پسندیدہ ۔۔۔۔روشن اقوال ۔۔سید لبید غزنوی

انسان کا کردار ایسی مالا ہے، جس کی گرہ کھل جائے تو تمام موتی بکھر جاتے ہیں۔

 

زندگی کو غنیمت جانو، عنقریب تم سے چھین لی جائے گی۔

 

کسی فکر کو قبول کیے بغیر اس پر غور کرنا آپکے تعلیم یافتہ ہونے کی نشانی ہے ۔

 

پانی جب تک رواں رہتاہے صاف رہتاہے اور جب رک جاتاہے تو گدلا اور کیچڑ جیسا ہو جاتاہے۔

 

کمائی چھوٹی یا بڑی ہو سکتی ہے لیکن روٹی کا سائز ہر گھر میں ایک جیسا ہوتاہے ۔

 

دنیا میں دو کام بہت مشکل ہیں۔

ایک اسکے ساتھ رہنا جس سے محبت نہ ہو۔

دوسرا اسکے بغیر رہنا جس سے محبت ہو۔

 

انسان کی چاہت ہے کہ اڑنے کو پرملیں۔اور پرندےکی چاہت ہےکہ رہنےکو گھر ملے۔

 

لوگ کہتےہیں کہ کسی ایک کے جانےسے زندگی رک نہیں جاتی لیکن یہ کوئی نہیں جانتا کہ لاکھوں کے مل جانے سے بھی اس ایک کی کمی پوری نہیں ہوتی ۔

 

انسان گناہ اس طرح کرتاہے جیسے اللہ دیکھ ہی نہیں رہا۔۔اور اللہ اپنے بندے کو ایسے معاف کرتے ہیں جیسے اس نے دیکھا ہی نہیں۔

 

ہمیشہ خوش رہاکرو کیونکہ یہ بہترین انتقام ہے ان لوگو ں سے جو آپکو اداس دیکھنا چاہتےہیں۔

 

’’آدمی اچھا تھا ‘‘

یہ الفاظ انسان کو عموما اس وقت کہے جاتےہیں ، جب سماعتیں اس قابل نہیں رہتیں۔

خدارا زندہ لوگوں کی قدرکیجئے

 

ایمان دار شخص بخیل نہیں ہوتا۔

 

علم ایک ایسا خزانہ ہے جسے چُرایا نہیں جا سکتا۔۔۔

 

اعمال کے بغیر زندگی کا کوئی مقصد نہیں۔

 

سمجھنے کے طریقے غلط ہوں تو تعلیم یافتہ یا سند یافتہ ہونے کا کوئی فائدہ نہیں۔

 

ذمہ داریاں انسان کو وقت سے پہلے بڑا کر دیتی ہیں۔

 

اگر کچھ سیکھنا ہے تو خاموش رہنا سیکھو ورنہ لفظوں کے مطلب تو ہزاروں نکلتے ہیں۔

 

اپنی اچھائی کو ثابت نہ کرو وقت ایک دن اسے خود ثابت کر دے گا۔

 

جو بھی دنیا میں آیا ہے اسے ایک دن یہ دنیا چھوڑ کر جانا بھی ہے ۔۔

 

بارش میں میں نے دیکھا کہ ۔۔۔

جن کے پاس سکے تھے وہ شوق سے بھیگتے رہے اور جن کے پاس نوٹ تھے وہ چھت تلاش کرتے رہے۔۔۔

 

جو شخص تمہاری نگاہوں سے تمہاری ضرورت کو نا سمجھ سکے اس سے کچھ مانگ کر خود کو شرمندہ مت کرو۔

 

انسان دکھ نہیں دیتے ۔۔انسانوں سے وابستہ امیدیں دکھ دیتی ہیں۔

 

جن کی صورت اجلی ہو اور دل تاریک سمندر ہو۔۔۔

ایسے یار کے پیار سے محسن صحراؤں کے ناگ بھلے۔۔۔

 

مٹی کی پکڑ بہت مضبوط ہواکرتی ہے سنگ مرمر پے تو پاؤں ہی پھسلا کرتے ہیں۔

 

پیٹھ پیچھے آپکی بات چلے تو گھبرانا مت کیونکہ بات انہی کی ہوتی ہے جن میں کوئی بات ہوتی ہے ۔

 

کسی کے ساتھ پیار سے مذاق ضرور کرنا مگر یاد رکھو کبھی کسی کے ساتھ مذاق سے پیار مت کرنا۔

 

تین چیزیں پاک رکھو۔

جسم ، لباس اور خیالات

 

تین چیزیں قابو میں رکھو۔

زبان ،نفس اور غصہ

 

تین چیزیں ہمیشہ یاد رکھو۔

موت ، احسان اور نصیحت

 

تین چیزیں چھوٹی نا سمجھو۔

فرض ، قرض اور مرض