پسندیدہ ۔۔۔۔روشن اقوال ۔۔سید لبید غزنوی

جتنی ذہانت کسی کی بات کا جواب دینے کے لیے ضروری ہے اس سے کہیں زیادہ ذہانت اس کی بات کو سمجھنے کے لیے ضروری ہے ۔

 

جن لوگوں کے دلوں میں نفرت ہوتی ہے وہ نفرت ہی پھیلاتے ہیں ۔اور جن کے دلوں میں محبت ہوتی ہے وہ محبت ہی پھیلاتے ہیں۔

 

جسے گرم روزے کی پیاس متقی نہ بنا سکی اسے کوئی اور چیز کیسے متقی بنا سکتی ہے ۔جسے ٹھنڈے پانی کا افطار شکر گزار نہ بنا سکا اسے کوئی اور چیز کیسے شکر گزار بنا سکتی ہے ۔

 

جب کسی محرومی کا دکھ ستانے لگے تو اپنی ان نعمتوں کو شمار کریں جو اگر چھن گئیں تو جینا مشکل ہو جائے گا۔

 

اندھے پن کی ہر قسم ہی بری ہے ۔مگر بدترین قسم دل کا اندھا پن ہے اور یہ اندھا پن تعصب سے پیدا ہوتاہے ۔

 

اندھے پن کی ہر قسم ہی بری ہے ۔مگر بدترین قسم دل کا اندھا پن ہے اور یہ اندھا پن تعصب سے پیدا ہوتاہے ۔

 

اپنے لہجے میں نرمی اور بات میں اچھے الفاظ کا انتخاب کیجئے.​

 

بہت شکریہ ۔۔۔۔یہ میرے لیے ہے یا یہ روشن اقوال میں داخل ہے ۔۔۔

 

انسان کو دنیا میں اپنی جنت بنانے کے لیے بھیجا گیا ہے مگر انسان دنیا کو ہی اپنی جنت بنانے میں مگن رہتاہے ۔

 

جو لوگ ایمان اور اخلاق کی راہ پر چلتے ہیں جنت خود ہی ان کی منزل بن جاتی ہے اور جو لوگ خواہش اور تعصب کی راہ پر چلتے ہیں جہنم خود بخود ان کی منزل بن جاتی ہے ۔

 

انتہا پسندی کے جواب میں انتہاپسندی کا رویہ آپ کے علم و اخلاق کی شکست ہے ۔

 

انتہاپسندی کے جواب میں توازن پر قائم رہنا آپ کے علم و اخلاق کی فتح کی علامت ہے ۔

 

جو لوگ اپنے سینے میں تعصب کے ناگ پالتے ہیں وہ سب سے پہلے خود ہی ان کے زہر کا نشانہ بنتے ہیں۔

 

صبر کی عادت کے بغیر حصول جنت کی خواہش ایک ایسا خواب ہے جس کی کوئی تعبیر نہیں ہو سکتی۔

 

صبر بھی رنگ لاتا ہے اور غصہ بھی صبر کے رنگوں سے زندگی حسین ہو جاتی ہے اور غصے کا رنگ محبت کے ہر رنگ کو نگل جاتا ہے ۔

 

ہدایت بندوق کی گولی نہیں ہوتی جس سے دوسروں کو نشانہ بنایا جائے ۔یہ روشنی ہوتی ہے۔جو دل سے پھوٹتی ہے اور سب سے پہلے ہمارے اپنے وجود کو منور کرتی ہے ۔

 

ہمارا اصل امتحان اس وقت شروع ہوتاہے جب بظاہر ہم امتحان سے نکل چکے ہوتے ہیں۔

 

ندامت توبہ کے دروازے کی اصل کنجی ہے جبکہ سرکشی اور تاویل اس دروازے کے قفل ہیں۔

 

روزہ جنت کا دروازہ ہے مگر یہ دروازہ صرف وہی شخص کھول سکتاہے جو روزے کی مشقت کو تقویٰ کی کنجی میں بدل سکے ۔

 

والدین کی خدمت جنت کا دروازہ ہے ۔خوش نصیب لوگ اس دروازے کو زندگی میں اور بدنصیب ان کی موت کے بعد ڈھونڈنے کی کوشش کرتے ہیں۔

 

تعصبات کی دنیا میں اپنی بات منوانا سب سے بڑی کامیابی ہے اور ایمان کی دنیامیں اپنی غلطی کی اصلاح سب سے بڑی کامیابی ہے۔

 

نادان اپنی تقدیر کے بدلنے کے لیے باہر کسی انقلاب کے منتظر رہتے ہیں ۔عقلمند اپنی تقدیر بدلنے کے لیے اپنی شخصیت میں انقلاب لے آتے ہیں۔

 

دین کا جمال توازن میں ہے اور دین کا کمال استقامت میں ۔

 

جنت سے محروم ہر شخص بدنصیب ہے مگر سب سے بڑا بدنصیب وہ ہوگا جو اپنی خواہشات اور تعصبات کو اپنا ایمان بنانےکی وجہ سے محروم ہوگا۔

 

جو ایمان تحقیق کی وادی سے نہیں گزرتا وہ اکثر گمراہی کی منزل کو جا نکلتا ہے ۔جو اعتقاد عمل کی وادی سے نہیں گزرتا وہ اکثر جہنم کی منزل کو جانکلتاہے ۔

 

اسلام کے دشمن وہ ہیں جن کی دعوت سے اسلام کو نقصان پہنچے اس سے فرق نہیں پڑتا کہ وہ مسلمان ہوں یا غیر مسلم۔

 

امیر ہویا غریب ،بادشاہ ہو یا فقیر، میں ہوں یا آپ ، والدین ہوں یا اولاد۔۔۔۔۔سب کو چھوڑ کر جاناہے ۔۔۔سب کو چھوڑ کر جانا ہے ۔

 

خواص کی بددیانتی اور کرپشن سے سماج کو جتنا نقصان ہوتاہے ۔عوام کی بددیانتی اور کرپشن سے سماج کو اس سے کہیں زیادہ نقصان ہوتاہے ۔

 

جس شخص کی خوبیوں کے اعتراف کا آپ میں حوصلہ نہیں اس پر تنقید کا کوئی حق آپ کو نہیں مل سکتا۔

 

کسی کو چھوٹا ثابت کر کے آپ خود بڑے نہیں ہو سکتے ۔