لفظِ “دل“ پر شعر کہیں

لطفِ کلام کیا جو نہ ہو دل میں دردِ عشق
بسمل نہیں ہے تُو، تو تڑپنا بھی چھوڑ دے​

 

کیا دل میرا نہیں تھا تمہارا! جواب دو
برباد کیوں کیا ہے خدارا! جواب دو

 

یہ دل تم بن کہیں لگتا نہیں ہم کیا کریں
تمہی کہہ دو اب اے جانِ ادا ہم کیا کریں؟​

 

عشق کو فریاد لازم تھی سو وہ بھی ہو چکی
اب ذرا دل تھام کر فریاد کی تاثیر دیکھ ۔۔۔

 

کوئی دل کے کھیل دیکھے کہ محبتوں کی بازی
وہ قدم قدم میں جیتے میں قدم قدم پہ ہارا​

 

دلِ بے خبر تجھے کیا ہوا؟
اسے بھول جا،اسے بھول جا

 

نیّتِ شوق بھر نہ جائے کہیں
تو بھی دل سے اُتر نہ جائے کہیں​

 

یہ دل کہ تیرے بعد بہلتا ہی نہیں
تم ہی بتلاؤ کیسے اسے رام کیا جائے​

 

جانے پھر یاد تیری کون سے پہلو آئے ۔۔۔
دل یہ کہتاہے تجھےاپنےگماں میں رکھ لوں​

 

رضا دل کے پھپھولوں کہ نہ دکھلانا زمانے کو
کہ بہروپِ طبیباں میں یہاں جلاد بستے ہیں​

 

سر میں سودا ہے،نہ سامانِ جنوں ہے دل میں
اب یہ عالم ہے میری بے سر و سامانی کا

 

دلِ بسمل میں مقید نالہ و آہ و فغاں
بعد مرنےکےیہی نکلامراکُل ساماں​

 

یہ رسمِ بزمِ فنا ہے اے دل! گناہ ہے جنبشِ نظر بھی
رہے گی کیا آبرو ہماری جو تو یہاں بیقرار ہوگا​

 

مر کی جگہ بُجھ نہیں‌آتا ؟؟؟

آنکھ سے دور نہ ہو دل سے اتر جائے گا
وقت کا کیا ہے گذرتا ہے گذر جائے گا​

 

کسی نظر کو تیرا انتظار آج بھی ہے
کہاں ہوتم کہ یہ دل بیقرار آج بھی ہے​

 

دل سے رخصت ہوئی کوئی خواہش
کوئی گریہ بے سبب نہیں ہوتا

(میر)​

 

بیانِ حالِ دل کرتے بھی کیوں سرِ محفل
کہ یہاں واقفِ حال ہی نظر نہیں ‌آتا​

 

دِل میں ہر وقت چبھن رہتی ہے
تھی مجھے کس کی طلب یاد نہیں​

 

چارہء دل سوائے صبر نہیں
سو تمھارے سوا نہیں ہوتا!​

 

دل میں‌ بکھرے ہوئے جالوں سے پریشان نہ ہو
میرے گذرے ہوئے سالوں‌سے پریشان نہ ہو
اے نئے دوست ! میں بھرپور ہوا ہوں تیرا
میرے ماضی کے حوالوں سے پریشان نہ ہو

(وصی شاہ)​