لفظِ “دل“ پر شعر کہیں

ہمیں یاد ہو تو بتائیں بھی ذرا دھیان ہوتو بتائیں بھی
کہ وہ دل جومحرمِ رازتھاکہاں رسم وراہ میں جل گیا

(سلیم کوثر)​

 

++++

 

مسزمرزا باجی ۔ ماشاءاللہ بہت خوبصورت کلام ہے ۔

۔۔۔۔۔۔۔۔۔۔۔۔۔۔۔۔

قسم ہے حضرتِ دل ہی کے آستانے کی
ہوس ہو جی میں جو دیر و حرم کو جانے کی

(میر درد)​

 

+++

 

دل میں ذوقِ وصل و یادِ یار تک باقی نہیں
آگ اس گھر کو لگی ایسی کہ جوتھا جل گیا

(غالب)​

 

+++

 

دل کی بے تابی کا آخر کہیں‌ انجام تو ہے
میری قسمت میں نہیں، دہر میں آرام توہے​

 

پریشاں ہو کے میری خاک آخر دل نہ بن جائے
جو مشکل اب ہے یا رب پھر وہی مشکل نہ بن جائے
کبھی چھوڑی ہوئی منزل بھی یاد آتی ہے راہی کو
کھٹک سی ہے جو سینے میں غم منزل نہ بن جائے
عروج آدم خاکی سے انجم سہمے جاتے ہیں
کہ یہ ٹوٹا ہوا تارا کہیں مہ کامل نہ بن جائے

علامہ اقبال​

 

حالِ دل سن کے آزردہ ہو گئے شاید انکو
میری حکایت پہ شکایت کا گماں گذرا ہے

(سالک)​

 

کوئی کیوں کسی کا لبھائے دل، کوئی کیا کسی سے لگائے دل
وہ جو بیچتے تھے دوائے دل وہ دوکان اپنی بڑھا گئے​

 

بعد مدت کے پھر آج ان کا خیال آیا ہے
ایک دیا تو میں دل کے کھنڈر میں رکھوں​

 

پتھر دل بے حس لوگوں کو یہ نکتہ کیسے سمجھائیں
عشق میں کیا بے انت نشہ یے یہ کیسی سرشاری ہے​

 

آنکھ میں‌ بوند نہیں دل میں سمندر رکھنا
دولتِ درد کو سدا دل ہی کے اندر رکھنا​

 

دل میں کتنے مسودے تھے ولے
ایک پیش اس کے روبرو نہ گیا
ہر قدم پر تھی اس کی منزل لیکن
سر سے سودائے جستجو نہ گیا​

 

دل میں‌ اک دردِ محبت کے سوا کچھ بھی نہیں
زندگی میری عبادت کے سوا کچھ بھی نہیں​

 

کوئی اہلِ دل ہو تو سمجھے
عشق توفیق ہے گناہ نہیں ہے​

 

گو دل شکن ہیں ان کی تغافل شعاریاں
اس پر بھی مجھ کو ان سے محبت ہے کیا کروں

شکیل بدایوانی​

 

ہنستے ہیں دنیا کے لیے ہم بادلِ نخواستہ
ورنہ سچ یہ ہے پشیمانِ تمنا ہم بہت ہیں​

 

:201: بادل میں سے دل میرا بھائی ہی نکال سکتا ہے :201:

خدا گواہ کہ خوشیاں بہت ملیں لیکن
یہ کیا کروں جو اداسی ہی دل کے اندر ہو

سعود عثمانی​

 

ارے نہیں باجی ۔ وہ لفظ دراصل “بادل“ نہیں بلکہ یہ لفظ فارسی کا ہے “با دلِ نخواستہ “
“با“ اور “دل“ اور“ نخواستہ“ جس کا معنی یوں ہوتا ہے

با = ساتھ
دل= دل
ن= نہ یا نہیں
خواستہ = چاہنا یا چاہت وغیرہ

تو اب پورا لفظ اور اسکا معنی یوں بنے گا

بادلِ نخواستہ = نہ چاہتے ہوئے دل کے ساتھ (یعنی مجبوراً)

یعنی یہ اردو والا “بادل“ اور انگریزی والا Cloudsاور جرمن والاWolken نہیں ہے

------------------------------------------------------------------
اب دل پر اگلا شعر حاضر ہے

دل پر ایک طرفہ قیامت کرنا
مسکراتے ہوئے رخصت کرنا
جرم کسکا تھا سزا کسکو ملی
اب کسی سے نہ محبت کرنا

(پروین شاکر)​

 

OK! WIZARD

 

ماضی و دوش کا ہر داغ ہے فردا کا چراغ
کاش یہ شام و سحر صرفِ دل و جاں ہوتے

(ضمیر جعفری)​

 

::

​

دل کے دریا میں جو رہتا ہے اس کی فکر ہے
اتنے گہرے پانیوں میں ڈوب نہ جائے کہیں

 

نیتِ شوق بھر نہ جائے کہیں
تو بھی دل سے اتر نہ جائے کہیں​

 

::

آرائشِ خیال بھی ہو دل کشادہ بھی ہو

وہ درد اب کہاں جِسے دل چاہتا بھی ہو!​

 

دل بہلتا ہے کہاں‌ انجم و مہتاب سے بھی
اب تو ہم لوگ گئے دیدہء بےخواب سے بھی
رو پڑا ہوں تو کوئی بات بھی ایسی ہوگی
میں کہ واقف تھا ترے ہجر کے آداب سے بھی

(احمد فراز)​