پسندیدہ غزلیات، نظمیات

بہت خوب نور العین بہنا۔
بچپن کے دن یاد دلا دئے آپ نے۔
شکریہ

 

بہت خوب نور بہنا بہت اچھے

خوب خان جی

 

محسن بھوپالی کی غزل حاضر ہے جو میری پسندیدہ ہے
اگر پہلے ہوچکی ہوتو معذرت۔

اب یہ سوچوں تو بھنور ذہن میں پڑ جاتے ہیں
کیسے چہرے ہیں جو ملتے ہی بچھڑ جاتے ہیں

کیوں تیرے درد کو دیں تہمتِ ویرانئ دل
زلزلوں میں تو بھرے شہر اُجڑ جاتے ہیں

موسمِ زرد میں ایک دل کو بچاؤں کیسے
ایسی رُت میں تو گھنے پیڑ بھی جھڑ جاتے ہیں

اب کوئی کیا میرے قدموں کے نِشاں ڈھونڈھے گا
تیز آندھی میں تو خیمے بھی اُکھڑ جاتے ہیں

سوچ کا آئینہ دُھندلا ہو تو پھر وقت کے ساتھ
چاند چہروں کے خدوخال بگڑ جاتے ہیں

شِدتِ غم میں بھی زندہ ہوں تو حیرت کیسی
کچھ دیے تُند ہواؤں میں بھی لڑ جاتے ہیں

وہ بھی کیا لوگ ہیں محسن جو وفا کی خاطر
خود تراشیدہ اُصولوں پہ بھی اَڑ جاتے ہیں


محسن بھوپالی ​

 

بہت محبت کے لیے بہت شکریہ ۔ محبوب بھائی

 

بہت ہی عمدہ کیا بات ہے:222:

 

کمال کر دیا۔۔۔۔ بہت ہی عمدہ انتخاب نعیم بھائی خوش رہیں۔۔۔آمین

 

میری زندگی تو فراق ہے، وہ ازل سے دل میں مکیں سہی
وہ نگاہِ شوق سے دور ہیں، رگِ جاں سے لاکھ قریں سہی

ہمیں جان دینی ہے ایک دن، وہ کسی طرح ہو کہیں سہی
ہمیں آپ کھینچئے دار پر، جو نہیں کوئی تو ہمیں سہی

سرِ طور سرِ حشر ہو، ہمیں انتظار قبول ہے
وہ کبھی ملیں، وہ کہیں ملیں، وہ کبھی سہی وہ کہیں سہی

نہ ہو ان پہ میرا بس نہیں، کہ یہ عاشقی ہے ہوس نہیں
میں انھی کا تھا میں انھی کا ہوں،وہ میرے نہیں تو نہیں سہی

مجھے بیٹھنے کی جگہ ملے، میری آرزو کا بھرم رہے
تیری انجمن میں اگر نہیں، تیری انجمن کا قریں سہی

تیرا در تو ہم کو نہ مل سکا، تیری رہگزر کی زمیں سہی
ہمیں سجدہ کرنے سے کام ہے، جو وہاں نہیں تو یہیں سہی

میری زندگی کا نصیب ہے، نہیں دور مجھ سے قریب ہے
مجھے اسکا غم تو نصیب ہے، وہ اگر نہیں تو نہیں سہی

جو ہو فیصلہ وہ سنائیے، اسے حشر پہ نہ اٹھایئے
جو کریں آپ ستم وہاں وہ ابھی سہی، وہ یہیں سہی

اسے دیکھنے کی جو لو لگی، تو قتیل دیکھ ہی لیں گے ہم
وہ ہزار آنکھ سے دور ہو، وہ ہزار پردہ نشیں سہی

قتیل شفائی​

 

واہ بہت خوب نعیم بھائی ، قمر بھائی بہت عمدہ انتخاب

 

واہ آزاد جی اتنے دن بعد آ کے خوب کلام شئیر کیا بہت اچھے

 

بہت خوب آزاد بھائی ۔
اتنے دنوں بعد تشریف آوری اور اتنا پیارا کلام ارسال کرنے کے لیے بہت شکریہ۔

 

بہت ہی عمدہ لا جواب شکریہ شئیرنگ کرنے کا

 

السلام علیکم۔ گو یہ کلام میرا بہت زیادہ پسندیدہ نہیں رہا۔ لیکن گذشتہ دنوں بہت یاد آیا ۔ سو پیش خدمت ہے ۔

ہم تیرے شہر میں آئے ہیں مسافر کی طرح
صرف اک بار ملاقات کا موقع دے دے

اپنی آنکھوں میں چھپا رکھے ہیں جگنو میں نے
اپنی پلکوں پہ سجا رکھے ہیں آنسو میں نے
میری آنکھوں کو بھی برسات موقع دے دے

آج کی رات میرا درد ِ محبت سن لے
کپکپاتے ہوئے ہونٹوں کی شکایت سن لے
آج اظہار خیالات کا موقع دے دے

میری منزل ہے کہاں میرا ٹھکانا ہے کہاں
صبح تک تجھ سے بچھڑ کر مجھے جانا ہے کہاں
سوچنے کے لیے ایک رات کا موقع دے دے

بھولنا تھا تو یہ اقرار کیا ہی کیوں تھا
بے وفا تو نے مجھے پیار کیا ہی کیوں تھا
صرف دو چار سوالات کا موقع دے دے

ہم تیرے شہر میں آئے ہیں مسافر کی طرح
صرف اک بار ملاقات کا موقع دے دے



شاعر قیصر الجعفری ​

 

اچھا کلام ھے نامعلوم شاعر کا

 

شکریہ ۔ شاعر کا نام معلوم ہوگیا ہے۔ قیصر الجعفری ہیں۔
اور غلام علی نے کلام گایا بھی بہت اچھا ہے۔

 

نئے سفر میں ابھی ایک نقص باقی ہے
جو شخص ساتھ نہیں ، اسکا عکس باقی ہے

اٹھا کے لےگئے دزدانِ شب چراغ تلک
سو، کور چشم پتنگوں کا رقص باقی ہے

گھٹا اٹھی ہے مگر ٹوٹ کر نہیں برسی
ہوا چلی ہے مگرپھر بھی حبس باقی ہے

الٹ پلٹ گئی دنیا ، وہ زلزلے آئے
مگرخرابہء دل میں وہ شخص باقی ہے

فراز آئے ہوتم اب رفیقِ شب کے لیے
کہ دورِ جام، نہ ہنگامِ رقص باقی ہے
احمد فراز ​

 

شکریہ محبوب بھائی ۔ :222:

 

بہت ہی خوب۔۔سب ہی کلام عمدہ ہیں۔۔

 

بہت خوب نعیم بھائی۔

 

کاشفی بھائی ۔ آپکے پیار کابہت شکریہ

 

حسنِ نظر ہے آپ کا ۔ این آر بی بھائی !

 

احمد فراز جیسے اعلی پائے کے شاعر کی عمدہ غزل پڑھنے کو ملی ۔ اچھا لگا۔
مقطع کی اٹھان خوب ہے۔
نعیم بھائی ۔ اعلی انتخاب ارسال کرنے پر شکریہ

 

شکریہ برادر بھائی ۔
اعلی کلام کی قدر اعلی ذوق ہی کرتے ہیں۔

 

بہت ہی عمدہ انتخاب محبوب بھائی۔

 

کچھ اس طرح سے اُسے پیار کرنا پڑھتا ہے
کے اپنے پیار سے اِنکار کرنا پڑھتا ہے
کبھی کبھی تو وہ اتنا قریب ہوتا ہے
کے اپنے آپ کو دیوار کرنا پڑھتا ہے
خدا نے اُس کو عطا کی ہے وہ میسحائی کہ
خود کو جان کے بیمار کرنا پڑھتا ہے
وفا کی راہ میں دشواریاں تو آتیں ہیں
وفا کی راہ کو ہموار کرنا پڑھتا ہے
وہ ہاتھ رکھ کے میرے دل پہ جب پوچھتا ہے
تو مجھے درد سے اِنکار کرنا پڑھتا ہے
​

 

عمدہ انتخاب ہے آزاد بھائی۔۔۔میرے خیال میں پڑھتا کو پڑتا ہے لکھنا ہے شاید۔۔۔

 

خدا نے اُس کو عطا کی ہے وہ میسحائی کہ
خود کو جان کے بیمار کرنا پڑھتا ہے
وفا کی راہ میں دشواریاں تو آتیں ہیں
وفا کی راہ کو ہموار کرنا پڑھتا ہے


بہت خوب !!!