فرحت عباس شاہ کی شاعری

تو پھر پسندیدگی کا شکریہ قبول کر لیں :yes:

ویسے میرے علم میں نہیں کہ پہلے پوسٹ ہوئی ہے یا نہیں :nose:

 

واپسی


کوئی رات یاد نہیں رہی

کوئی شام پاس نہیں رہی

کوئی دن اداس نہیں رہا

ترے عشق میں

مرے دل کی ساری ریاضتیں

کسی گہری دھند میں کھو گئیں

مجھے میرے دکھ میں ڈبو گئیں

 

اچھی شاعری ہے۔ بہت خوب

ابھی ابھی ایک دوسری لڑی میں بھی یہ نظم پڑھی تو میں وہاں آپ سے پوچھ رہا تھا کہ یہ نظم آپکی اپنی ہے یا کہیں سے انتخاب ہے۔
اب جواب بھی مل گیا۔ شکریہ

 

لاکھ دوری ہو مگر عہد نبھاتے رہنا
جب بھی بارش ہو مرا سوگ مناتے رہنا

تم گئے ہو تو سر شام یہ عادت ٹھہری
بس کنارے پہ کھڑے ہاتھ ہلاتے رہنا

جانے اس دل کو یہ آداب کہاں سے آئے
اس کی راہوں میں نگاہوں کو بچھاتے رہنا

ایک مدت سے یہ معمول ہوا ھے اب تو
آپ ہی روٹھنا اور آپ مناتے رہنا

تم کو معلوم ھے فرحت کہ یہ پاگل پن ھے
دور جاتے ہوئے لوگوں کو بلاتے رہنا

 

ایک غزل پر تیسری بار داد قبول فرمائیے خوشی جی ۔
اچھا کلام ہے۔

 

شکریہ بھی تیسری بار قبول کیجیے

 

شدتیں

بے تحاشا ھے تجھے یاد کیا

اور بھلایا بھی بہت ھے تجھ کو

ساری رونق ہی ترے دم سے ھے

اور ترے بکھرے ہوئے غم سے ھے

جس قدر

میں نے تعلق ترا محسوس کیا

اتنی گہرائی تو روحوں میں ہوا کرتی ھے

جس قدر

میں نے تری ذات کو خود میں پایا

اتنی یکتائی کہاں ملتی ھے

فاصلے وقعتیں کھو بیٹھے ھیں

دوریاں پھیکی پڑیں

اتنی شدت سے تجھے سوچا ھے

اتنی شدت ست تجھے چاہا ھے

شدتیں عشق کی معراج ہوا کرتی ھیں

 

واہ
بہت خوب

 

شکریہ ساگراج جی اس پسندیدگی کا

 

ضائع کرتے تھے ملاقاتوں کو
ہم سمجھتے ہی نہ باتوں کو

ان کو عادت ھے مری آنکھوں کی
کون سمجھائے گا برساتوں کو

کتنے معصوم ھیں وہ لوگ کہ جو
کچھ سمجھتے ہی نہیں راتوں کو

وہ مجھے دام میں لانے کے لئے
کام میں لایا مداراتوں کو

ہم کہاں مانتے ھیں ذاتوں کو
پاس رکھو اپنی سبھی ساداتوں کو

آستینوں پہ توجہ دے کر
تاڑ لیتا ہوں کئی کھاتوں کو

 

:a180: :a165:

 

بہر شکریہ ساگراج جی اس پسندیدگی کا بڑی نوازش

 

آنکھ بن جاتی ھے ساون کی گھٹا شام کے بعد
لوٹ جاتا ھے اگر کوئی خفا شام کے بعد

وہ جو ٹل جاتی رھی سر سے بلا شام کے بعد
کوئی تو تھا کہ جو دیتا تھا دعا شام کے بعد

آہیں بھرتی ھے شب ہجر یتیموں کی طرح
سرد ھو ھاتی ھے ھر روز ھوا شام کے بعد

شام تک رھا کرتے ھیں دل کے اندر
درد ھو جاتے ھیں سارے ھی رھا شام کے بعد

لوگ تھک ھار کے سو جاتے ھیں لیکن جاناں
ھم نے خوش ھو کے ترا درد سہا شام کے بعد

خواب ٹکرا کے پلٹ جاتے ھیں‌بند آنکھوں سے
جانے کس جرم کی کس کو ھے سزا شام کے بعد

چاند جب رو کے ستاروں سے گلے ملتا ھے
اک عجب رنگ کی ھوتی ھے فضا شام کے بعد

ھم نے تنہائی سے پوچھا کہ ملو گی کب تک
اس نے بے چینی سے فورا ھی کہا شام کے بعد

میں اگر خوش بھی رھوں پھر بھی مرے سینے میں
سوگواری کوئی روتی ھے سدا شام کے بعد

تم گئے ھو تو سیہ رنگ کے کپڑے پہنے
پھرتی رھتی ھے مرے گھر میں قضا شام کے بعد

لوٹ آتی ھے مری شب کی عبادت خالی
جانے کس عرش پہ رھتا ھے خدا شام کے بعد

دن عجب مٹھی میں‌جکڑے ھوئے رکھتا ھے مجھے
مجھ کو اس بات کا احساس ھوا شام کے بعد

کوئی بھولا ھوا غم ھے جو مسلمل مجھ کو
دل کے پاتال سے دیتا ھے صدا شام کے بعد

مار دیتا ھے اجڑ جانے کا دہرا احساس
کاش ھو کوئی کسی سے نہ جدا شام کے بعد

 

کہیں جذبوں کی یورش ھے

محبت میں نہ جانے فاصلوں کی ریت کیسی ھے
کہیں الفاظ کے انبار ھیں پر لکھ نہیں سکتے
کہیں جذبوں کی یورش ھے
مگر کچھ کہہ نہیں سکتے
کہیں کچھ بھی نہیں ھے
پھر بھی کہنا پڑتا ھے
کبھی احساس پوروں کے کنارون پر اگا ھے
پھر بھی اس کو چھو نہیں سکتے
کبھی خود لمس اتنا دور ھے کہ خواب سا محسوس ہوتا ھے
کبھی خوش ھیں
تو پلکوں کی نمی سے پھوٹتی لرزش نہیں جاتی
کبھی دل کرب کی شدت سے جیسے پھٹ رہا ہوتا ھے
لیکن ہنسنا پڑتا ھے
محبت میں نہ جانے فاصلوں کی ریت کیسی ھے
اسے بے چہرگی کا دکھ کہوں یا بے بسی کا دکھ
اسے واپس پلٹنا پڑ گیا ھے
اور مجھے کہنا پڑا ھے

راستے لوٹا نہیں کرتے

 

خوشی غزل اور نظم دونوں بہت خوبصورت ہیں۔ بہت شکریہ شیئر کرنے پر۔

 

خوشی صاحبہ ۔ آپ کی پسند آپکی طرح لاجواب ہے

 

کیا بات ہے خوشی جی۔۔بہت ہی خوب۔۔۔داد قبول کریں۔۔۔

 

ساگراج جی عقرب جی اور مبارز جی بہت شکریہ پسندیدگی کا بڑی نوازش مہربانی

 

ایک بے نام سی وحشت نے مجھے گھیر لیا
خوف نے درد نے حسرت نے مجھے گھیر لیا

بس اسی موڑ سے مڑنا تھا مجھے تیری طرف
ہائےکس جا پہ ضرورت نے مجھے گھیر لیا

یہ جو بے وجہ مخالف ہوا جاتا ھے نگر
در حقیقت مری شہرت نے مجھے گھیر لیا

کوئی بے نام کشش تھی جو مجھے مار گئی
ایک معمولی سی صورت نے مجھے گھیر لیا

آج بھی راہ بدل کر میں چلا تھا لیکن
آج بھی اس کی محبت نے مجھے گھیر لیا

 

تیسری بار بھی یہی کہنا ہے کہ ۔۔
اچھا کلام ہے۔ :a180:

 

شام کا درد پپوٹوں میں سمٹ آیا ھے


مستقل دکھ نے اڑائی ھے بہت یاد کی راکھ

ہم بھلا سکتے ھیں وہ بھی جو نہیں ھے ممکن

یہ الگ بات کہ احساس کی شریانوں میں

ہر فراموشی اتر کر ہمیں ڈس جاتی ھے

جانے حالات سے اور وقت سے کیا رشتہ ھے؟

جانے کس بھولے ہوئے زخم کی رسوائی ھے؟

جانے کس بچھڑے ہوئے روگ کا ھے پچھتاوا؟

جانے آنکھوں کو کیوں یہ رنگ سخن بھایا ھے

شام کا درد پپوٹوں میں سمٹ آیا ھے

 

اپنی تصویر رکھوں رات کی الماری میں
کوئی تو میرا بھی رہ جائے نشاں شام کے بعد

 

ہجر کے مستقل عذاب میں ہوں
میں ابھی تک تمہارے خواب میں ہوں

وہ بہت پرسکون ھے فرحت
اور میں ہوں کہ اضطراب میں ہوں

ایک مدت گزر گئی ھے مجھے
میں تری ذات کے سراب میں ہوں

اپنے پہ آنسوؤں کا قیدی ہوں
ایک مدت سے شہر آب میں ہوں

جیسے دکھ ہوں مگر ہوں سینے میں
جیسے پانی ہوں اور سحاب میں ہوں

 

یہ مصرعہ یوں ہوتا تو شاید خوب تر ہوجاتا۔

ایک مدت سے زندگی کے صحرا میں
میں تری ذات کے سراب میں ہوں

مجموعی طور پر بہت عمدہ کلام ہے۔

 

یقینا یہ مصرع ایسے ہی ہوتا اگر فرحت عباس شاہ آپ کے پایے کے شاعر ہوتے :hpy:

 

شہر برباد ہو رہا ھےابھی
اور تو ھے کہ سو رہا ھے ابھی

دیکھ ویران ہو رہا ھے جہاں
اور تو داغ دھو رہا ھے ابھی

تیرے اندر بھی کوئی دکھ ھے
میرے اندر بھی رو رہا ھے کوئی​

 

شام تک قید

رہا کرتے ھیں دل کے اندر
درد ہو جاتے ھیں سارے ہی رہا شام کے بعد​

 

بہت عمدہ غزل ہے۔ بہت ہی خوب۔

اور یہ شعر بھی بہت اچھا ہے۔

اچھی کولیکشن ہے ہمیشہ کی طرح۔

 

شکریہ ساگراج جی کوئی تو ھے جسے میری طرح شاہ جی کی شاعری پسند ھے

 

زبردست شاعری کی کولیکشن کی ہے خوشی صاحبہ نے ، کمال کیا زبردست محنت کی ،
مجھے فرحت عباس شاہ صاحب کی کافی شاعری اس جگہ اکٹھی مل گئی ،
اس لیے میں خوشی صاحبہ کا مشکور و ممنون ہوں