پسندیدہ غزلیات، نظمیات

عبدالجبار جی اور نعیم جی

آپ کے ارسال کردہ کلام بہت عمدہ ہیں

 

احمد فراز کی نظم حاضر ہے


یہ میری غزلیں یہ میری نظمیں
تمام تیری حکایتیں ہیں
یہ تذکرے تیرے لطف کے ہیں
یہ شعر تیری شکایتیں ہیں
میں سب تیری نذر کر رہا ہوں
یہ ان زمانوں کی ساعتیں ہیں
جو زندگی کے نئے سفر میں
تجھے کسی وقت یاد آئیں
تو ایک اک حرف جی اٹھے گا
پہن کے انفاس کی قبائیں
اُداس تنہائیوں کے لمحوں میں
ناچ اٹھیں گی یہ اپسرائیں
مجھے ترے درد کے علاوہ بھی
اور دکھ تھے میں مانتا ہوں
ہزار غم تھے جو زندگی کی
تلاش میں تھے یہ جانتا ہوں
یہ زخم گلزار بن گئے ہیں
یہ آہِ سوزاں گھٹا بنی ہے
اور ابیہ ساری متاعِ ہستی
یہ پھول یہ زخم سب ترے ہیں
جو تیری قربت تری جدائی
میں کٹ گئے روزوشب ترے ہیں
وہ تیرا شاعر وہ تیرا مغنی
وہ جسکی باتیں عجیب سی تھیں
وہ جسکے جینے کی خواہشیں بھی
خوداسکے اپنے نصیب سی تھیں
نہ پوچھ اسکا کہ وہ دیوانہ
بہت دنوں سے اُجڑ چکا ہے
وہ کوہکن تو نہیں تھا لیکن
کڑی چٹانوں سے لڑچکا ہے
وہ تھک چکاتھا اور اسکا تیشہ
اُسی کے سینے میں گڑچکا ہے

(احمد فراز)

 

بہت عمدہ کلام ہے۔ احمدفراز میرے پسندیدہ شعراء میں سے ہیں

 

میرا اپنا کئی برس پہلے لکھا ایک کلام اچانک سامنے آگیا ۔ آپ کی نذر کرتا ہوں

وہ میرا نہیں تو کس کا ہے ؟؟

میرے دل کی ہر ہر دھڑکن میں
جو جیون بن کے دھڑکتا ہے
وہ میرا نہیں تو کسی کا ہے؟

جو ہر سو اک خوشبو بن کر
میری سانسوں میں اترتا ہے

جوراتوں کو میری نیندوں میں
میرے سپنے بن کر آتا ہے

جو آئے تو میرے آنگن میں
اک نور اتر سا جاتا ہے

وہ زلفیں کبھی جو پھیلا دے
تو شب کا سماں ہو جاتا ہے

چہرہ جو وہ دکھلائے تو
پھر شب میں اجالا ہوتا ہے

اُس کو دیکھوں تو آنکھوں میں
اک چاند اتر سا جاتا ہے

جو چاند کبھی اُسے دیکھ لے تو
وہ خود شرما سا جاتا ہے

آنکھیں جو اُسکی جھیل سی ہیں
میرا دل بس ڈوبا جاتا ہے

یہ ہونٹ جب اُسکے ہلتے ہیں
کوئی پھول کِھلا سا جاتا ہے

وہ بولے تو یوں لگتا ہے
اک جھرنا بہتا جاتا ہے

اُس کو سوچوں تو یادوں میں
اِک گلشن کِھل کِھل جاتا ہے

اُس گلشن کا پتہ پتہ
بس اُسکی بات سناتا ہے

اُسکی باتیں جب سنتا ہوں
میرا دل پگھلا سا جاتا ہے

جب دل پگھلے اُس کی خاطر
تو چین میرا لُٹ جاتا ہے

جب چین میرا لُٹ جاتا ہے
اُسے بھولنے کو دل کرتا ہے

اُسے بھولنا چاہوں جتنا رضا
وہ اُتنا ہی یاد آتا ہے

وہ جتنا مجھے یاد آتا ہے
مجھے اتنا ہی تڑپاتا ہے

وہ میرا نہیں تو کس کا ہے ؟؟؟

 

بہت مربوط کلام ہے ۔ بہت خوب

 

جب تصور میں نہ پائیں گے تمہیں
پھر کہاں ڈھونڈنے جائیں گے تمہیں

تم نے دیوانہ بنایا مجھ کو
لوگ افسانہ بنائیں گے تمہیں

آہ میں کتنا اثر ہوتا ہے
یہ تماشا بھی دکھائیں گے تمہیں

درد کیا ہوتا ہے دلِ بسمل کا
وقت آیا تو دکھلائیں گے تمہیں

تیری کس بات نے رلایا ہے مجھے
پھر کبھی یاد دلائیں گے تمہیں

سیف الدین سیف​

 

قریہ جاں‌میں‌کوئی پھول کھلانے آئے
وہ مرے دل پہ نیا زخم لگانے آئے

میرے ویران دریچوں میں بھی خوشبو آئے
وہ مرے گھر کے دروباب سجانے آئے

اس سے اک بار تو رُوٹھوں میں‌اُسی کی مانند
اور مری طرح وہ مجھ کو منانے آئے

اسی کوچے میں‌کئی اس کے شناسا بھی تو ہیں
وہ کسی اور سے ملنے کے بہانے آئے

اب نہ پوچھوں گی میں کھوئے ہوئے خوابوں کا پتہ
وہ اگر آئے تو کچھ بھی نہ بتانے آئے

(پروین شاکر)​

 

ہم نے جن کیلیے راہوں پہ بچھایا تھا لہو
ہم سے کہتے ہیں وہی عہدِ وفا یاد نہیں
ہم نے پلکوں سے درِ یار پہ دستک دی ہے
میں وہ سائل ہوں جسے کوئی سدا یاد نہیں
زندگی جرمِ مسلسل کی طرح کاٹی ہے
جانے کس جرم کی پائی ہے سزا یاد نہیں
آؤ ایک سجدہ کریں عالمِ مدہوشی میں
لوگ کہتے ہیں کہ ساغر کو خدا یاد نہیں

 

زاہرا میرے خیال سے یہاں “باب“ ہونا چاہیے نہ کہ“ باپ“

 

ہاہاہاہاہاہاہاہاہاہا

​

 

ریحانہ قمر کی ایک خوبصورت غزل

پیار میں پاگل ہوجاتے ہیں
لوگ مکمل ہوجاتے ہیں

تم آنکھوں پر ہاتھ نہ رکھنا
ہم خود اوجھل ہوجاتے ہیں

تنہائی پر جھاڑتی ہے جب
خواب معطل ہوجاتے ہیں

جب سورج دیکھنے نکلوں
سر پر بادل ہوجاتے ہیں

تیرا اس میں دوش نہیں ہے
لوگ ہی پاگل ہوجاتے ہیں

درد پنیری بونے والو !!
گھر بھی جنگل ہوجاتے ہیں

(ریحانہ قمر)​

 

+++

 

بہت مزیدار کلام ہے اور اسی کلام کے لئے پنجابی کی لڑی میں ایک تھریڈ بنایا گیا تھا اور سب نے مل کر جو کلام مکمل صورت میں پیش کیا وہ شاید اصل ترتیب میں نہیں تھا آپ ذرا یہاں کلک کریں اور یہی کلام مذکورہ تھریڈ میں پیش کر سکتی ہیں ۔

 

جی شیرافضل بھائی کی تجویز درست ہے۔

مزاحیہ اور خاص طور پر پنجابی مزاحیہ شاعری کے لیے الگ سے چوپال موجود ہے

 

ہم ان سے دور ہوتے جارہے ہیں
بہت مجبور ہوتے جارہے ہیں

جنہیں گمنام رہنا چاہیئے تھا
وہی مشہورہوتے جارہے ہیں

سنبھل جاؤ کہ اب دشمن کے حملے
بہت بھرپورہوتے جارہے ہیں

کِھلے تھے زخم جو پھولوں کی صورت
وہ اب ناسورہوتے جارہے ہیں

سفر تو سوچ کا جاری ہے اور ہم
تھکن سے چورہوتے جارہے ہیں

زمانہ پھیلتا جاتا ہے جتنا
بشر محصورہوتے جارہے ہیں

(فیضان عارف)​

 

بہت خوب زاہرا جی ۔ یہ اشعار تو بہت عمدہ ہیں۔

 

عشق مِنت کشِ قرار نہیں
حُسن مجبورِ انتظار نہیں

تیری رنجش کی انتہا معلوم
حسرتوں کا مری شمار نہیں

اپنی نظریں بکھیر دے ساقی
مَے بہ اندازہء خمار نہیں

زیرِ لب ہے ابھی تبسمِ دوست
منتشر جلوہ ء بہار نہیں

اپنی تکمیل کر رہا ہوں‌میں
ورنہ تجھ سے تو مجھکو پیار نہیں

چارہء انتظار کون کرے
تیری نفرت بھی اُستوار نہیں

فیض زندہ رہیں، وہ ہیں تو سہی
کیا ہوا گر وفا شعار نہیں

(فیض)​

 

س

قابلِ تعریف ہے!!

 

س

​

ہوں ابھی آر کہ پار آیا ہوں
عمر ساری تو گزار آیا ہوں
میرے بس میں یہ کہاں تھا،کوئی
لہر تھی جس پہ سوار آیا ہوں
ہے یہ دیکھی ہوئی ہر شے،جیسے
میں یہاں دوسری بار آیا ہوں
وہ کہیں تھا کہ نہیں تھا موجود
ہر جگہ اس کو پکار آیا ہوں
جیت اور اس سے بڑی کیا ہو گی
اپنا سب کچھ اسے ہار آیا ہوں
بیٹھ جاؤں گا ابھی دم بھر میں
شہر پر مثلِ غبار آیا ہوں
دوست ہیں میرے مقابل اب کے
اپنے دشمن کو تو مار آیا ہوں
اور بھی لوگ ہیں کچھ ساتھ میرے
ایک آنا تھا،سو چار آیا ہوں
میں اعلانِ محبت کر کے
بوجھ اِک سر سے اتار آیا ہوں!!

 

واہ۔ کیا خوبصورت اشعار ہیں۔ بہت خوب سجیلہ جی۔

 

نعیم صاحب اور سجیلہ جی ۔ آپکے ارسال کردہ کلام بہت اچھے ہیں۔

ایک غزل میری پسند کی حاضر ہے

کچھ دیر کو تجھ سے کٹ گئی تھی
محور سے زمین ہٹ گئی تھی

تجھ کو بھی نہ مل سکی مکمل
میں‌اتنے دکھوں‌میں بٹ گئی تھی

شاید کہ ہمیں سنوار دیتی
جو شب آ کر پلٹ گئی تھی

رستہ تھا وہی پر بِن تمہارے
میں گرد میں کیسی اَٹ گئی تھی

پت جھڑ کی گھڑی تھی اور شجر تھے
اک بیل عجب لپٹ گئی تھی

(پروین شاکر)​

 

اچھا کلام ہے

 

بہت خوب ۔ نعیم، زاہرا، سجیلہ جی آپ سب کے کلام بہت پیارے ہیں۔

بہت خوب !

 

::

​

ابھی کیا کہیں ابھی کیا سنیں
کہ سرِفصیلِ سکوتِ جاں
کف روز و شب پہ شررنما
وہ جو حرف حرف چراغ تھا
اسے کس ہوا نے بجھا دیا
کبھی پھر ملیں گے تو پوچھنا
سرِ شہر عہدوصال دل
وہ جو نکہتوں کا ہجوم تھا
اسے دستِ موج فراق نے
تہ خاک کب سے ملا دیا
کبی گل کھلیں گے تو پوچھنا
کبھی بے وجہ کبھی بے سبب
کہاں کون کس سے بچھڑ گیا
کسے کب کسی نے گنوا دیا!

 

سجیلہ جی ۔ بہت ہی عمدہ کلام ہے۔ واقعی بہت گہرے احساسات پر مشتمل ہے۔

آخری قطعہ بہت پسند آیا۔ اگر یہ آپ کا اپنا کلام ہے تو کمال ہے۔

اتنا پیارا کلام ارسال کرنے پر شکریہ اور بہت ساری داد قبول فرمائیں۔

 

::

​

یا تونے شفق پھولتی عارض پہ نہ دیکھی
یا میں ہی تری بات کا مفہوم نہ سمجھی
مانع تھی حیا ورنہ تجھے پوچھ ہی لیتی
کیا میرے سبب سے تیری آنکھوں میں نمی تھی
میں اپنے خیالات میں گم تھی نہیں معلوم
کب شام ڈھلی رات ہوئی،چاندنی چھٹکی
لڑکی ہوں حیا آتی ہے یہ کیسے بتاؤں
جو بات کہی اس نے مرے دل میں وہی تھی!

 

::

​

راہوں میں پھرتے رہے دھول ہوتے رہے
ھمارے پاس کچھ محبت کے،الفت کے بیج تھے
ہر جگہ زمینِ وفا میں انکو بوتے رہے
نہ اگا کوئی پودا، نہ ھوا کوئی سودا
ھم نے فصلیں کاٹنی تھیں
اپنے بچوں میں بانٹنی تھیں
وپ منتظر استادہ تھے
انکے نین تقاضا تھے
ھمارے پاس کچھ اگر ھوتا
تو زمانہ بے فکر ھوتا
نہ قحط ِوفا ھوتا،نہ قتلِ صدا ھوتا
جو ہوتا تو صرف اتنا ھوتا
جو ھم خدا کے ھوتے
تو ھمارا خدا ھوتا!