پسندیدہ غزلیات، نظمیات

شکریہ کاشفی بھائی ۔ آپ کا حسنِ نظر ہے :flor:

 

بارش ہوئی تو پھولوں کے تن چاک ہوگئے
موسم کے ہاتھ بھیگ کر سفاک ہوگئے

بادل کو کیا خبر ہے کہ بارش کی چاہ میں
کیسے بلند و بالا شجر خاک ہوگئے

[highlight=#FFFFFF:3tvou16f]جگنو کو دن کے وقت پرکھنے کی ضد کریں
بچے ہمارے عہد کے چالاک ہوگئے[/highlight:3tvou16f]

لہرا رہی ہے برف کی چادر ہٹا کے گھاس
سورج کہ شہہ پہ تنکے بھی بے خاک ہوگئے

بستی میں جتنے آبگزیدہ تھے سب کے سب
دریا کے رخ بدلتے ہی تیراک ہوگئے

سورج دماغ لوگ بھی ابلاغِ فکر میں
زلفِ شبِ فراق کے پیچاک ہوگئے

[glow=red:3tvou16f]جب بھی غریب شہر سے کچھ گفتگو ہوئی
لہجے ہوائے شام کے نمناک ہوگئے[/glow:3tvou16f]

پروین شاکر​

 

واہ بہت ہی اعلی انتخاب ہے آپ کا نعیم بھائی۔۔۔بہت ہی اعلی ۔۔۔ ۔۔۔پروین شاکر صاحبہ کو اللہ رب العزت جنت الفردوس میں اعلی مقام عطا کرے آمین ثم آمین۔۔۔
صلی اللہ علیہ وسلم

 

اچھا کلام ھے بہت خوب

 

واہ سبحان اللہ ۔ شاعر کی وارفتگی لائق ستائش ہے

پروین شاکر مرحومہ کی شاعری تصوراتی کم اور عملی و حقیقی زیادہ رہی ہے۔ یہاں بھی اسی درد کا اظہار ہے
نعیم بھائی ۔ بہت معیاری انتخاب ہے ۔ ماشاءاللہ

 

​

 

وسیم بھائی ۔ میرے ارسال کردہ پیغام کی پسندیدگی پر شکریہ ۔

آپ کا ارسال کردہ کلام بھی خوب ہے۔ اور ڈیزائینگ سے تو مزید چار چاند لگ گئے ہیں۔

 

واھ ۔۔۔ سبحان اللہ ۔۔ محبوب بھائی ۔
ایک ایک شعر دل و دماغ کو چھو لینے والا اور لائقِ تعریف ہے۔
بہت عمدہ کلام ہے ماشاءاللہ ۔
اور آپ کا انتخاب لائقِ ستائش ہے۔
:a180:

 

کسی کو اداس دیکھ کر

تمہیں اداس سا پاتا ہوں میں کئی دن سے
نہ جانے کون سے صدمے اٹھا رہی ہوتم
وہ شوخیاں وہ تبسم وہ قہقہے نہ رہے
ہر ایک چیز کو حسرت سے دیکھتی ہو تم
چھپا چھپا کے خموشی میں اپنی بے چینی
خود اپنے راز کی تشہیر بن گئی ہو تم

میری امید اگر مٹ گئی تو مٹنے دو
امید کیا ہے بس اک پیش و پس ہے کچھ بھی نہیں
میری حیات کی غمگینیوں کاغم نہ کرو
غمِ حیات غم یک نفس ہے کچھ بھی نہیں
تم اپنے حسن کی رعنائیوں پہ رحم کرو
وفا فریب ہے، طول ہوس ہے کچھ بھی نہیں

مجھے تمہارے تغافل سے کیوں شکایت ہو؟
مری فنا مرے احساس کا تقاضا ہے
میں‌ جانتا ہوں کہ دنیا کا خوف ہے تم کو
مجھے خبر ہے یہ دنیا عجیب دنیا ہے
یہاں حیات کے پردے میں موت پلتی ہے
شکستِ ساز کی آواز روحِ نغمہ ہے

مجھے تمہاری جدائی کا کوئی رنج نہیں
مرے خیال کی دنیا میں‌میرے پاس ہو تم
یہ تم نے ٹھیک کہا ہے تمہیں ملا نہ کروں
مگر مجھے یہ بتا دو کہ کیوں اداس ہو تم
خفا نہ ہونا مری جرأت تخاطب پر؟
تمہیں‌خبر ہے مری زندگی کی آس ہو تم

مرا تو کچھ بھی نہیں ہے میں رو کے جی لوں گا
مگر خدا کے لیے تم اسیرِ‌غم نہ رہو
ہوا ہی کیا جو زمانے نے تم کو چھین لیا
یہاں پہ کون ہوا ہے کسی کا، سوچو تو
مجھے قسم ہے مری دکھ بھری جوانی کی
میں خوش ہوں میری محبت کے پھول ٹھکرا دو

میں اپنی روح کی ہر اک خوشی مٹا لوں گا
مگر تمہاری مسرت مٹا نہیں سکتا
میں‌ خود کو موت کے ہاتھوں میں‌سونپ سکتاہوں
مگر یہ بارِ مصائب اٹھا نہیں سکتا
تمہارے غم کے سوا اور بھی تو غم ہیں مجھے
نجات جن سے میں اک لحظہ پا نہیں ‌سکتا

یہ اونچے اونچے مکانوں کی ڈیوڑھیوں کے تلے
ہر ایک گام پہ بھوکے بھکاریوں کی صدا
ہر ایک گھر میں ہے افلاس اور بھوک کا شور
ہر ایک سمت یہ انسانیت کی آہ و بکا
یہ کارخانوں میں لوہے کا شوروغل جس میں
ہےدفن لاکھوں غریبوں کی روح کا نغمہ

یہ شاہراہوں پہ رنگین ساڑھیوں کی جھلک
یہ جھونپڑوں میں‌غریبوں کے بے کفن لاشے
یہ مال روڈ پہ کاروں کی ریل پیل کا شور
یہ پٹڑیوں پہ غریبوں کے زرد رو بچے

گلی گلی میں یہ بکتے ہوئے جواں چہرے
حسین آنکھوں میں افسردگی سی چھائی ہوئی
یہ جنگ اور یہ میرے وطن کے شوخ جواں
خریدی جاتی ہے اٹھتی جوانیاں جن کی
یہ بات بات پہ قانون و ضابطے کی گرفت
یہ ذلّتیں، یہ غلامی یہ دورِ مجبوری

یہ غم بہت ہیں مری زندگی مٹانے کو
اداس رہ کے مرے دل کو اور رنج نہ دو

ساحر لدھیانوی​

 

واہ ۔ بہت خوب
ایک ایک بند دل و دماغ کو چھو کے گذر گیا۔
شاعرانہ حسن اپنے عروج اور اظہارِ خیال اپنی پوری گہرائیوں سے آشکار ہوتی ہے۔

بہت عمدہ انتخاب ہے

 

واہ بھئی ساحر کا یہ کلام میں نے پہلے کیوں نہیں پڑھا

:a180: :a165:

 

بہت شکریہ اظہار خیال کرنے کا نعیم بھائی۔۔۔۔۔۔۔خوش رہیئے :hpy:

 

دیر آید درست آید


پسنددیگی کا شکریہ

 

تری رحمتوں کے دیار میں ترے بادلوں کو پتا نہیں
ابھی آگ سرد نہیں ہوئی ابھی اک الاؤ بجھا نہیں

مری بزم دل تو اجڑ چکی مرا فرش جاں تو سمٹ چکا
سبھی جا چکے مرے ہمنشیں مگر ایک شخص گیا نہیں

دردبام سب نے سجا لیے سبھی روشنی میں نہا لیے
مری انگلیاں بھی جھلس گئیں مگر اک چراغ جلا نہیں

غم زندگی! تری راہ میں شب آرزو ! تری چاہ میں
جو اجڑ گیا وہ بسا نہیں جو بچھڑ گیا وہ ملا نہیں

جو دل ونظر کا سرور تھا مرے پاس رہ کے بھی دور تھا
وہی اک گلاب امید کا مری شاخ جاں پہ کھلا نہیں

پس کارواں سر رہگذر میں شکستہ پا ھوں تو اس لیے
کہ قدم تو سب سے ملا لیے مرا دل کسی سے ملا نہیں

مرا ہم سفر جو عجیب ھےتو عجیب تر ہوں میں‌آپ بھی
مجھے منزلوں کی خبر نہیں اسے راستوں کا پتا نہیں

 

واہ خوشی جی بہت خوب۔۔۔

 

شکریہ مبارز جی بڑی نوازش

 

ہر نئے موڑ پہ منزل کا گماں ہوتا ہے
ظلم وہ بھی ہے جوبےنام ونشاں ہوتا ہے

جھیلتے جاتے ہیں خاموشی سے ہرایک ستم
مسکرا لیتے ہیں جب درد جواں ہوتا ہے

کیسی خاموشی مری، کیسا تغافل میرا
ہر گھڑی ذکر ترا وردِ زباں ہوتا ہے

ہنس کے کہنے لگے "ذکراسکا بہت سنتے ہیں
کیسا ہوتا ہے یہ دکھ اور کہاں ہوتا ہے ؟ "

تیری آمد ہے نویدِ گل و نغماتِ صبا
تیرے جانے پہ قیامت کا سماں ہوتا ہے

اے پرستان کو جاتے ہوئے لوگو ! یہ کہو
میرے محبوب سا دنیا میں کہاں ہوتا ہے

معتدل لوگ ہی شہزاد بھلے ہوتے ہیں
حد سے بڑھتا ہوا ہر کام زیاں ہوتا ہے

آصف شہزاد​

 

میری پسندیدہ نظم

عجب سا لطف آتا ھے ۔ ۔ ۔

تیری آنکھو ں میں رھنےسے

کبھی میں کچھ ابھرتی ھوں ،

کبھی میں ڈوب جاتی ھوں

کبھی تو جیت ھو تی ھے

کبھی میں ہار جاتی ھوں ۔ ۔

کبھی تم شادماں ھو کے ،

خوشی کے گیت گاتے ھو

مجھے تم یاد آتے ھو ۔ ۔ ۔

کبھی شب بھر نھیں سونا

کبھی دن بھر یہ ھی رونا ، ،

کہ دل کے زخم گہرے ھیں

مگر یہ بھول جاتے ھیں ۔ ۔ ۔

مجھے تم یاد آتےھو

کبھی آنکھوں کے لہجے میں

اذان دل سناتے ھو ۔ ۔ ۔

کبھی جو روٹھ جاتی ھوں

مجھے تم خود مناتے ھو

مجھے تم یاد آتے ھو

کبھی تم زندگی سے ھو،

کبھی یہ زندگی تم سے

میں جب بھی ٹوٹ جاتی ھوں

مجھے تم خود مناتے ھو

مجھے تم یاد آتے ھو ۔ ۔ ۔

تمہاری الفتیں جاناں،میں اب تک بھول نہ پائ

خیالوں میں مجھے اب بھی برابر کیوں ستاتے ھو

مجھے تم یاد آتے ھو

مجھے کیوں یاد آتے ھو ؟؟​

 

ایکسلینٹ بہت خوب جناب۔۔۔۔زبردست۔۔۔

مجھے تم یاد آتے ھو

مجھے کیوں یاد آتے ھو ؟؟

 

اچھا کلام ھے اقرا جی :flor:

 

یہ دل یہ پاگل دل مرا کیوں بجھ گیا آوارگی!
اِس دشت میں اِک شہر تھا، وہ کیا ہُوا آوارگی!

کل شب مجھے بے شکل کی آواز نے چونکا دیا
میں نے کہا تُو کون ہے، اُس نے کہا ’’آوارگی‘‘

لوگو بھلا اُس شہر میں کیسے جیئیں گے ہم، جہاں
ہو جرم تنہا سوچنا لیکن سزا، آوارگی!

یہ درد کی تنہائیاں، یہ دشت کا ویراں سفر
ہم لوگ تو اُکتا گئے، اپنی سُنا آوارگی!

اک اجنبی جھونکے نے جب پوچھا مرے غم کا سبب
صحرا کی بھیگی ریت پر میں نے لکھا، ’’آوارگی‘‘

اُس سمت وحشی خواہشوں کی زد میں پیمانِ وفا
اِس سَمت لہروں کی دھمک، کچّا گھڑا، آوارگی

کل رات تنہا چاند کو دیکھا تھا میں نے خواب میں
محسن مجھے راس آئے گی شاید سدا ’’آوارگی‘

 

بہت خوب چیٹر بھائی۔ اس غزل کو پڑھتےہوئے غلام علی صاحب کی آواز کانوں میں گونجنے لگتی ہے۔

کافی دنوں بعد آپ کی واپسی ہوئی۔ کہاں غائب رہے؟؟ خیریت تو تھی؟؟ اللہ آپ کو خوش رکھے، آمین

 

واہ نعیم بھائی بہت خوبصورت غزل ہے۔
بہت خوب

بہت شکریہ شیئر کرنے پر


اقراء جی آپ کی نظم بھی اچھی ہے۔
:mashallah:

 

شکریہ ساگراج بھائی ۔ آپ کی محبت اور حسنِ ذوق ہے۔

 

واہ ۔خوب کلام ہے۔

 

واہ، کیا آوارگی ہے۔

 

ایک غزل آپکےسب کے ذوق کے نام

کٹ ہی گئی جدائی بھی ، کب یہ ہوا کہ مر گئے
تیرے بھی دن گذر گئے، میرے بھی دن گذر گئے

وقت ہی کچھ جدائی کا ، اتنا طویل ہو گیا
دل میں ترے وصال کے، جتنے تھے زخم ، بھر گئے

تیرے لیے چلے تھے ہم ، تیرے لیے ٹھہر گئے
تو نے کہا تو جی اٹھے، تو نے کہا تو مر گئے

آج بھی انتظار کا ، وقت حنوط ہو گیا
ایسے لگا کہ حشر تک سارے ہی پل ٹھہر گئے

بارشِ وصل وہ ہوئی ، سارا غبار دُھل گیا
وہ بھی نکھر نکھر گیا، ہم بھی نکھر نکھر گئے

[highlight=#FFFFFF:3i1q29jr]آبِ حیاتِ عشق کا بحر، عجیب بحر ہے
تَیرے تو غرق ہوگئے، ڈوبے تو پار اتر گئے[/highlight:3i1q29jr]

عدیم ہاشمی​