لفظ “درد“ پر شعر لکھیں

درد کے ماروں سے حال نہ پوچھ راشد
درد پیٹ میں ہے مگر دوا سر کی ہے

 

اک دل کا درد ہے کہ رہا زندگی کے ساتھ
اک دل کا چین تھا کہ سدا ڈھونڈتے رہے

 

میرے ہم نفس، میرے ہم نوا، مُجھے دوست بن کے دغا نہ دے
میں ہوں درد عشق سے جاں بلب، مُجھے زندگی کی دُعا نہ دے

 

بزمِ خیال میں تِرے حسن کی شمع جل گئی
درد کا چاند بجھ گیا ، ہجر کی رات ڈھل گئی

فیض​

 

اب کے دے وہ درد کہ نہ میں روؤں تمام عمر
اب کے لگا وہ زخم کہ جینا محال ہو

 

ہم بھی کیا ھیں کہ وہاں دل کی دوا پوچھتے ھیں
چارہ گر بھی ہو جہاں درد کے مارے کی طرح

 

ہمیشہ درد کی شدت کو وہ بڑھاتے ہیں
مرا مزاج مرے چارہ گر سمجھتے ہیں

 

دل نے دنیا کے ہر اک درد کو اپنا تو لیا
مضمحل روح کو اندازِ جنوں مل نہ سکا

 

ذرا سی بات پر اتنا تو مت بگڑو کہ سینے میں
ہمارا دل ہجوم درد سے دو نیم ہو جائے گا

 

لاکھ چھپائیں دردِ دل آنکھوں سے عیاں ہو جاتا ہے
آنسو کا ہر ایک قطرہ، خود ہی زباں ہو جاتا ہے

 

ٹپک چکا ھے بہت تیری آنکھ سے خونباب
برس چکا ھے بہت تیرے درد کا بادل

 

یا رب ! یہ درد مند ہے کس کی نگاہ کا
ہے ربطِ مشک و داغِ سوادِ ختن ہنوز

 

دردِ دل کا کوئی پہلو جو نکالوں تو کہوں
اپنی روٹھے ہوئے دلبر کو منالوں تو کہوں

 

وہ جس کا ساتھ ہمیں زندگی سے پیارا ہے
جو چھوڑ دے وہی ہمدم تو کیا ، کیا جائے
میری خرابیوں کے دشمن ذر بتا تو سہی
ٹلے نہ درد کا موسم تو کیا کیا جائے

 

اپنے تو کسی درد کا احساس نہیں ھے
دل میں ھیں سبھی درد پرائے نہیں جاتے

 

اپنے ہاتھوں میں لکیروں کے سوا کچھ بھی نہیں
دَرد مندوں کے مقدّر نہیں دیکھے جاتے

 

ہمارا دردہماری دکھی نوا سے لڑے
سلگتی آگ کبھی سر پھری ہوا سے لڑے

 

مری صبح تیرے سلام سے مری شام ہے تیرے نام سے
ترے درد کو چھوڑ کے جاؤں گا یہ خیال دل سے نکال دے

 

اب ترا ذکر بھی شاید ہی غزل میں آئے
اور سے اور ہوئے درد کے عنواں جاناں

 

اسی خیال میں گذری ہے شام درد اکثر
کہ درد حد سے بڑھے گا تو مسکرا دوں گا

محسن نقوی

 

خدا کی بستی میں ہر قدم پرکوئی ھے گریاں کسی کے غم میں
یہ درد تو درد مشترک ھے یہ آنکھ پر نم کہاں نہیں ھے

 

سنا ہے درد کی گاہک ہے چشم ناز اسکی
سو ہم بھی اس کی گلی سے گزر کے دیکھتے ہیں

 

کوئی غم ہو کوئی دکھ ہو درد کوئی ہو عدیم
مسکرانا پڑ ہی جاتا ھے زمانے کے لئے

 

اک دل کا درد ہے کہ رہا زندگی کے ساتھ
اک دل کا چین تھا کہ سدا ڈھونڈتے رہے

 

درد کا تاجر بانٹ رہا تھا گلیوں میں مجروح تبسّم
دِل کی چوٹ کوئی کیا جانے، زخم تو آنکھ میں گہرا دیکھا
تیرے بعد ہمارے حال کی ہر رُت آپ گواہی دے گی
ہر موسم نے اپنی آنکھ میں ایک ہی درد کا سایا دیکھا

 

بڑا درد کا رشتہ ھے یہ دل غریب سہی
تمہارے نام پہ آئیں گے غم گسار چلے

 

دل کو تمھارے نام کے آنسو عزیز تھے
دنیا کا کوئی درد سمونے نہیں دیا

 

عطائے درد میں وہ بھی نہیں تھا دل کا غریب
فراز میں نے بھی بخشش میں‌حد نہیں مانگی

 

بلبلا اٹھا صبر شدت سے
تب کہیں جا کے اک درد ہلا

 

خود سے روٹھوں‌تو کئی روز نہ خود سے بولوں
پھر کسی درد کی دیوار سے لگ کر رو لوں