پسندیدہ ۔۔۔۔روشن اقوال ۔۔سید لبید غزنوی

بے رحم انسان نہیں درندہ ہے۔شیخ سعدی رحمۃ اللہ علیہ

 

نیک نیت کی وجہ سے کام نیک اور بری نیت کی بدولت برا ہوجاتاہے۔شیخ سعدی رحمۃ اللہ علیہ

 

مظلوم کی تکلیف تو چند ساعت کی ہوتی ہے مگر ظالم ابدی مصیبت میں مبتلا ہوجاتا ہے۔شیخ سعدی رحمۃ اللہ علیہ

 

نصیحت اگرچہ ناخوشگوار ہوتی ہے لیکن اس کا انجام خوشگوار ہوتاہے۔شیخ سعدی رحمۃ اللہ علیہ

 

ظالم جب تک ظلم نہیں چھوڑتا اس کے حق میں کوئی دعا قبول نہیں ہوتی۔شیخ سعدی رحمۃ اللہ علیہ

 

دنیا بے وفا اور انتہائی ناقابل اعتبار ہے اس سے فائدہ وہی شخص اٹھاتاہے جو اسے مخلوق خدا کی اصلاح اور فلاح میں لگا دیتاہے۔شیخ سعدی رحمۃ اللہ علیہ

 

دولت کو صدقہ جاریہ میں لگاؤ آخرت میں کام آئے گی۔شیخ سعدی رحمۃ اللہ علیہ

 

حمد و شکر بہتر ہے شکوہ وشکایت سے ۔۔۔۔

 

ہمیشہ زندگی اس طرح بسر کریں کہ دیکھنے والے تمہارے درد پر افسوس کی بجائے تمہارے صبر پر رشک کریں۔۔

 

جن کے دلوں میں رحم،طبیعت میں سادگی ،احساس میں خلوص اور سوچ میں سچائی ہے ۔۔ایسے انسانوں کا وجود ’’ اللہ‘‘ کی طرف سے مخلوق کے لیے نعمت ہے۔

 

مشکل وقت دنیا کا سب سے بڑا جادوگر ہے ۔۔جو ایک لمحے میں آپ کے چاہنے والوں کے چہروں سے نقاب ہٹا دیتاہے ۔۔

 

سچائی انسان کی رہائی کا وسیلہ ہے ۔۔

 

کسی دانا شخص نے کیا خوب کہا ہے ۔۔۔

یہ مت کہا کروکہ میں بے نماز ہوں۔۔بلکہ یہ کہا کرو میں اتنا بے نصیب اور بد بخت ہوں کہ اللہ نے اپنے سامنے کھڑاکرنے کے لائق ہی نہیں سمجھا۔۔

 

جسمانی امراض پرہیز سے جاتے ہیں اور روحانی امراض پرہیزگاری سے جاتے ہیں۔۔

 

چھوٹی چھوٹی باتیں بڑے بڑے رشتوں میں ایسے بدگمانی کے سوراخ کردیتی ہے کہ انسان ساری عمر ان سوراخوں میں وضاحتوں کی اینٹیں لگا کر بھی اپنے خوبصورت رشتوں کو بچا نہیں سکتا ۔۔

 

عقل جتنی چھوٹی ہو گی زبان اتنی لمبی ہوگی کیونکہ برتن وہی شور کرتاہے جو خالی ہو۔۔

 

صبر کریں تو اذیت بھی اجر بن جاتی ہے ۔۔

 

انسان کی گفتگو سے اس کا وزن کیا جاتاہے اور اس کے کردار سے اسکی قیمت لگائی جاتی ہے ۔۔

 

خوبصورت ہونا اہم نہیں بلکہ اہم ہونا خوبصورتی ہے ۔۔

 

ہمارا ہر دن ایک سبق لے کر آتاہے اور ہر شام ایک تجربہ دے کر ڈھلتی ہے ۔۔

 

اللہ کے نزدیک بہتریں انسان وہ ہے جس کا وجود دوسروں کے لیے نفع مند ہے ۔۔

 

اللّٰه کے نزدیک انسانی بستیوں میں سبـــــ سے پسندیدہ جگہ مساجد ہیں اور انسانی بستیوں میں سبــــــ سے نا پسندیدہ جگہ بازار ہیں​