لفظِ “عشق“ پر شعر کہیں

تیری یاد کا زخم گہرا نہیں ہے
مگر سوچ پر کوئی پہرہ نہیں ہے
نہیں ہے ترا حُسن کوئی عدالت
میرا عشق کوئی کٹہرا نہیں ہے

 

لٹاؤ جان تو بنتی ہے بات، کس نے کہا ؟
یہ بزمِ عشق میں رازِ حیات، کس نے کہا؟

 

عشق سے طبیعت نے زیست کا مزا پایا

درد کی دوا پائی، درد بے دوا پایا

 

سلامِ عشق میری جاں ذرا قبول کر لو
تم ہم سے پیار کرنے کی ذرا سی بھول کرلو

 

جا اور کوئی ضبط کی دنیا تلاش کر
اے عشق ہم تو اب ترے قابل نہیں رہے

 

حاصلِ عشق ترا حُسنِ پشیماں ہی سہی
میری حسرت تری صورت سے نمایاں ہی سہی

 

شمع بجھتی ہے تو اس سے دھواں اٹھتا ہے
شعلہء عشق سیاہ پوش ہوا میرے بعد
(غالب)​

 

محبت کی اسیری سے رہائی مانگتے رہنا
بہت آساں نہیں ہوتا، جدائی مانگتے رہنا
ذرا سا عشق کر لینا، ذرا نم آنکھ کر لینا
اور اسکے بعد پھرساری خدائی مانگتے رہنا

 

اس پرغلط ہے عشق میں الزامِ دشمنی
قاتل ہے میرے حجلہء جاں میں‌چھپاہوا

 

سخن شناس دوستوں کی خدمت میں ایک قیمتی شعر عرض ہے

عشق کا بت کدہ ویران نظر آتا ہے
ایک کافربھی نہیں بستی میں مسلمانوں کی

(ذوالفقار بخاری)​

 

عشق پر شعر

ع،ش،ق پر شعر ملاحظہ فرمائیے

عین کامنہ کھلاہے ایسا جیسے نانگن کا ناشتہ
شین کے تین نقطے روروکے کھتے ہیں۔عشق نہ کرنا تمھیں خدا کاواسطہ

اور جو قاف کی گولائی میں پھنس گیا ۔اسے ملتا نھیں باہرنکلنے کاراستہ​

 

حسن وعشق کی لاگ میں اکثرچھیڑادھرسےہوتی ہے
شمع کا جب لہرایا شعلہ، اڑ کے چلا پروانہ بھی

 

عشق کا اپنے نہ یوں چرچا کرو
اپنی خاطر مت اُسے رُسوا کرو

 

عشق کی دنیا میں‌کیا کیا ہم کو سوغاتیں ملیں
سُونی صُبحیں، روتی شامیں جاگتی راتیں‌ملیں

 

چاہت میں کیا دنیا داری، عشق میں کیسی مجبوری؟
لوگوں کا کیا سمجھانے دو، ان کی اپنی مجبوری ۔۔۔ !

 

تو مرے عشق کو اِک جذبہء عامی سمجھے
میں ترے حُسن کو آفاق میں‌ یکتا دیکھوں

 

اس شہر خرابی میں‌غمِ عشق کے مارے
زندہ ہیں ، یہی بات بڑی بات ہے پیارے

 

کس عشق کو اس معرکہء دل میں‌ہوئی جیت
اک چیز ہے لیکن یہ مری بے جگری بھی

 

لٹاؤ جان تو بنتی ہے بات کس نے کہا ؟
یہ بزمِ عشق میں رازِ حیات کس نے کہا؟

 

ترے عشق کی انتہا چاہتا ہوں
مری سادگی دیکھ کیا چاہتا ہوں

 

عشق کی چوٹ تو پڑتی ہے دلوں پہ یکساں
ظرف کے فرق سے آواز بدل جاتی ہے