پسندیدہ ۔۔۔۔روشن اقوال ۔۔سید لبید غزنوی

کسی فرد یا کسی قوم کو ہلاک کرناہے تو اس کی امید کو مار ڈالیے۔ اور اگر اسے تعمیر کرنا ہے تو اس کی امید کو زندہ رکھیے۔

 

وہ آدمی نادان ہے جوماضی سے نہیں سیکھتا اور باربار پرانی غلطیاں دہراتا ہے مگر وہ آدمی زیادہ نادان ہے جو ماضی سے سیکھتاہے اور ہر دفعہ نئی غلطی کرتاہے ۔

 

زندگی کی دوڑ میں دوسروں سے آگے نکلنے کے لیے تیز چلنا ضروری نہیں بلکہ ہر رکاوٹ کے باوجود چلتے رہنا اور مسلسل چلتے رہناضروری ہے ۔

 

منفی انسان کو ہر موقع میں ایک مشکل نظر آتی ہے ۔مثبت انسان ہر مشکل میں ایک موقع دیکھتا ہے۔

 

آنے والا کل اس شخص کا ہوتاہے جو اس کے لیے تیاری آج کے دن سے شروع کردے۔

 

زندگی میں پیش آنے والے ناگوار حالات روزے دار کے ایک سخت دن کی طرح آخر کار گزر جاتے ہیں۔یہی رمضان کا اصل سبق ہے ۔

 

جن معاملات میں آپ کچھ نہیں سکتے ان کے لیے پریشان ہونا نادانی ہے ۔اور جن معاملات میں آپ کچھ کر سکتے ہیں ان کے لیے پریشان ہوتے رہنا زیادہ بڑی نادانی ہے ۔

 

لوگ اس لیے پریشان رہتے ہیں کہ ان کے مرنے کے بعد اولاد کا کیا ہو گا جبکہ لوگوں کو پریشان اس لیے ہونا چاہیے کہ اولاد کے مرنے کے بعد اولاد کا کیا ہوگا۔

 

اس دنیا میں سب کچھ کرنے کا وقت کسی کے پاس نہیں ہوتا لیکن اہم ترین کام کرنے کا وقت ہر ایک کو دیاگیا ہے ۔

 

جو وقت کو برباد کرتاہے وقت اسے برباد کردیتاہے ۔

 

خواب وہ نہیں ہوتے جو آپ نیند میں دیکھا کرتے ہیں بلکہ خواب وہ ہوتے ہیں جن کے لیے آپ نیند قربان کردیتے ہیں ۔

 

جب آپ کو ہر شخص سے شکایت ہونے لگے تو دیکھ لیجیے کہ خرابی کہیں آپ ہی کے اندر ہی تو نہیں۔

 

انسانوں کے آدھے مسائل عقل حل کرتی ہے باقی آدھے مسائل کا حل مضبوط شخصیت ہے جو مسائل کے ساتھ جینا سکھا دیتی ہے ۔

 

بس آپ امید کی شاہراہ کو اختیار کر لیجیے کامیابی کا راستہ اسی سے نکلتا ہے۔

 

آپ اس رائے کے زمہ دار نہیں جو لوگ آپ کے بارے میں قائم کرتے ہیں مگر اس رویے کے زمہ دارضرور ہیں جس کی بنا پر یہ رائے قائم کی جاتی ہے ۔

 

خوشی سب کچھ پا لینے کا نام نہیں یہ پائے ہوئے میں خوش رہنے کا نام ہے ۔

 

مسلسل ترقی کا ایک ہی راز ہے اپنی کامیابیوں کو ریت پر لکھیے اور اپنی ناکامیوں کو پتھروں پر۔

 

اللہ سے ڈرئیے پھر اس شخص سے ڈرئیے جو اللہ سے نہیں ڈرتا۔

 

دولت کی اصل خرابی یہ ہے کہ وہ آدمی کے پاس ہمیشہ نہیں رہتی اور اگر رہ جائے تو آدمی نہیں رہتا۔

 

ہر مشکل سے نکلنے کا ایک راستہ ضرور ہوتاہے اسے ڈھونڈئیے اور اگر نہ ملے تو خود ایک راستہ بنا لیجیے۔

 

اچھے لوگوں سے ان کی غلطیوں کی بنا پر قطع تعلق مت کیجیے اس لیے کہ ان کی غلطیاں بھی غلطی سے ہی ہوا کرتی ہیں۔

 

آپ جو کچھ ہوتے ہیں اس کے ہونے کا شور اتنا زیادہ ہوتاہے کہ آپ جو کچھ کہتے ہیں وہ لوگوں کو سنائی نہیں دیتا۔

 

کامیاب زندگی یہ نہیں کے آپ کتنے خوش ہیں بلکہ کامیاب زندگی یہ ہےکہ آپ کا پروردگار آپ سے کتنا خوش ہے ۔

 

لوگوں کے دکھ بانٹیے۔۔یہ نہیں کر سکتے تو کم از کم ان میں اضافے کا سبب بھی نہ بنیے۔

 

بہترین انسان کو ن ہے اس کا فیصلہ بدترین حالات کیاکر تے ہیں اسی لیے بہترین لوگ بدترین حالات میں گھبرایا نہیں کرتے ۔

 

زندگی میں بڑا کام وہی لوگ کرتے ہیں جو خواب دیکھتے ہیں اور پھر اس کی تکمیل میں جت جاتے ہیں دن رات تگ دو کرتے ہیں۔مگر جو لوگ خواب دیکھتے ہیں اور پھر اس کے تکمیل کے لیے کچھ نہیں کرتے وہ زندگی میں کبھی بھی کچھ نہیں کر پاتے ۔

 

کل تک میں دنیاکو بدلنا چاہتا تھا اور میں بہت ناکام تھا آج میں خود کو بدل رہا ہوں اور میں بہت کامیاب ہوں۔

 

اس دنیا میں کامیابی کسی اتفاق کا نام نہیں کامیابی اپنے امکانات کو سمجھنے اور انہیں استعمال کرنے کا نام ہے ۔

 

خیر کی روشنی دوسروں تک پہنچانے کے دو ہی راستے ہیں یا تو سورج بن کر چمکیے یا پھر چاند کی طرح سورج کی روشنی دوسروں تک منعکس کیجیے۔

 

لمبی قطار کی کوفت سے بچناہے تو کریڈٹ لینے والوں کو چھوڑ کر کام کرنے والوں کی قطار میں آجائیں یہاں بہت کم لوگ کھٹرے ہوتے ہیں۔