہ خبر انتہا کی ہے
اصغر گونڈوی

 

جب ترا حکم ملا ترکِ محبت کردی

دل مگر اس پہ دھڑکا کہ قیامت کردی

تجھ سے کس طرح میں اظہار محبت کرتا

لفظ سوجھا تو معانی نے بغاوت کردی

(احمد ندیم قاسمی)​

 

حیرت ہے تم کو دیکھ کے مسجد میں اے خمارؔ
کیا بات ہو گئی ۔۔۔۔۔۔۔۔۔۔۔۔۔۔۔۔۔۔۔۔۔۔۔ جو خدا یاد آ گیا

خمار بارہ بنکوی

 

میکدے سے تو ابھی آیا ہے مسجد میں میر
ہو نہ لغزش کہیں مجلس ہے یہ بیگانوں کی
(میر تقی میر)

 

سب کچھ خدا سے مانگ لیا تم کو مانگ کر
اٹھتے نہیں ہیں ہاتھ مرے اس دعا کے بعد
(آغا حشر کاشمیری)​

 

کبھی برسات میں شاداب بیلیں سوکھ جاتی ہیں
ہرے پیڑوں کے گرنے کا کوئی موسم نہیں ہوتا
بہت سے لوگ دل کو اس طرح محفوظ رکھتے ہیں
کوئی بارش ہو یہ کاغذ ذرا بھی نم نہیں ہوتا
(امجد اسلام امجد)​

 

دل کو تری چاہت پہ بھروسہ بھی بہت ہے
اور تجھ سے بچھڑ جانے کا ڈر بھی نہیں جاتا
(احمد فراز)

 

زندگی تجھ سے ہر اک سانس پہ سمجھوتا کروں
شوق جینے کا ہے مجھ کو، مگر اتنا تو نہیں
(مظفر وارثی)

 

بکنے والے اور ہیں جاکر خرید لو محسن
ہم لوگ قیمت سے نہیں قسمت سے ملا کرتے ہیں
(محسن نقوی)

چاہوں تو اک نظر میں خرید لوں اس کو فراز
جس کو ناز ہے کہ بکتا نہیں ہوں میں
(احمد فراز)

کس کی ہے مجال کہ ہم کو خرید سکے وصی
ہم تو خود ہی بک گئے خریدار دیکھ کر
(سید وصی شاہ)

 

دل گیا تھا تو یہ آنکھیں بھی کوئی لے جاتا
میں فقط ایک ہی تصویر کہاں تک دیکھوں
اک حقیقت سہی فردوس میں حوروں کا وجود
حسنِ انساں سے نمٹ لوں تو وہاں تک دیکھوں
(احمد ندیم قاسمی)

 

طلبِ عشق مٹادی ہم نے
اُس کو روکا نہ صدا دی ہم نے
خواب لوگوں نے جلا ڈالے تھے
راکھ راہوں میں اڑا دی ہم نے
(شگفتہ شفیق)

 

مئے خانے میں عاجز ھُوئے ، آزُردہ دِلی سے
مسجد کا نہ رکھا , ھمیں آشفتہ سری نے

فیض

 

ﻣﭩﯽ ﮐﯽ ﻣﺤﺒﺖ ﻣﯿﮟ ﮨﻢ ﺁﺷﻔﺘﮧ ﺳﺮﻭﮞ ﻧﮯ
ﻭﮦ ﻗﺮﺽ ﺍﺗﺎﺭﮮ ﮨﯿﮟ ﺟﻮ ﻭﺍﺟﺐ ﺑﮭﯽ ﻧﮩﯿﮟ ﺗﮭﮯ

 

میں اپنے حصے کے سکھ جس کے نام کر ڈالوں
کوئی تو ہو جو مجھے اس طرح کا پیارا ہو
(پروین شاکر)

 

غم عشق کتنا عجیب ہے
یہ جنون سے کتنا قریب ہے
کبھی اشک پلکوں پہ رک گئے
کبھی پورا دریا بہا دیا
(فیض احمد فیض)​

 

امیدِ پرسشِ غم کس سے کیجئے ناصر
جو اپنے دل پہ گزرتی ہے کوئی کیا جانے
(ناصر کاظمی)

 

اس کی حسرت ہے جسے دل سے مٹا بھی نہ سکوں
ڈھونڈنے اس کو چلا ہوں جسے پا بھی نہ سکوں
(امیر مینائی)

 

آیا ہی تھا ابھی میرے لب پر وفا کا نام
کچھ دوستوں نے ہاتھ میں پتھر اٹھا لئے
(ناصر کاظمی)