سوالیہ بیت بازی

جواب: سوالیہ بیت بازی

اسے ہر ایک کے لیے کھلا نہ رکھ قتیل
یہ دل ہے ایک گھر اسے بازار مت بنا
۔۔۔۔۔۔۔۔۔۔۔۔۔۔۔
سیلِ غم رکتا نہیں ضبط کی دیواروں سے
جوشِ گریہ تھا تو میں گریہ کناں کیوں نہ ہوا

 

جواب: سوالیہ بیت بازی

اجنبی فضاؤں میں اجنبی مُسافر سے
اپنے ہر تعلق کو دائمی سمجھ لینا
اور جب بچھڑ جانا، مانگنا دُعاؤں کا
ریت اِس نگر کی ہے
اور جانے کب سے ہے
۔۔۔۔۔۔۔۔۔۔۔۔۔۔۔۔۔۔۔
اے جانِ داستاں! تجھے آیا کبھی خیال
وہ لوگ کیا ہوئے جو تری داستاں کے تھے؟

 

جواب: سوالیہ بیت بازی

ترے قریب آ کے بڑی الجھنوں میں ہوں
میں دوستوں میں ہوں کہ ترے دشمنوں میں ہوں
۔۔۔۔۔۔۔۔۔۔۔۔۔۔۔۔۔۔۔۔۔۔
نہ اُنہیں تیری خبر ہے، نہ تجھے اُن کا پتا
کس خرابے میں ترے گوشہ نشیں زندہ ہیں؟

 

جواب: سوالیہ بیت بازی

مجھے اشتہار سی لگتی ہیں یہ محبتوں کی کہانیاں
جو کہا نہیں وہ سنا کرو، جو سنا نہیں وہ کہا کرو
۔۔۔۔۔۔۔۔۔۔۔۔۔۔۔۔۔۔
ہے کون بر لبِ ساحل ، کہ پیشوائی کو
قدم اُٹھائے بہ اندازِ موج ، دریا ، نے؟

 

جواب: سوالیہ بیت بازی

یاس کی چھاؤں میں سونے والے
جاگ اور شورِ درا غور سے سُن
برگِ آوارہ بھی اک مطرب ہے
طائرِ نغمہ سرا غور سے سُن
۔۔۔۔۔۔۔۔۔۔۔۔۔۔۔۔۔۔۔۔۔
جب دشت دشت اس نے بکھیرا میرا وجود
پھر کیوں چمن چمن میں پکارے صبا مجھے

 

جواب: سوالیہ بیت بازی

ہمیں خبر ہے کہ ہم ہیں چراغ آخر شب
ہمارے بعد اندھیرا نہیں اجالا ہے
۔۔۔۔۔۔۔۔۔۔۔۔۔۔
تم تو ناحق مری باتوں کا برا مان گئے
میں نے جو کچھ بھی کہا تم سے ، بجا ہے کہ نہیں؟

 

جواب: سوالیہ بیت بازی

اے موجِ بلا سہل نہیں ہم سے الجھنا
ہم وہ ہیں کہ موجِ حوادث میں پلے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھوک پھیلی ہے چار سُو یا رب
کھیت میں کنزِ بے بہا کیا ہے؟

 

جواب: سوالیہ بیت بازی

جس کھیت سے دہقاں کو میسر نہ ہو روزی،
اس کھیت کے ہر خوشہ گندم کو جلا دو۔

۔۔۔۔۔۔۔۔۔۔۔۔۔۔۔۔۔۔۔۔۔

ہاتھ آتی ہے متاعِ الفت
ہاتھ ملتے ہیں خریدار یہ کیا
خوبیاں کل تو بیاں ہوتی تھیں
آج ہے شکوۂ اغیار یہ کیا؟

 

جواب: سوالیہ بیت بازی

شکوہ کروں کہ مان لوں احسانِ راہبر
مجھ کو گرا گرا کے سہارا دیا گیا
۔۔۔۔۔۔۔۔
اب جفا کی صراحتیں بیکار
بات سے بھر سکا ہے گھاؤ کبھی؟

 

جواب: سوالیہ بیت بازی

ہمیں نے ترک تعلق میں پہل کی کہ فراز
وہ چاہتا تھا مگر حوصلہ نہ تھا اس کا
۔۔۔۔۔۔۔۔۔۔۔۔
یہ بیگانہ روی پہلی نہیں تھی
کہو تم بھی کسی کے ہو گئے کیا

 

جواب: سوالیہ بیت بازی

باغِ بہشت سے مجھے اذنِ سفر دیا تھا کیوں
کارِ جہاں دراز ہے اب میرا انتظار کر
۔۔۔۔۔۔۔۔۔۔۔۔۔۔۔۔۔۔۔
وہ جبر ہے کہ سوچ بھی لگتی ہے اجنبی
ایسے میں کس سے بات کریں کیا زباں کُھلے

 

جواب: سوالیہ بیت بازی

عزیز کیوں نہ ہو ماضی کا ہر ورق ہم کو
کہ چند سوکھے ہوئے پھول اس کتاب میں ہیں
۔۔۔۔۔۔۔۔۔۔۔۔۔۔۔۔۔
اے ہَوا اے میرے دِل کے شہر سے آتی ہَوا
تجھ کو کیا پیغام دے کر اُس نے بھیجا اَس طرف؟

 

جواب: سوالیہ بیت بازی

سمومِ وقت نے لہجے کو زخم زخم کیا
وگرنہ ہم نے قرینے صبا کے رکھے تھے
۔۔۔۔۔۔۔۔۔۔۔۔۔۔
کسے نذر دیں دل و جاں بہم کہ نہیں وہ کاکُلِ خم بہ خم
کِسے ہر نفس کا حساب دیں کہ شمیمِ یار بھی اب نہیں

 

جواب: سوالیہ بیت بازی

میں کپڑے بدل کر جاؤں کہاں اور بال بناؤں کس کے لیے
وہ شخص تو شہر ہی چھوڑ گیا ۔ میں باہر جاؤں کس کے لیے

۔۔۔۔۔۔۔۔۔۔۔۔۔۔۔

کوئی بولے گا تو آواز سُنائی دے گی
ہُو کا عالم ہو تو مضمون صدا کیا باندھیں ؟

 

جواب: سوالیہ بیت بازی

خامشی حاصلِ موسیقی ہے
نغمہ ہے نغمہ نما غور سے سُن
ناصر کاظمی
۔۔۔۔۔۔۔۔۔۔۔۔۔۔۔
اے جانِ داستاں! تجھے آیا کبھی خیال
وہ لوگ کیا ہوئے جو تری داستاں کے تھے؟

 

جواب: سوالیہ بیت بازی

ہم کہ عشّاق نہیں ، اور کبھی تھے بھی نہیں
ہم تو عشّاق کے سائے بھی نہیں!
عشق اِک ترجمۂ بوالہوسی ہے گویا
عشق اپنی ہی کمی ہے گویا!
ن م راشد
۔۔۔۔۔۔۔۔۔۔۔۔۔۔۔۔
تیرا انداز ِ تخاطب، ترا لہجہ، ترے لفظ
وہ جسے خوف ِ خدا ہوتا ہے، یوں بولتا ہے؟

 

جواب: سوالیہ بیت بازی

ہم کو اپنی خبر نہیں یارو.
تُم زمانے کی بات کرتے ہو
۔۔۔۔۔۔۔۔۔۔۔۔۔۔
دشت بھی اس کے مکیں، شہر بھی اس سے آباد
تو جہاں آن بسے، دل وہ مکاں کیوں نہ ہوا