پسندیدہ غزلیات، نظمیات

بہت خوب خوشی آپی ۔ خوبصورت قطعہ ہے۔

 

بہت خوب خوشی جی ۔
واقعی تجربے کی بات ہے ۔ :yes:

 

آنسو نہ روک دامنِ زخمِ جگر نہ کھول
جیسا بھی حال ہو نگہء یار پر نہ کھول

جب شہر لُٹ گیا ہے تو کیا گھر کو دیکھنا
کل آنکھ نم نہیں تھی تو اب چشمِ تر نہ کھول

[highlight=#BFFFFF:qu9ae0va]چاروں طرف ہیں دامِ شنیدن بچھے ہوئے
غفلت میں طائرانِ معانی کے پر نہ کھول[/highlight:qu9ae0va]

کچھ تو کڑی کٹھور مسافت کا دھیان کر
کوسوں سفر پڑا ہے ابھی سے کمر نہ کھول

عیسیٰ نہ بن کہ اس کا مقدر صلیب ہے
انجیلِ آگہی کے ورق عمر بھر نہ کھول

امکاں میں ہے تو بند و سلاسل پہن کے چل
یہ حوصلہ نہیں ہے تو زنداں کے در نہ کھول

میری یہی بساط کہ فریاد ہی کروں
تو چاہتا نہیں ہے تو بابِ اثر نہ کھول

[highlight=#BFFFFF:qu9ae0va]تُو آئینہ فروش و خریدار کور چشم
اس شہر میں فراز دکانِ ہنر نہ کھول[/highlight:qu9ae0va]

احمد فراز​

 

فراز کی بہت عمدہ غزل ہے ۔
بہت خوب

 

بہت ہی خوب۔۔خوشی جی۔۔بہت عمدہ۔۔

 

:a180: :a180:

بہت خوب

 

بہت شکریہ آپ سب کا بڑی نوازش

 

دل جل رہا تھا غم سے مگر نغمہ گر رہا
جب تک رہا میں ساتھ میرے یہ ہنر رہا

صبح سفر کی رات تھی، تارے تھے اور ہوا
سایہ سا ایک دیر تک بام پر رہا

میری صدا ہوا میں بہت دور تک گئی
پر میں بلا رہا تھا جسے ، بےخبر رہا

گزری ہے کیا مزے سے خیالوں میں زندگی
دوری کا یہ طلسم بڑا کارگر رہا

خوف آسماں کے ساتھ تھاسر پر جھکا ہوا
کوئی ہے بھی یا نہیں ہے، یہی دل میں ڈر رہا

اس آخری نظر میں بڑا درد تھا منیر
جانے کا اس کے رنج مجھے عمر بھر رہا


منیر نیازی​

 

واہ واہ ۔۔۔بہت خوب ۔۔۔زبردست
:a180:

 

ساگراج صاحب۔ بہت اچھی شاعری ۔ :a180:

 

یا رب دل مسلم کو وہ زندہ تمنا دے
جو قلب کو گرما دے جو روح کو تڑپا دے
پھر وادی فاران کے ہر ذرہ کو چمکا دے
پھر شوق تماشا دے پھر ذوق تقاضا دے
محروم تماشا کو پھر دیدہ بینا ہے
دیکھا ہے جو کچھ میں نے اوروں کو بھی دکھلا دے
بھٹکے ہوئے آہو کو پھر سوئے حرم لے چل
اس شہر کے خوگر کو وسعت صحرا دے
پیدا دل ویران میں پھر شورش محشر کر
اس محمل خالی کو پھر شاہد لیلیٰ دے
اس دور کی ظلمت میں ہر قلب پریشان کو
وہ داغ محبت دے جو چاند کو شرما دے
رفعت میں مقاصد کو ہم دوش ثریا کر
خودداری ساحل دے آزادی دریا دے
بے لوث محبت ہو بے باک صداقت ہو
سینے میں اُجالا کر دل صورت مینا دے
احساس عنایت کر آثار مصیبت کا
امروز کی شورش میں اندیشہ فردا دے
میں بلبل نالاں ہوں اک اُجڑے گلستان کا
تاثیر کا سائل ہوں محتاج کو داتا دے
آمین ثم آمین​

 

آمین


بہت خوب کلام ھے :a180: مرزا آپی

 

السلام علیکم ۔ مسزمرزا بہنا۔ جزاک اللہ اتنا پیارا دعائیہ کلام ارسال فرمایا آپ نے۔
اللہ تعالی ہر ہر مصرعے کو دعا کے طور پر قبول فرمائے۔ آمین

 

شکریہ اور ثم آمین :happy:

 

اچھا کلام ہے مسز مرزا آپی :a180:

 

واہ خان جی بہت خوب :a180: اچھی شئیرنگ ھے

 

محبوب خان صاحب۔ آپ کا انتخاب لاجواب لگا۔ پڑھ کے مزہ آگیا۔ :a180:

 

بہت خوب محبوب خان بھائی ۔ اعلی شاعرانہ انتخاب ہے۔ ماشاءاللہ ۔ :101:

 

گھر سے نکلے اگر ہم بہک جائیں گے
دو گلابی کٹورے چھلک جائیں گے

نام پانی پہ لکھنے سے کیا فائدہ
لکھتے لکھتے مرے ہاتھ تھک جائیں گے

رفتہ رفتہ ہر اک زخم بھر جاۓ گا
سب نشانا ت پھولوں سے ڈھک جائیں گے

یہ پرندے بھی کھیتوں کے مزدور ہیں
اپنے گھر لوٹ کر شام تک جائیں گے

دن میں پریوں کی کوئی کہانی نہ سن
جنگلوں میں مسافر بھٹک جائیں گے

دشمنی کا سفر، اک قدم دو قدم
تم بھی تھک جاؤ گے ہم بھی تھک جائیں گے

بشیر بدر​

 

خواب کے پھولوں کی تعبیریں کہانی ہو گیئں
خون ٹھنڈا پڑ گیا آنکھیں پرانی ہو گیئں

جسکا چہرا تھا چمکتے موسموں کی آرزو
اس کی تصویریں بھی اوراق خزانی ہو گیئں

دل بھر آیا کاغذ خالی کی صورت دیکھکر
جن کو لکھنا تھا وہ سب باتیں زبانی ہو گیئں

جو مقدر تھا اسے تو روکنا بس میں نہ تھا
ان کا کیا کریں جو باتیں ناگہانی ہو گیئں

رہ گیا مشتاق دل میں رنگ یاد رفتگاں
پھول مہنگے ہو گئے قبریں پرانی ہو گیئں

احمد مشتاق

 

واہ ۔ بہنا جی ۔ کیا کہنے ۔ ایک ایک شعر بہت خوب ہے۔

بہت عمدہ ۔ :mashallah:

 

بہت خوب مرزا آپی :flor: