لفظِ “عشق“ پر شعر کہیں

نہ پوچھو عشق میں کیسا لگے ہے
بھری محفل میں بھی دل نہ لگے ہے
میرے دل میں وہ جب سے آبسے ہیں
یہ عکسِ گنبدِ خضریٰ لگے ہے

(رضا)​

 

اسبابِ غمِ عشق بہم کرتے رہیں گے
ویرانیء دوراں پہ کرم کرتے رہیں گے​

 

عشق فنا کا نام ہے، عشق میں زندگی نہ دیکھ
جلوہء آفتاب بن، ذرّے میں روشنی نہ دیکھ​

 

کچھ اس قدر بھی تو آساں نہیں عشق تیرا
یہ زہر دل میں اتر کر ہی راس آتا ہے

محسن نقوی​

 

ہم کشتگانِ عشق ہیں ابروِ چشمِ یار
سر سے ہمارے تیغ کا سایہ نہ جائے گا

(میر)​

 

عشق ایسا عجیب دریا ہے
جو بنا ساحلوں کے بہتا ہے

امجد اسلام امجد​

 

عشق ایک سچ تھا جو تجھ سے بولا نہیں‌ کبھی
عشق اب وہ جھوٹ ہے جو بہت بولتا ہوں میں​

 

اس شہرِ خرابی میں ، غمِ عشق کے مارے
زندہ ہیں، یہ بات بڑی بات ہے پیارے​

 

دی عشق نے حرارت سوز دروں تجھے
اور گل فروش اشک شفق گوں کیا مجھے

علامہ اقبال​

 

کس سے کہیں اے جان کہ یہ قصہ عجیب ہے
کہنے کہ یوں تو عشق کا جادو ہے میرے پاس​

 

عشق نے غالب نکما کر دیا
ورنہ ہم بھی آدمی تھے کام کے​

 

کہتے ہیں عشق نام کے گذرے تھے اک بزرگ
ہم لوگ بھی مرید اسی سلسلے کے ہیں​

 

تھا مُوجدِ عشق بھی قیامت کوئی
لڑکوں کے لئے گیا ہے کیا کھیل نکال !

 

بُھلا دو عشق کو میرے مگر کہیں تم سے
زمانہ میری تباہی کا انتقام نہ لے ۔۔۔۔۔ !​

 

عشق کے ہاتھ سے نہ قیس نہ فرہاد بچا
اس کو گر دشت میں تو اس کو جبل میں مارا​

 

عشق میں دیدہ و دل، شیشہ و پیمانہ بنا
جھوم کر بیٹھے جہاں ہم وہیں مہ خانہ بنا​

 

خدا کے نام پہ کیا تم سے التجا کرتے
ذرا سے عشق میں گھبرا کے کیا دعا کرتے

ڈاکٹر سید بسمل​

 

یہ نشان عشق ہیں، جاتے نہیں
داغ چھاتی کے عبث دھوتا ہے کیا​

 

میدانِ وفا دربار نہیں یاں‌ نام و نسب کی پوچھ کہاں
عاشق تو کسی کا نام نہیں، کچھ عشق کسی کی ذات نہیں​

 

ہم آس بھی رکھتے ہیں تو ڈرتے ہیں قسم سے
یہ عشق ہے جو مرکے بھی جینے نہیں‌دیتا​

 

ہر حسن کی جفا میں، ہر عشق کی وفا میں
مخفی ہے ذات تیری، ربِّ کریم میرے

حسین محی الدین قادری​

 

پڑو نہ عشق میں خورشید ہم نہ کہتے تھے
تمہیں بتاوء کہ جی کا زیاں ہوا کہ نہیں

 

آجکل ہوتا ہے سوزِ عشق سے جل جل کے خاک
کھیلتی ہے شمع ساں سر پہ تیرے اے دل ! قضا

(آتش)

 

عرض نياز عشق کے قابل نہيں رہا
جس دل پہ ناز تھا مجھے، وہ دل نہيں رہا​

 

منصور کو ہوا لبِ گویا پیامِ موت
اب کیا کسی کے عشق کا دعویٰ کرے کوئی

اقبال

 

وہ عشق جو ہم سے روٹھ گیا اب اس کا حال بتائیں کیا
کوئی مہر نہیں کوئی قہر نہیں پھر سچا شعر سنائیں کیا​

 

اک امتحان میں ہوں، دل کا باب کس کو دوں ؟
نصابِ عشق پہ لکھی کتاب کس کو دوں ؟؟