لفظ “درد“ پر شعر لکھیں

تن سے جاں لے کر بھی تُو جاں ہے ابھی
درد دے کر بھی تو درماں ہے ابھی

 

کتنے ہی سخت مقام آئے مگر جان فراز
نہ ترا درد ہی ٹھہرا نہ مرا دل ٹھہرا

 

بِن عکس آئینے کا ہنر بھی نہ کھُل سکا
بِن درد ملے قلب و نظر کو جِلا کہاں

 

اپنے تو کسی درد کا احساس نہیں ھے
دل میں ھیں سبھی درد پرائے نہیں جاتے

 

فقہیہِ شہر نے تہمت لگائی ساغر پر
یہ شخص درد کی دولت کو عام کرتا ہے

 

سب مجھے تکتے ہیں میرا دردِ پنہاں دیکھ کر
یعنی آنکھوں میں مری اشکوں کا طوفاں دیکھ کر

 

تم نہیں ھوتے تو پھر درد زمانے بھر کے
آن ملتے ھیں مجھے خاک نہ سر شام کے بعد

 

میری وفا کا صلہ ہے تو کوئی بات نہیں
یہ درد تم نے دیا ہے تو کوئی بات نہیں

 

مجھ سے لاوارث شاعر کی
درد بنا ھے ڈھال سہیلی

 

نہ زباں ہے شاعرانہ ، نہ بیاں‌ہے فاضلانہ
کوئی مجھ سے کیا سنے گا میرے درد کا فسانہ

 

شام تک قید رھا کرتے ھیں دل کے اندر
درد ہو جاتے ھیں سارے ہی رھا شام کے بعد

 

ا یک نفرت ہی نہیں‌ دنیا میں درد کا سبب فراز
محبت بھی سکوں‌ والوں‌کو بڑی تکلیف دیتی ہے

 

ہم نے کانٹوں کو بھی نرمی سے چھوا ہے اکژ
لوگ بے درد ہیں پھولوں کو مسل دیتے ہیں

 

وہیں درد و غم کا گلاب ہے ، جہاں کوئی خانہ خراب ہے
جسے جھک کے چاند نہ چوم لے، وہ محبتوں کی زمیں نہیں

 

میں انھی کے دم سے تو بانٹتا تھا نگر نگر زر زندگی
وہ جو درد تھا وہی مٹ گیا وہ جو زخم تھا وہی بھر گیا

 

آنکھوں میں لے کے جلتے ہوئے موسموں کی راکھ
دردِ سفر کو تن کا لبادہ کیے ہوئے
دیکھو تو کون لوگ ہیں آئے کہاں سے ہیں
اور اب ہیں کس سفر کا ، ارادہ کیے ہوئے ؟

امجد

 

اے یاد یار تجھ سے کریں کیا شکائیتیں
اے درد ہجر ہم بھی پتھر کے ہو گئے

 

دل میں درد ڈبو لیتے ہیں
تنہائی میں رو لیتے ہیں
ہر اک رنگ کے کھیت ہیں دل میں
جو چاہیں سو بو لیتے ہیں

فرحت

 

اک دل کا درد ہے کہ رہا زندگی کے ساتھ
اک دل کا چین تھا کہ سدا ڈھونڈتے رہے

 

بوڑھی ھو جاتی ھے کچھ اور تسلی فرحت
درد ھو جاتا ھے کچھ اور جواں شام کے بعد

 

درد سے میرا دامن بھر دے یا اللہ
پھر چاہے دیوانہ کردے یا اللہ

 

آرزو یہ نہیں کہ غم کا طوفان ٹل جائے
فکر تو یہ ہے کہ تمہارا دل نہ بدل جائے
کبھی بھی مجھ کو اگر بھلانا چاہو تم
درد اتنا دینا کہ میرا دم نکل جائے

 

ہم نے کانٹوں کو بھی نرمی سے چھوا ہے اکژ
لوگ بے درد ہیں پھولوں کو مسل دیتے ہیں

 

بات بس سے نکل چلی ہے
دل کی حالت سنبھل چلی ہے
جاؤ اب سو ۔۔ رہو ستارو
درد کی رات ڈھل چلی ہے

 

دل کے ویرانے کو کوئی شوخ سی رنگت دے دے
اے خدا ! مجھ کو اک ذرہء دردِ محبت دے دے !

نعیم رضا۔​

 

رہا نہ دل میں وہ بے درد اور درد رہا
مقیم کون ہُوا ہے مقام کس کا تھا

 

دنیا کو نہیں تاب مرے درد کی یارب
دے مجھ کو اسالیبِ فغاں اور طرح کے

 

دل ویراں ہے، تیری یاد ہے، تنہائی ہے
زندگی درد کی بانہوں میں سمٹ آئی ہے

 

دل کا دریا ہے یا درد کا صحرا ہے
آنسوؤں کے بادل ہیں پر برسات نہیں
نعیم رضا

 

شام تک قید رھا کرتے ھیں دل کے اندر
درد ھو جاتے ھیں سارے ہی رھا شام کے بعد