سوالیہ بیت بازی

جواب: سوالیہ بیت بازی

ساقی سبھی کو ہے غمِ تشنہ لبی، مگر
مے ہے اُسی کی نام پہ جس کے اُبل پڑے
۔۔۔۔۔۔۔۔۔۔۔۔۔۔۔۔۔۔

گئی بہار تو پھر کون حال پوچھے گا؟
کرو نہ چاہنے والوں سے اِجتناب بہت

 

جواب: سوالیہ بیت بازی

کسی کسی کو ہے اس التفات کا ادراک
وہ التفات کسی کے جو اجتناب میں ہے
۔۔۔۔۔۔۔۔۔۔۔۔۔۔۔
چھوڑے تھے جس کی آس پہ دونوں جہاں رسا
پُوچھے وہی نہ بات تو جاؤں کِدھر کو میں؟

 

جواب: سوالیہ بیت بازی

کس طرح چھوڑ دوں اس شہر کو اے موجِ نسیم
یہیں جینا ہے مجھے اور یہیں مرنا ہے مجھے
۔۔۔۔۔۔۔۔۔۔۔۔۔۔۔۔

دریدہ پیرہنوں کا خیال کیا آتا؟
امیرِ شہر کی اپنی ضرورتیں تھیں بہت

 

جواب: سوالیہ بیت بازی

کون ہے جو نہیں ہے حاجت مند
کس کی حاجت روا کرے کوئی
غالب
۔۔۔۔۔۔۔۔۔۔۔۔۔
شرع و آئین پر مدار سہی
ایسے قاتل کا کیا کرے کوئی

 

جواب: سوالیہ بیت بازی

چشمِ قاتل، میری دُشمن تھی ہمیشہ، لیکن
جیسی اب ہو گئی قاتل کبھی ایسی تو نہ تھی
۔۔۔۔۔۔۔۔۔۔۔

لہو کی بُوند بھی اے تیرِ یار! دل میں نہیں
یہ فکر ہے کہ تواضع کروں میں کیا تیری؟

 

جواب: سوالیہ بیت بازی

بہت شور سنتے تھے پہلو میں دل کا
جو چیرا تو اک قطرہ خوں نہ نکلا
۔۔۔۔۔۔۔۔۔۔۔۔۔۔۔۔
کیوں آ کے ہر اک شخص میرے زخم کریدے
کیوں میں بھی ہر اک شخص کو حال اپنا سناؤں

 

جواب: سوالیہ بیت بازی

نہ رہا کوئی شناسا کہ جو حال چال پُوچھے
پسِ پردہ تھے جو روشن، وہ سلام بجھ گئے ہیں
۔۔۔۔۔۔۔۔۔۔۔۔۔۔۔

اُمیدِ وصل پر، دل کو فریبِ صبر کیا دیجے؟
ادا وحشی صفت اُس کی، نظر بیگانہ وار اُس کی

 

جواب: سوالیہ بیت بازی

مل رہے گا جو ان سے ملنا ہے
لب کو شرمندہٴ دعا نہ کریں
صبر مشکل ہے، آرزو بے کار
کیا کریں عاشقی میں کیا نہ کریں
۔۔۔۔۔۔۔۔۔۔
اِس خرابے میں بگولہ سی پھر ے ہے کس کی یاد
اِس دیارِ رفتگاں میں ہاؤ ہو کرتا ہے کون؟

 

جواب: سوالیہ بیت بازی

اپنوں کی عنایت کا یہی حال رہا ہے
ہم اپنے رقیبوں کے سِتم یاد کریں گے
۔۔۔۔۔۔۔۔۔۔۔۔۔۔۔۔۔


اس قدر نالاں وہ گر اُلفت کی یکسانی سے ہے
کس لئے ہوتا نہیں اس قید سے آزاد پھر؟

 

جواب: سوالیہ بیت بازی

ہم اپنے آپ میں گم تھے ہمیں خبر کیا تھی
کہ ماورائے غمِ جاں بھی ایک دنیا تھی
وفا پہ سخت گراں ہے ترا وصالِ دوام
کہ تجھ سے مل کے بچھڑنا مری تمنا تھی
......................
ناصحا تجھ کو خبر کیا کہ محبت کیا ہے
روز آ جاتا ہے سمجھاتا ہے یوں ہے یوں ہے

 

جواب: سوالیہ بیت بازی

محبت کیا ہے، دل کا درد سے معمور ہو جانا
متاعِ جاں کسی کو سونپ کر ،مجبور ہو جانا
۔۔۔۔۔۔۔۔۔۔۔۔۔


تجھ سے کس طرح میں اظہارِ تمنّا کرتا
لفظ سُوجھا تو معنی نے بغاوت کر دی

 

جواب: سوالیہ بیت بازی

غیروں سے کہا تم نے غیروں سے سنا تم نے
کچھ ہم سے کہا ہوتا ،کچھ ہم سے سنا ہوتا
۔۔۔۔۔۔۔۔۔۔۔۔۔
نالہ کیا کیجے، فغاں کیا کیجے
دل نہیں لگتا یہاں، کیا کیجے

 

جواب: سوالیہ بیت بازی

خدا کا گھر سمجھ رکھا ہے اب تک ہم نے جس دل کو
قتیل اس میں بھی اک بُت خانہ بن جائے، تو کیا کیجے
۔۔۔۔۔۔۔۔۔۔۔۔۔۔۔۔۔

چاندنی شب بھی نہ تھی آج، نہ رُت پُھولوں کی
کیوں چلی ایسی ہوا؟ یاد تِری آئی بہت

 

جواب: سوالیہ بیت بازی

اس زندگی میں اتنی فراغت کسے نصیب
اتنا نہ یاد آ کہ تجھے بھول جائیں ہم
۔۔۔۔۔۔۔۔۔۔۔۔۔
وہ سمندر ہے تو پھر رُوح کو شاداب کرے
تشنگی کیوں مجھے دیتا ہے سرابوں کی طرح
پروین شاکر

 

جواب: سوالیہ بیت بازی

ہم پہلے تشنگی کی حدوں سے گزر تو جائیں
سارے سراب، آبِ بقا ہونے والے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ہے نجد میں سکوت، ہواؤں کو کیا ہُوا
لیلائیں ہیں خموش، دِوانے کِدھر گئے

 

جواب: سوالیہ بیت بازی

فرازؔ اب کہاں ملتے ہیں ہوش والے بھی
وگرنہ شہر میں کیا کیا دِوانہ آگے تھا
۔۔۔۔۔۔۔۔۔۔۔۔۔۔۔۔۔۔۔۔
رے شہر میں چلا تھا جب تو کوئی بھی ساتھ نہ تھا مرے
تو میں کس سے محوِ کلام تھا؟ تو یہ کس کی ہمسفری رہی؟

 

جواب: سوالیہ بیت بازی

خدا وہ دن نہ دِکھائے کہ میرا ہمراہی
سفر بھی ساتھ کرے اور ہمسفر بھی نہ ہو
۔۔۔۔۔۔۔۔۔۔۔۔۔۔۔۔۔۔۔۔

اس شہر میں ہو جُنبشِ لب کا کسے یارا
یاں جُنبشِ مژگاں بھی گُنہگار کرے ہے

 

جواب: سوالیہ بیت بازی

حق بات پہ کٹتی ہیں تو کٹنے دو زبانیں
جی لیں گے میرے یار بہ اندازِ دگر بھی
۔۔۔۔۔۔۔۔۔۔۔۔۔۔۔۔
جب بھی گئے عذابِ در و بام تھا وہی
آخر کو کِتنی دیر سے گھر جانا چاہیے

 

جواب: سوالیہ بیت بازی

گھر کہاں‌ گھر رہا، تنہائی ہے، دیواریں ہیں
ہم نہ جی پائیں گے ایسے نئے انداز کے ساتھ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

تنہائیاں پُکارتی رہتی ہیں، آؤ، آؤ
اے بیکسی بتا! کہیں اِس سے مفر بھی ہے؟

 

جواب: سوالیہ بیت بازی

شہر سو جاتا ہے لیکن گونجتا رہتا ہے دل
میں اس ہجومِ یاس کو کیسے تنہائی کہوں
۔۔۔۔۔۔۔۔۔۔۔۔۔
ہم زمیں زادے، ستاروں سے ہمیں کیا واسطہ؟
دل میں ناحق خواہشِ تسخیر لے کر کیا کریں

 

جواب: سوالیہ بیت بازی

ترکِ دنیا کا ارادہ ہی کیا تھا کہ وہ شخص
آ گیا خواہشِ دنیا کو جگانے کے لئے
۔۔۔۔۔۔۔۔۔۔۔۔۔۔۔۔۔۔۔۔۔۔

ہم سے نام جنُوں کا قائم، ہم سے دَشت کی آبادی
ہم سے درد کا شِکوہ کرتے، ہم کو زخم دِکھاتے ہو؟

 

جواب: سوالیہ بیت بازی

نام بخشا ہے تجھے کس کے وفورِ غم نے
گر کوئی تھا تو ترے مجرمِ شہرت ہم تھے
۔۔۔۔۔۔۔۔۔۔۔۔۔۔۔۔۔
بات نے بات اُلجھنے کی یہ خُو کیسی ہے؟
یہ بتا تیرا بچھڑنے کا ارادہ تو نہیں؟

 

جواب: سوالیہ بیت بازی

سُنتا ہوں، چند سال قبل خود سے بچھڑ گیا تھا میں
شکوہ کروں تو کس کا میں، رنج کروں تو کیا کروں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بچھڑ کے تم سے قیامت گزر گئی دل پر
جو اب بھی اشک نہ بہتے تو اور کیا کرتے

 

جواب: سوالیہ بیت بازی

یہ کس مقام پہ سوجھی تمھیں بچھڑنے کی
اب تو جا کے کہیں دن سنورنے والے تھے
۔۔۔۔۔۔۔۔۔۔۔۔۔۔۔۔۔۔
جو عمر تھی وہ گوشہ نشینی میں کٹ گئی
اب کاروبار جنسِ ہنر، کیا کروں گا میں؟
سیف الدین سیف

 

جواب: سوالیہ بیت بازی

میں بے ہنر تھا سو حیرت میں گم ہُوا خالدؔ
کہ ہر قدم پہ یہاں لوگ با کمال ملیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پھرتا ہوں مثلِ موج کناروں کے درمیاں
آسودگی اِدھر نہ اُدھر، کیا کروں گا میں

 

جواب: سوالیہ بیت بازی

زندگی خوابِ پریشاں سے زیادہ تو نہیں
اس میں تعبیر بھی مل جائے یہ وعدہ تو نہیں
۔۔۔۔۔۔۔۔۔۔۔۔۔۔۔۔۔
مِٹ جائے گی مُخلوق تو انصاف کرو گے
منصف ہو تو اب حشر اُٹھا کیوں نہیں دیتے؟

 

جواب: سوالیہ بیت بازی

انصاف تو ہوتا ہے، معیار الگ ہوں گے
میں ساری سزا لوں گا، تم ساری جزا لو گے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔


کیا شباب! تُو جو بگڑتا ہے ظفرؔ سے ہر بار
خُو تیری حُورِ شمائل، کبھی ایسی تو نہ تھی؟

 

جواب: سوالیہ بیت بازی

سمومِ وقت نے لہجے کو زخم زخم کیا
وگرنہ ہم نے قرینے صبا کے رکھے تھے
۔۔۔۔۔۔۔۔۔۔۔۔۔۔۔
کوئی جائے طور پہ کس لئے کہاں اب وہ خوش نظری رہی؟
نہ وہ ذوق دیدہ وری رہا ، نہ وہ شان جلوہ گری رہی

 

جواب: سوالیہ بیت بازی

ہے گراں، غم خانۂ ہستی میں ذوقِ بے خودی
خُم کے خُم چھلکا کے ہم اس ذوق کو ارزاں کریں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

آئینہ سامنے رکھیں تو نظر تُو آئے
تُجھ سے جو بات چُھپانی ہو کہا کس سے کریں

 

جواب: سوالیہ بیت بازی

نہیں‌ جس میں تیری تجلیاں ، اسی جانچتی ہے نظر کہاں
تیرے نور کا نہ ظہور ہو تو وجود بھی ہے عدم سے کم
۔۔۔۔۔۔۔۔۔۔۔۔۔۔۔۔۔۔۔۔
فرازؔ تم نے عبث شوق سے سجائے سخن
کہاں وہ قامتِ جاناں کہاں قبائے سخن