پسندیدہ غزلیات، نظمیات

بہت خوب عبدالجبار بھائی ! بہت عمدہ

ذرا یہ بھی دیکھیئے

ایک وجہِ قرار باقی ہے
آپ کا انتظار باقی ہے

اپنی ہستی کا اعتبار نہیں
موت پر اختیار باقی ہے

اپنے دامن میں کوئی تار نہیں
سانس کا ایک تار باقی ہے

دور ہی بےوفا تھا آپ نہ تھے
آپ کا اعتبار باقی ہے

کارواں کوچ کر گیا واصف
کارواں کا غبار باقی ہے

(واصف علی واصف)​

 

تمہارے بعد یہ عادت سی ہو گئی اپنی
بِکھرتے سُوکھتے پتّے سنبھال رکھتے ہیں​

بہت پیارا کلام ہے عبدالجبار بھائی ! بہت خوب

 

عبدالجبار صاحب :a180:

 

محبت کی نظم

اگر کبھی میری یاد آۓ
تو چاند راتوں کی نرم دلگیر روشنی میں
کسی ستارے کو دیکھ لینا
اگر وہ نخل فلک سے اتر کر
تمہارے قدموں میں آ گرے تو
یہ جان لینا
وہ استعارہ تھا میرے دل کا
اوراگرکبھی میری یاد نہ آۓ!
مگر یہ ممکن ہی کس طرح ہے؟
کہ تم کسی پر نگاہ ڈالو
تو اس کی دیوار جاں نہ ٹوٹے
وہ اپنی ہستی نہ بھول جاۓ!!
اگر کبھی میری یاد آۓ
گریز کرتی ہوا کی لہروں پہ ہاتھ رکھنا
میں خشبووں میں تمہیں ملوں گا
مجھے گلابوں کی پتیوں میں تلاش کرنا
میں اوس قطروں کے آئینے میں تمہیں ملوں گا
اوراگر ستاروں میں، گلابوں میں اوراوس قطروں میں
نہ پاؤ مجھ کو
تو اپنے قدموں میں دیکھ لینا
میں گرد ہوتی مسافتوں میں تمہیں ملوں گا

(امجد اسلام امجد)​

 

بہت خوب شیرافضل بھائی ۔ کافی اچھا انتخاب ہے آپکا

 

شیرافضل صاحب۔ آپ کا ارسال شدہ کلام بہت عمدہ ہے

 

اسے اپنے فردا کی فکر تھی وہ جو میرا واقفِ حال تھا
وہ جو اس کی صبحِ عروج تھی وہی میرا وقتِ زوال تھا

کہاں جاؤ گےمجھےچھوڑ کے، میں یہ پوچھ پوچھ کے تھک گئی
وہ جواب مجھ کو دے نہ سکا وہ تو خود سراپا سوال تھا

وہ ملا تو صدیوں کے بعد بھی میرے لب پر کوئی گلہ نہ تھا
اسے میری چپ نے رلا دیا جسے گفتگو پر کمال تھا
(پروین شاکر)​

 

روز جی ۔ سب سے پہلے ہماری اردو پر خوش آمدید

اور آپ کا انتخابِ کلام بہت ہی عمدہ ہے

 

کبھی کسی کو نہ کمتر دکھائی دیتا ہوں
ہر اک نگاہ میں بہتر دکھائی دیتا ہوں

نہ دیکھ پائیں گی مجھ کو حسد بھری نظریں
جہانِ حسن میں اکثر دکھائی دیتا ہوں

حلیم طبع ہوں‌لیکن بوجہِ خود داری
کبھی خفا کبھی خود سر دکھائی دیتا ہوں

عجیب بات ہے رہتا ہوں مطمئن لیکن
میں بےقراروں کو مضطر دکھائی دیتا ہوں

بہت حسین ہیں جلوے نظر ہو گر پیدا
کمالِ عشق کا مظہر دکھائی دیتا ہوں

عروجِ شعر ہو عرفی کہ معجزہ فن کا
ادب کی راہ میں برتر دکھائی دیتا ہوں

(محسن عرفی)​

 

روز جی اور نعیم جی ! دونوں‌کا انتخاب بہت پیارا ہے۔
کچھ ہم بھی پیش کرتے ہیں


زندگی میں تو سبھی پیار کیا کرتے ہیں
میں تو مر کر بھی میری جان تجھے چاہوں گا

تو ملا ہے تو یہ احساس ہوا مجھ کو
یہ میری عمر محبت کے لیے تھوڑی ہے
اک ذرا غمِ دوراں کا بھی حق ہے جس پر
میں نے وہ سانس بھی تیرے لیے رکھ چھوڑی ہے
تجھ پہ ہو جاؤں گا قربان تجھے چاہوں گا
میں تو مر کر بھی میری جان تجھے چاہوں گا

اپنے جذبات میں نغمات رچانے کے لیے
میں نے دھڑکن کی طرح دل میں بسایا ہے تجھے
میں تصور بھی جدائی کا بھلا کیسے کروں
میں نے قسمت کی قسمت کی لکیروں‌سے چرایا ہے تجھے
پیار کا بن کے نگہبان تجھے چاہوں گا
میں تو مر کر بھی میری جان تجھے چاہوں گا

تیری ہر چاپ سے جلتے ہیں خیالوں‌میں چراغ
جب بھی تو آئے جگاتا ہوا جادو آئے
تجھ کو چھو لوں‌تو پھر اے جانِ تمنا مجھ کو
دیر تک اپنے بدن سے تری خوشبو آئے
تو بہاروں کا ہے عنوان تجھے چاہوں گا
میں تو مر کر بھی میری جان تجھے چاہوں گا

زندگی میں تو سبھی پیار کیا کرتے ہیں
میں تو مر کر بھی میری جان تجھے چاہوں گا

(شاعر مجھے معلوم نہیں)

 

واہ بھئی واہ۔
ہر کسی نے اتنا پیارا کلام بھیجا ہے کہ سمجھ میں نہیں آتا کس کس کی تعریف کی جائے۔ بہت خوب اور بہت اچھے

 

کچھ نہ سمجھے خدا کرے کوئی​

 

سمجھ سمجھ کے سمجھو، سمجھ کے سمجھنا بھی اک سمجھ ہے​

 

زاہرا جی پورا شعر ہی لکھ دیتیں !!
چلیں میں لکھے دیتا ہوں

سمجھ سمجھ کے سمجھو، سمجھ کے سمجھنا بھی اک سمجھ ہے
سمجھ سمجھ کے بھی جو نہ سمجھے میری سمجھ میں وہ ناسمجھ ہے​

 

بہت اچھی غزلیں پوسٹ کیں سب نے۔۔۔۔ کچھ میری طرف سے بھی
‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘

ہر کوئی دل کی ہتھیلی پہ ہے صحرا رکھے
کس کو سیراب کرے وہ کسے پیاسا رکھے

عمر بھر کون نبھاتا ہے تعلق اتنا
اے میری جان کے دشمن تجھے اللہ رکھے

ہم کو اچھا نہیں لگتا کوئی ہم نام تیرا
کوئی تجھ سا ہو تو پھر نام بھی تجھ سا رکھے

دل بھی پاگل ہے کہ اس شخص سے وابستہ ہے
جو کسی اور کا ہونے دے نہ اپنا رکھے

یہ قناعت ہے قطاعت ہے کہ چاہت ہے بھلا
ہم تو راضی ہیں وہ جس حال میں جیسا رکھے​

 

لاحاصل جی سارے کلام میں یہ شعر بالخصوص بہت اچھا لگا

 

لاحاصل جی بہت اچھا انتخاب کیا ہے۔
کچھ ٹائپنگ کی غلطیاں تھیں درست کیں ہیں۔

 

بہت خوب عبدالجبار بھائی ! بہت پیارا کلام ہے

 

بہت خوب

 

وفا رسوا نہیں کرنا
سنو ایسا نہیں کرنا
میں پہلے ہی اکیلی ہوں
مجھے تنہا نہیں کرنا
میری ان جھیل آنکھوں میں
کبھی صحرا نہیں کرنا
بھروسہ بھی ضروری ہے
مگر سب کا نہیں کرنا
مقدر پھر مقدر ہے
کوئی وعدہ نہیں کرنا
بہت مصروف ہو جانا
مجھے سوچا نہیں کرنا
جو لکھا ہے وہی ہو گا
کبھی شکوہ نہیں کرنا
جدائی بھی جو آئی تو
یہ دل چھوٹا نہیں کرنا
حقیقت ہے ملن اپنا
اسے سپنا نہیں کرنا
وفا رسوا نہیں کرنا
سنو ایسا نہیں کرنا۔۔۔۔۔۔۔۔

 

بہت خوب لاحاصل جی ! اچھا کلام ہے

 

بہت اچھا انتخاب ہے

 

منزلیں بھی اسی کی تھیں راستہ بھی اس کا تھا
میں ہی ایک اکیلا تھا سب قافلہ بھی اس کا تھا
ساتھ ساتھ چلنے کی سوچ بھی اسی کی تھی
پھر راستہ بدلنے کا فیصلہ بھی اس کا تھا
آج کیوں‌ اکیلا ہوں‌دل یہ سوال کرتا ہے
لو گ تو اسی کے تھے کیا خدا بھی اُس کا تھا ؟؟

 

بہت خوبصورت نظمیں، غزلیں اور شاعری ہے سب کی۔

میری طرف سے بہت بہت داد قبول کیجئے

 

بہت خوب عبدالجبار بھائی !! عمدہ نظم ہے۔

کچھ میں‌بھی عرض کروں

فلک پہ چاند کے ہالے بھی سوگ کرتے ہیں
جو تُو نہیں تو اجالے بھی سوگ کرتے ہیں

نگر نگر میں‌وہ بکھرے ہیں ظلم کے منظر
ہماری روح کے پھال بھی سوگ کرتے ہیں

اسے کہو کہ ستم میں وہ کچھ کمی کر دے
کہ ظلم توڑنے والے بھی سوگ کرتے ہیں

تم اپنے دکھ پہ اکیلے نہیں ہو افسردہ
تمہارے چاہنے والے بھی سوگ کرتے ہیں

(وصی شاہ)​

 

میری پسند


یونہی اجنبی نہ بنا کرو ، کبھی مسکرا کے ملا کرو
کبھی سن تو لو میرا حالِ دل کبھی مجھ سے کوئی گلہ کرو

تیری اک نظر تیری اک ادا ،میرے دل کو کر دیا لاپتہ
میرے دوستو ! میرے ہمنوا ! میرے دل کا کوئی پتہ کرو

میرے سامنے ہے سفر حسیں ،مجھے منزلوں کی خبر نہیں
میری منزلوں کا نشان ہو تم یونہی میرے ساتھ چلا کرو

یہ جو عشق ہے یہ ہے لادوا، یہ ہے درد جس کا ہے اک مزہ
مجھے عشق ہے میرے درد سے میرے درد کی نہ دوا کرو

یہ طریقِ عشق ہے کچھ تو ہو، یا وفا کرو یا جفا کرو
کوئی فیصلہ میرے مہرباں کوئی رسم تم بھی ادا کرو

نہ ہے زیست کا کوئی راستہ، نہ ہی خود کشی کا ہے حوصلہ
مجھے مار دو یا حیات دو، کوئی کام تم بھی کیا کرو

شاعر نامعلوم​