بیت بازی

یوں تو میں ہس پڑا ہوں تمہارے لئے مگر
کتنے ستارے ٹوٹ پڑے اِک ہسی کے ساتھ​

 

بہانہ مل نہ جائے بجلیوں کو ٹوٹ پڑنے کا
کلیجہ کانپتا ہے، آشیاں کو، آشیاں کہتے​

 

ہمیں کوئی غم نہیں‌ تھا غمِ عاشقی سے پہلے
نہ تھی دشمنی کسی سے تیری دوستی سے پہلے

 

یہی کافی ہے آپس کے بھرم نہ ٹوٹنے پائیں
کبھی بھی دوستوں کو آزما کر کچھ نہیں ملتا​

 

اگر کج رو ہیں انجم، آسماں تیرا ہے یا میرا
مجھے فکرِ جہاں کیوں ہو، جہاں تیرا ہے یا میرا

اگر ہنگامہ ہائے شوق سے ہے لا مکاں خالی
خطا کس کی ہے یا رب! لامکاں تیرا ہے یا میرا

اسے صبحِ ازل انکار کی جرآت ہوئی کیونکر
مجھے معلوم کیا، وہ رازداں تیرا ہے یا میرا

اسی کوکب کی تابانی سے ہے تیرا جہاں روشن
زوالِ آدمِ خاکی، زیاں‌تیرا ہے یا میرا
(اقبال)

 

لا پھر اک بار وہی بادہ و جام اے ساقی
ہاتھ آ جائے مجھے میرا مقام اے ساقی!

 

یہ مے کشی سہی، توبہ کو اِس سے عار نہیں
حلال ہے ، جو نظر سے پلائی جاتی ہے​

 

یہ کیا کہ حکم بھی کرنا تو التجا کی طرح
انیس یوں‌نہ سراہو اسے خدا کی طرح

 

حُسن سے عشق کی باتیں بھی ہوئی تھیں اک دن
ہم نے اُس شوخ کو ، اُس نے ہمیں پہچانا تھا

لاکھ ٹُھکرایا ہمیں تو نے مگر ہم نہ ٹلے
تیرے قدموں سے الگ ہو کہ کہاں جانا تھا؟​

 

اک دانش نورانی، اک دانش برہانی
ہے دانش برہانی، حیرت کی فراوانی

اس پیکر خاکی میں‌اک شے ہے،سو وہ تیری
میرے لئے مشکل ہے اس شے کی نگہبانی

اب کیا جو فغاں میری پہنچی ہے ستاروں تک
تو نے ہی سکھائی تھی مجھ کو یہ غزل خوانی

(اقبال)​

 

یہ پیام دے گئی ہے مجھے بادِ صبح گاہی
کہ خودی کے عارفوں کا ہے مقام پادشاہی
(آقبال)

 

یوں تو پتھر کی بھی تقدیر بدل سکتی ہے
شرط یہ ہے کہ اُسے دل سے تراشا جائے​

 

یہاں رہوں گا تو پھر تیرے تذکرے ہوں گے
اگر کہو تو تیرا شہر چھوڑ جاؤں میں ؟ ؟​

 

نہ تو زمیں کے لیے ہے نہ آسماں کے لیے
جہاں ہے تیرے لیے تو نہیں‌جہاں کے لیے
نشانِ راہ دکھاتے تھے جو ستاروں کو
ترس گئے ہیں کسی مردِ راہ داں کے لیے
نگہ بلند، سخن دلنواز ، جاں پر سوز
یہی ہے رختِ سفر میر کارواں کے لیے

(اقبال)

 

ہنگامہ ہے کیوں برپا تھوڑی سی جو پی لی ہے
ڈاکہ تو نہیں‌مارا، چوری تو نہیں کی ہے​

 

یہیں بہشت بھی ہے، حور و جبرئیل بھی ہے
تیری نگاہ میں ابھی شوخیِ نظارہ نہیں

 

جبار صاحب کوشش کریں کہ اشعار درست لکھے جائیں “ڈاکا تو نہیں ڈالا“ درست ہے۔۔۔ڈاکا مارا درست نہیں

 

واصف بھائی! جلدی میں لکھا گیا :? خطا معاف اور درستگی کا شکریہ۔

ناکامئ وفا پہ اُڑاتے ہو تم ہسی
اے دوستو یہ رونے رلانے کی بات ہے​

 

اگرچہ ہم جا رہے ہیں محفل سے نالئہ دل فگار بن کر
مگر یقیں‌ہے کہ لوٹ آئیں گے نغمہ نو بہار بن کر
(ساغر صدیقی)

 

روٹھ جانا تو محبت کی علامت ہے مگر
کیا خبر تھی مجھ سے وہ اِتنا خفا ہو جائے گا​

 

اب نزع کا عالم ہے مجھ پر، تم اپنی محبت واپس لو
جب کشتی ڈوبنے لگتی ہے ، تو بوجھ اتارا کرتے ہیں