لفظ “درد“ پر شعر لکھیں

میرے دامن میں ترے درد کے بعد
ایک سے ایک خزانہ ھے ابھی

 

ہجوم درد ميں کيا مسکرائیے کہ يہاں
خزاں ميں پھول کھلے بھي تو کون ديکھتا ہے؟

 

زندگی کے درد بوڑھا کر گئے
اور بڑھاپے میں جوانی کیا کروں

 

اس موسمِ گل ہی سے بہکے نہیں دیوانے
ساتھ ابرِ بہاراں کے وہ زلف بھی لہرائی
ہر دردِ محبّت سے الجھا ہے غمِ ہستی
کیا کیا ہمیں یاد آیا جب یاد تری آئی

 

کچھ بھی سمجھ میں‌اتا نہیں درد کے سوا
اتنے عجیب روح کے حالات کر گئی

 

ا یک نفرت ہی نہیں‌ دنیا میں درد کا سبب فراز
محبت بھی سکوں‌ والوں‌کو بڑی تکلیف دیتی ہے

 

شام ھے اور اداسی ھے بہت
درد کو وقت شناسی ھے بہت

 

کتنے ہی سخت مقام آئے مگر جانِ فراز
نہ تیرا درد ہی ٹھہرا نہ مرا دل ٹھہرا

 

دل ویراں ہے، تیری یاد ہے، تنہائی ہے
زندگی درد کی بانہوں میں سمٹ آئی ہے

 

درد ایسا ھے کہ مرہم کے بجائے ساجد
دل میں نشتر سا چھبو دینے کو جی چاہتا ھے

 

نہ دید ہے نہ سخن، اب نہ حرف ہے نہ پیام
کوئی بھی حیلہِ تسکین نہیں اور آس بہت ہے
امید یار، نظر کا مزاج، درد کا رنگ
تم آج کچھ بھی نہ پوچھو کہ دل اداس بہت ہے

 

یہ زمین درد کی نہر ھے یہ زمین پیار کا شہر ھے
میں اسی زمیں کا خوب ہوں مجھے آسمانوں کا ڈر نہیں

 

تھے بہت بے درد لمحے ختمِ دردِ عشق کے
تھیں بہت بے مہر صبحیں مہرباں راتوں کے بعد

 

اپنے تو کسی درد کا احساس نہیں ھے
دل سے میں ھیں سبھی درد پرائے نہیں جاتے

 

سوچتا ہوں کہ ابھی رنج سے آزاد ہے وہ
واقف درد نہیں خوگرِ آلام نہیں
سحر عیش میں اُس کی اثرِ شام نہیں
زندگی اُس کے لیے زہر بھرا جام نہیں

 

ہم نے کانٹوں کو بھی نرمی سے چھوا ہے اکژ
لوگ بے درد ہیں پھولوں کو مسل دیتے ہیں​

 

اے دردِ ہجر یار غزل کہہ رہا ہوں میں
بے موسمِ بہار غزل کہہ رہا ہوں میں

ناصر کاظمی

 

تم دل آزار بنے رشک مسیحا کب سے
کم نہ ہونے دو مرا درد سوا ہونے دو​

 

خوشی ملی تو کئی درد مجھ سے روٹھ گئے
دعا کرو میں پھر سے اُداس ہو جاؤں ​

 

اِک درد کا میلہ کہ لگا ہے دل و جان میں
اِک روح کی آواز کہ رستہ مجھے دینا

 

کیوں تیرے درد کو دیں تہمتِ ویرانیء دل
زلزلوں میں تو بھرے شہر اُجڑ جاتے ہیں

محسن نقوی​

 

ایک بے نام سی وحشت نے مجھے گھیر لیا
خوف نے درد نے حسرت نے مجھے گھیر لیا

 

درد بڑھ کر خود دوا ہو جائے تو ہم کیا کریں
چارہ گر ہم سے خفا ہوجائے تو ہم کیا کریں
اپنی جانب سے تو کی ہم نے ہمیشہ احتیاط
پھر بھی بھولے سے خطا ہوجائے تو ہم کیا کریں

 

تیرے در سے جو درد دل آشنا ھوا
قرار نہ رھا جب سے تیرا سامنا ھوا​

 

ہوتی جاتی ھے شب درد طویل
ایک مدت سے سحر غائب ھے

 

میں نے اس روز انہیں کھول کے دیکھا ہی نہ تھا
جانے کس درد کے خط تھے جو مرے نام آئے

 

بڑا ھے درد کا رشتہ یہ دل غریب سہی
تمہارے نام پہ آئیں گے غم گسار چلے