پسندیدہ غزلیات، نظمیات

بھیگے موتی

بھیگے موتی
تمہاری یاد کے آنسو
میری پلکوں پہ ٹِکے تھے
پھرمیں نے
انہیں
اپنے ہاتھوں کی لکیروں میں
جذب کر لیا
کہ شائد
تمہاری یاد کے یہ
بھیگے موتی
میرے مقدر کی لکیروں کو
چمکا دیں
اور
میں
تمہیں پا لوں​

 

سموکر صاحب بہت خوب!
آپ کا انتخاب بہت ہی اچھا لگا

 

جس دن سے جدا وہ ہم سے ہوئے

واہ سموکر جی، بہت خوبصورت انتخاب، ایک غزل، شاید ممتاز راشد کی ہے، کچھ اشعار یاد ہیں

جس دن سے جدا وہ ہم سے ہوئے
اس دل نے دھڑکنا چھوڑ دیا
ہے چاند کا منہ اترا اترا
تاروں نے چمکنا چھوڑ دیا

وہ پاس ہمارے رہتے تھے
بے رت بھی بہار آ جاتی تھی
اب پھول کھلیں زخموں کے کیا
آنکھوں نے برسنا چھوڑ دیا

ہم نے یہ دعا جب بھی مانگی
تقدیر بدل دے اے مالک
آواز یہ آئی کے اب ہم نے
تقدیر بدلنا چھوڑ دیا​

ا

 

محبت ایسا نغمہ ہے
ذرا بھی جھول ہے لَے میں
تو سُر قائم نہیں ہو تا

محبت ایسا شعلہ ہے
ہوا جیسی بھی چلتی ہو
کبھی مدھم نہیں ہوتا

محبت ایسا رشتہ ہے
کہ جس میں بندھنے والوں کے
دلوں میں غم نہیں ہوتا

محبت ایسا پودا ہے
جو تب بھی سبز رہتا ہے
کہ جب موسم نہیں ہوتا

محبت ایسا دریا ہے
کہ بارش روٹھ بھی جائے
تو پانی کم نہیں ہوتا

(امجد اسلام امجد)​

 

بہت خوب واصف بھائی !

 

میری پسند کی ایک غزل

اک خطا ہم ازرہِ سادہ دلی کرتے رہے
ہر تبسم پر قیاسِ دوستی کرتے رہے

ایسے لوگوں سے بھی ہم ملتے رہے دل کھول کر
جو وفا کے نام پہ سوداگری کرتے رہے

خود اندھیروں میں بسر کرتے رہے ہم زندگی
دوسروں کے گھر میں لیکن روشنی کرتے رہے

اپنے ہاتھوں آرزوؤں کا گلا گھونٹا کئے
زندہ رہنے کے لیے ہم خود کشی کرتے رہے


اس طرح اقبال گزری ہے ہماری زندگی
زہرِ غم پیتے رہے اور شاعری کرتے رہے

(پروفیسر اقبال عظیم)​

 

ندیم علوی

ایسے اشعار کیا بارگاہ الہیہ میں گستاخی نہیں بنتے ؟

 

نعیم کا انتکاب

بہت خوب۔

 

زاہرا جی ہمارا نام ندیم علی ہے علوی نہیں، ہماری ناقص رائے میں اس شعر میں تو گستاخی کا پہلو نہیں مگر یہ سچ ہے کہ ایسے بہت سے گیت اور اشعار ہمارے ہاں بھی رواج پا گئے ہیں، ناظمین سے گزارش ہے کہ یہ پوسٹ اریز کردیں، زاہرا آپ کا بہت شکریہ، ہم محتاط رہیں گے

 

عجیب مانوس اجنبی تھا

ناصر کی ایک بہت خوبصورت غزل، ہمارے خیال میں یہ ان کی بہترین غزلوں میں سے ہے اور ہماری چند پسندیدہ غزلوں‌میں سے، آپ کا کیا خیال ہے

گئے دنوں کا سراغ لیکر کدھر سے آیا کدھر گیا وہ
عجیب مانوس اجنبی تھا مجھے تو حیران کر گیا وہ

خوشی کی رت ہو کہ غم کا موسم، نظر اسے ڈھونڈتی ہے ہر دم
وہ بوئے گل تھا کہ نغمہ جان، میرے تو دل میں اتر گیا وہ

وہ میکدے کو جگانے والا، وہ رات کی نیند اڑانے والا
نہ جانے کیا اس کے جی میں آئی کہ شام ہوتے ہیں گھر گیا وہ

کچھ اب سنبھلنے لگی ہے جاں بھی، بدل چلا رنگ آسماں بھی
جو رات بھاری تھی ڈھل گئی ہے، جو دن کڑا تھا گزر گیا وہ

شکستہ پا راہ میں کھڑا ہوں، گئے دنوں کو بلا رہا ہوں
جو قافلہ میرا ہمسفر تھا، مثل گرد سفر گیا وہ

بس اک منزل ہے بوالہوس کی، ہزار رستے ہیں اہل دل کے
یہی تو ہے فرق مجھ میں اس میں، گزر کیا میں ٹھہر گیا وہ

وہ جس کے شانے پہ ہاتھ رکھ کر سفر کیا تونے منزلوں کا
تیری گلی سے نہ جانے کیوں آج سر جھکائے گزر گیا وہ

وہ ہجر کی رات کا ستارا، وہ ہمنفس ہمسخن ہمارا
سدا رہے اس کا نام پیارا، سنا ہے کل رات مر گیا وہ

بس ایک موتی سی چھب دیکھا کر، بس ایک میٹھی سی دھن سنا کر
ستارا شام بن کے آیا، برنگ خواب سحر گیا وہ

نہ اب وہ یادوں کا چڑھتا دریا، نہ فرصتوں کی اداس برکھا
یونہی ذرا سی کسک ہے دل میں، جو زخم گہرا تھا بھر گیا وہ

وہ رات کا بے نوا مسافر، وہ تیرا شاعر وہ تیرا ناصر
تیری گلی تک تو ہم نے دیکھا، پھر نہ جانے کدھر گیا وہ​

 

واہ ندیم بھائی ۔ بہت خوب انتخاب ہے

 

ندیم صاحب اچھی غزل پوسٹ کی آپ نے
اور آپ کے دستخط میں درود شریف دیکھ کر مجھے دلی خوشی ہوئی

 

شکریہ

نویدسلیم آپ کو ناصر کی غزل اچھی لگی بہت شکریہ، اور یہ درود پاک ہم نے گوشئہ درود کی سائیٹ سے لیا ہے

 

ندیم بھائی ۔ یہ گوشہء درود کیا ہے؟ کچھ روشنی ڈالیں گے پلیز؟

 

آنکھوں سے دور ہو گیا جو جھوٹ بول کے
میں راہ دیکھتی رہی دروازہ کھول کے

اب سوچتی ہوں میں کہ یہی میری بھول تھی
دیکھا نہیں جو اس کو ترازو میں تول کے

وہ جلد باز اس طرح واپس ہوا کہ ہم
مفہوم بھی سمجھ نہ سکے میل جول کے

اس بےوفا کے واسطے خود کو کروں تباہ
پاگل تو میں نہیں کہ پیوں زہر گھول کے

چاروں طرف ہے ایک اندھیرا سا اے انا
اس کے بغیر لگتے ہیں دن تارکول کے
(انا دہلوی)​

 

بہت ہی کمال کر دیا آپ نے عبدالجبار بھائی ۔

ان اشعار کے آخر میں اگر “تھی“ کی جگہ “ہے“ لگا دیا جائے تو ساری نظم میری پیاری ماں پر مطابقت کرتی ہے۔

 

گوشہء درود

نعیم بھائی گوشہءدرود کے لیے یہ لنک دیکھیئے http://www.minhaj.org/org/index.php?con ... 40&lang=ur

 

ملے کسی سے نظر تو سمجھو غزل ہوئی

ظفرگورکھپوری کی ایک بہت ہی خوبصورت غزل، اسے اشوک کھوسلا نے گایا بھی ہے، ایک اور غزل ہے راہی مصوم رضا کی، سب نے سنی ہوگی مگر شاعر کا نام شاید نہیں معلوم ہوگا، اجنبی شہر کے اجنبی راستے میری تنہائی پر مسکراتے رہے، اسے بھی پہلے اشوک کھوسلا نے ہی گایا تھا اور سلمان علوی سے بہت اچھا گایا تھا، میرے پاس اس کی آڈیو ہے نہیں ورنہ ضرور آپ سے شیئر کرتے، یہ غزل جو یہاں لکھ رہا ہوں آپ نے سنی ہے، اگر نہیں سنی تو سنیئے گا۔

ملے کسی سے نظر تو سمجھو غزل ہوئی
رہے نہ اپنی خبر تو سمجھوں غزل ہوئی

ملا کے نظروں کو والہانہ حیا سے پھر
جھکالے کوئی نظر تو سمجھو غزل ہوئی

اِدھر مچل کر انہیں پکارے جنوں میرا
دھڑک اٹھے دل اُدھر تو سمجھو غزل ہوئی

اداس بستر کی سلوٹیں جب تمہیں چبھیں
نہ سو سکو رات بھر تو سمجھو غزل ہوئی

وہ بدگماں ہوں تو شعر سُوجھے نہ شاعری
وہ مہرباں ہوں ظفر تو سمجھو غزل ہوئی

 

ندیم بھائی ظفر گورکھپوری کی بہت عمدہ غزل ہے۔

اب ایک غزل ہماری پسند کی بھی عرض ہے۔

یہ دشتِ ہجر، یہ وحشت یہ شام کے سائے
خدا یہ وقت تری آنکھ کو نہ دکھلائے

اسی کے نام سے لفظوں میں چاند اترے ہیں
وہ ایک شخص کہ دیکھوں تو آنکھ بھر آئے

کلی سے میں نے گلِ تر جسے بنایا تھا
رتیں بدلتی ہیں کیسے، مجھے ہی سمجھائے

جو بے چراغ گھروں کو چراغ دیتا ہے
اس کہو کہ مرے شہر کی طرف آئے

یہ اضطرابِ مسلسل عذاب ہے امجد
مرا نہیں تو کسی اور ہی کا ہو جائے​

 

نعیم صاحب بہت اچھی غزل ہے
اس کے اوپر ندیم صاحب کی بھی اچھی ہے
اور عبدالجبار صاحب کی غزل بھی کمال ہے
میں بھی اگلی بار کوئی اچھی سی غزل لکھوں گی انشااللہ

 

شکریہ لاحاصل جی !
ویسے آپ کیا خود بھی کلام لکھتی ہیں ؟؟
کیونکہ آپ نے لکھا ہے “لکھوں گی“ ؟؟ یا پھر آپ کی مراد صرف ٹائپ کرنا ہے؟

 

اجنبی شہر کے اجنبی راستے

بہت شکریہ لاحاصل جی، ہمیں انتظار رہے گا آپ کی غزل کا، راہی مصوم رضا کی ایک غزل کا ذکر کیا تھا، بہت وقت ہوا اسے پڑھے یا سنے ہوئے، ترتیب سے اشعار یاد نہیں، جیسے یاد ہیں ویسے لکھ دیتے ہیں

اجبنی شہر کے اجنبی راستے میرے تنہائی پر مسکراتے رہے
میں بہت دیر تک یونہی چلتا رہا تم بہت دیر تک یاد آتے رہے

زخم جب بھی کوئی ذہن و دل پر لگا زندگی کی طرف اک دریچہ کھلا
ہم بھی گویا کسی ساز کے تار ہیں چوٹ کھاتے رہے گنگناتے رہے

زہر ملتا رہا زہر پیتے رہے روز مرتے رہے روز جیتے رہے
زندگی بھی ہمیں آزماتی رہی اور ہم بھی اسے آزماتے رہے

سخت حالات کے تیز طوفان میں گھر گیا تھا ہمارا جنوں وفا
ہم چراغ تمنا جلاتے رہے وہ چراغ تمنا بجھاتے رہے

کل کچھ ایسا ہوا میں بہت تھک گیا اس لیے سن کے بھی ان سنی کر گیا
کتنی یادوں کے بھٹکے ہوئے کارواں دل کے زخموں کے در کھٹکھاتے رہے​

 

واہ ندیم بھائی ! یہ شعر تو بہت ہی اچھا لگا۔

 

لتا جی سے سنی ایک غزل سے چند شعر حاضر ہیں۔

آنکھ سے دور نہ ہو دل سے اتر جائے گا
وقت کا کیا ہے گذرتا ہے گذر جائے گا

زندگی تیری عطا ہے تو یہ جانے والا
تیری بخشش تیری دہلیز پہ دھر جائے گا

ڈوبتے ڈوبتے کشتی کو اچھالا دے دوں
میں نہیں کوئی تو ساحل پہ اتر جائے گا

اتنا مانوس نہ ہو خلوتِ غم سے اپنی
تو کبھی خود کو بھی دیکھے گا تو ڈر جائے گا​