لفظِ “عشق“ پر شعر کہیں

زندگی اپنی بے کیف و ویراں گذر جاتی
اچھا ہواجوعشق نے لذتِ آگہی دے دی​

 

یہ عشق کی منزل ہے قدم سوچ کے رکھنا
دریائے محبت کے کنارے نہیں ہوتے !!

 

گو سلامت محملِ شامی کی ہمراہی میں ہے
عشق کی لذت مگر خطروں کی جانکاہی میں ہے

(علامہ اقبال )​

 

عشق میں نہ رکھ کوئی غرض نہ طلب
عشق تو ہے بس راہِ وفا و صداقت​

 

مکتبِ عشق کا انداز نرالا دیکھا
اُس کو چھٹی نہ ملی جس نے سبق یاد کیا

 

مکتبِ عشق کا انداز نرالا دیکھا
اُس کو چھٹی نہ ملی جس نے سبق یاد کیا

میرے خیال میں صحیح مصرعہ ہے۔

مکتبِ عشق کا دستور نرالا دیکھا

 

عشق کہ جسکےدین میں صبروسکوں حرام ہے
اک نظر کا کام ہے، اک اثر کا نام ہے ۔۔۔۔۔۔​

 

عشق، اور اس بتِ کافر کا، الہی!توبہ
نام بھی اس کا اگر لو، تو خدا سے پہلے

 

مجھے عشق ہے تجھی سے میری جان زندگانی
تیرے پاس میرا دل ہے میرے پیار کی نشانی​

 

عشق کو فریاد لازم تھی سو وہ بھی ہو چکی
اب ذرا دل تھام کر فریاد کی تاثیر دیکھ ۔۔۔​

 

رہا گردشوں میں ہردم میرے عشق کا ستارہ
کبھی ڈگمگائی کشتی کبھی کھو گیا کنارہ​

 

توڑ دے ہراک آس کی ڈوری ، آسوں میں‌کیا رکھا ہے؟
عشق محبت سب باتیں‌ہیں، ان باتوں میں‌کیا رکھا ہے؟​

 

عشق اول، عشق آخر، عشق کُل
عشق برگ و عشق نخل و عشق گُل​

 

کوئی اہلِ دل ہو تو سمجھے
عشق توفیق ہے گناہ نہیں ہے​

 

اوروں کا ہے پیام اور میرا پیام اور ہے
عشق کے دردمند کا طرزِ کلام اور ہے​

 

عشق ہمارے خیال پڑا ہے ، خواب گیا آرام گیا
جی کا جانا ٹھہر گیا ہے صبح گیا یا شام گیا​

 

آتشِ عشق جی جلاتی ہے
یہ بلا جان ہی پہ آتی ہے
ٹک خبر لے کہ ہرگھڑی ہمکو
اب جدائی بہت ستاتی ہے

(میر درد)​